USirayeli Nemimandla Emngqongileyo
UYEHOVA wathi kuAbraham: ‘Hamba umke eUre eseMesopotamiya uye kwilizwe endiya kukubonisa lona.’ Elo lizwe lalinabemi yaye lingqongwe zezinye iintlanga.—Gen 12:1-3; 15:17-21.
Abantu bakaThixo baphuma eYiputa besazi ukuba, basenokuchaswa ziintshaba zabo, ‘ezinjengeengqwayingqwayi zakwaMowabhi.’ (Eks 15:14, 15) Ama-Amaleki, amaMowabhi, ama-Amoni, nama-Amori ayesendleleni yamaSirayeli eya kwiLizwe Lesithembiso. (Num 21:11-13; Dut 2:17-33; 23:3, 4) Yaye amaSirayeli ayeza kudibana nezinye iintlanga eziziintshaba zawo kwilizwe awayelithenjiswe nguThixo.
UThixo wathi uSirayeli wayeza ‘kususa iintlanga ezisixhenxe’—amaHiti, amaGirgashi, ama-Amori, amaKanan, amaPerizi, amaHivi namaYebhusi—ezazimele ukutshatyalaliswa. Zaziziphethe kakubi yaye unqulo lwazo lonakele. Phakathi koothixo bazo kwakukho uBhahali (owayemelwa ziintsika zamatye ezifanekisela ilungu lobudoda), uMoleki (ekwakubingelelwa kuye ngabantwana) nothixokazi wenzala uAshtoreti (uAstarte).—Dut 7:1-4; 12:31; Eks 23:23; Lev 18:21-25; 20:2-5; ABa 2:11-14; Nd 106:37, 38.
Maxa wambi wonke ummandla uThixo awayeza kuwunika uSirayeli wawubizwa ngokuba ‘yiKanan,’ ukususela kumntla weSidon ukuya kuma ‘ngentlambo yaseYiputa.’ (Num 13:2, 21; 34:2-12; Gen 10:19) Maxa wambi iBhayibhile ikhankanya iintlanga, izixeko okanye abantu abahlukahlukeneyo abakwelo lizwe. Ezinye zazihlala kwimimandla yazo, njengamaFilisti awayeselunxwemeni namaYebhusi awayekwiintaba ezikufutshane neYerusalem. (Num 13:29; Yos 13:3) Njengoko ixesha lalihamba, ezinye zatshintsha iindawo ezazihlala kuzo.—Gen 34:1, 2; 49:30; Yos 1:4; 11:3; ABa 1:16, 23-26.
Kuyabonakala ukuba ngexesha leMfuduko, ama-Amori ayelolona hlanga lunamandla.a (Dut 1:19-21; Yos 24:15) Athimba umhlaba wamaMowabhi, okumazantsi entlambo yeArnon, nangona ummandla ongaphesheya kweYeriko wawusabizwa ngokuba ‘ngamathafa aziinkqantosi akwaMowabhi.’ Ookumkani bama-Amori babelawula kwaneBhashan neGiliyadi.—Num 21:21-23, 33-35; 22:1; 33:46-51.
Nangona ayexhaswa nguThixo, amaSirayeli akazange azitshabalalise zonke ezo ntlanga ziqalekisiweyo, ezathi ekuhambeni kwexesha zawarhintyela. (Num 33:55; Yos 23:13; ABa 2:3; 3:5, 6; 2Ku 21:11) Ewe, amaSirayeli aba zizisulu nakuba ayenikwe esi silumkiso: “Nize ningalandeli abanye oothixo, nabaphi na oothixo bezizwana eziningqongileyo.”—Dut 6:14; 13:7.
[Umbhalo osemazantsi]
a Njengegama elithi ‘amaKanan,’ igama elithi ‘ama-Amori’ linokuba sisiquko sabantu belo lizwe okanye lisenokubhekisela kuhlanga oluthile.—Gen 15:16; 48:22.
[Imaphu ekwiphepha 11]
(Ukuba ufuna inkcazelo ehlahlelwe kakuhle, yiya kwimpapasho)
Intlanga Ezaziza Kukutshwa KwiLizwe Lesithembiso
IFILISTI (D8)
C8 IAshkelon
C9 IGaza
D8 IAshdode
D8 IGati
D9 IGerare
IKANAN (D8)
B10 AMA-AMALEKI
C12 IHatsare-adare (IAdare?)
C12 IKadeshe (IKadeshe-bharneya)
D8 ILakishe
D9 IBher-shebha
D10 AMA-AMORI
D11 INEGEBHI
E4 IDore
E5 IMegido
E5 ITahanaski
E6 IAfeki
E6 AMAHIVI
E7 AMAYEBHUSI
E8 IBhete-shemeshe
E8 IHebron (IKiriyati-arbha)
E9 AMAHITI
E9 IDebhiri
E10 IAradi (IKanan)
E10 AMAKENI
E11 IAkrabhim
F4 AMAGIRGASHI
F6 IShekem
F7 AMAPERIZI
F7 IGilgali
F7 IYeriko
F8 IYerusalem
G2 AMAHIVI
G2 KwaDan (ILayishe)
G3 IHatsore
IFENKE (F2)
E2 ITire
F1 ISidon
KWAEDOM (F12)
F11 ISIHIRE
G11 IBotsera
AMA-AMORI (KWASIHON) (G8)
G6 IGILIYADI
G7 IShitim
G7 IHeshbon
G9 IArohere
ISIRIYA (H1)
G1 Bhahali-gadi
G2 AMAHIVI
I1 IDamasko
AMAMOWABHI (H10)
AMA-AMORI (OG) (I5)
G6 IGILIYADI
H3 IBASHAN
H4 IAshtaroti
H4 IEdreyi
AMA-AMONI (I7)
H7 IRabha
[Iintlango]
H12 INTLANGO YASEARABHIYA
[Iintaba]
E4 Intaba YeKarmele
E11 Intaba YeHore
G1 Intaba YeHermon
G8 Intaba YeNebo
[Amanzi]
C6 Ulwandle LweMeditera (Ulwanle Olukhulu)
F9 Ulwandle LweTyuwa
G4 Ulwandlel LwaseGalili
[Imilambo nemijelo]
B11 Intlambo YaseYiputa
F6 Umlambo IYordan
G6 Intlambo YeYabhoki
G9 Intlambo YeArnoni
G11 Intlambo YeZerede
[Imifanekiso ekwiphepha 10]
Ngasekunene: UKumkani wama-Amori uOgi walawula iBhashan, eyayidume ngokuba neenkomo neegusha
Ngezantsi: IMowabhi, ngaphesheya koLwandle lweTyuwa ukuya kuma ngentlango yakwaYuda
[Umfanekiso okwiphepha 11]
UYehova walathisa uSirayeli ukuba asuse iintlanga ezazinqula oothixo bobuxoki, njengoBhahali, uMoleki, nothixokazi wenzala uAshtoreti (oboniswe apha)