IYerusalem Netempile KaSolomon

YAYIBIZWA ngokuba ‘bubuhle obugqibeleleyo’ kuphinde kuthiwe ‘yidolophu kaKumkani ozukileyo.’ (Nd 48:2; 50:2; IZi 2:15) IYerusalem yayilikomkhulu lohlanga lukaThixo. (Nd 76:2) Emva kokuba uDavide esithimbile esi sixeko kumaYebhusi waza wasenza ikomkhulu lakhe, sabizwa ngokuba ‘sisiXeko sikaDavide,’ okanye ‘iZiyon.’—2Sa 5:7.

Nangona yayimi kwindawo engabalulekanga kangako, iYerusalem yaduma ngenxa yokuba uThixo wabeka igama lakhe kuyo. (Dut 26:2) Yayiliziko lonqulo nelezolawulo lohlanga lwalapho.

IYerusalem iphakame kangangeemitha ezingama-750 phakathi kweentaba zakwaYuda. IBhayibhile iyathetha ‘ngokuphakama’ kwayo ize ithi abanquli ‘bayanyuka’ xa besiya kuyo. (Nd 48:2; 122:3, 4) Esi sixeko samandulo sasijikelezwe ziintlambo: iNtlambo kaHinom esentshona nasemzantsi nentlambo yeKidron esempuma. (2Ku 23:10; Yer 31:40) Umthombo kaGihona owawukwiNtlambo yeKidron esemazantsi e-En-rogele wawuvelisa amanzi acocekileyo, awayeluncedo ngokukhethekileyo ngamaxesha okuhlaselwa ziintshaba.—2Sa 17:17.

Kumzobo okwiphepha 21, isiXeko sikaDavide siphawulwe ngombala obomvu. Ebudeni bokulawula kukaDavide noSolomon, esi sixeko sanda saya kufikelela ngasentla eOfeli (ephawulwe ngombala oluhlaza) nakwiNtaba yaseMoriya (ephawulwe ngombala ozuba [blue]). (2Sa 5:7-9; 24:16-25) USolomon wamakhela itempile ezukileyo uYehova kuloo mmandla usentabeni. Yiba nomfanekiso-ngqondweni wezihlwele zabanquli zingumkrozo ukunyuka zisiya ‘entabeni kaYehova’ ngethuba lomthendeleko waminyaka le! (Zek 8:3) Iindlela ezixananazileyo eziboniswe kwiphepha 17 zazilwenza lube lula olo hambo.

Itempile kaSolomon, eyayihonjiswe ngegolide nangamatye anqabileyo, yayisesinye sezona zakhiwo zexabiso eliphakame gqitha zakha zakhiwa. Okuphawulekayo kukuba, nguYehova owalungiselela iplani yokwakhiwa kwaso. Njengoko ubona kulo mfanekiso, ecaleni kwetempile kwakukho iintendelezo ezinkulu nezakhiwo zezolawulo. Uya kungenelwa gqitha xa uhlolisisa iinkcukacha zayo.—1Ku 6:1–7:51; 1Kr 28:11-19; Heb 9:23, 24.

[Umbhalo osemazantsi]

[Ibhokisi ekwiphepha 21]

Ekuhambeni kwexesha, iYerusalem yanda ukuya ngasentshona nangasentla. Ookumkani bakwaYuda abalandela emva kukaSolomon bazandisa iindonga namasango. Uphando olwenziwayo ngezinto zakudala lusenokusikhanyisela ngeendawo ezazikuzo ezinye iinxalenye zodonga. Esi sixeko satshatyalaliswa ngowama-607 B.C.E. saza sahlala siyinkangala kangangeminyaka engama-70. Kwisithuba seminyaka engama-80 emva kokubuya kwamaYuda, uNehemiya waqalisa iphulo elikhulu lokwakhiwa kweendonga zaseYerusalem.

[Umzobo/Umfanekiso okwiphepha 21]

(Ukuba ufuna inkcazelo ehlahlelwe kakuhle, yiya kwimpapasho)

IYerusalem/Itempile KaSolomon

UMMANDLA WETEMPILE NGEXESHA LIKASOLOMON

Inkangeleko Yetempile

1. Eyona Ngcwele

2. Ingcwele

3. Iveranda

4. UBhohazi

5. UYakin

6. Isibingelelo Sobhedu

7. Ulwandle Olutyhidiweyo

8. Iinqwelwana

9. Amagumbi Asecaleni

10. Amagumbi Okutyela

11. Intendelezo Engaphakathi

UMMANDLA WETEMPILE

Intaba YaseMoriya

Amagumbi Okutyela

Iinqwelwana

Amagumbi Asecaleni

Eyona UBhohazi

Ngcwele Ngcwele Iveranda Isibingelelo Intendelezo

UYakin Sobhedu Engaphakathi

Iinqwelwana Ulwandle

Olutyhidiweyo

IOfeli

Indawo Yembutho?

Isango Lamanzi?

ISIXEKO SIKADAVIDE

Intaba YeZiyon

Ibhotwe LikaDavide

Isango Lomthombo

Udonga LwakwaManase?

Inqaba KaHananeli

Inqaba KaMeya

Isango Lezimvu

Isango Labalindi

Isango Lokuhlolwa

Isango Lamahashe

INTLAMBO YEKIDRON

Udonga Olusemazantsi?

IGihon

Umsele wamanzi owenziwa kamva

INTLAMBO YETYROPOEON

Isango Leemfumba Zothuthu (Iinkamba) (Ubulongwe)

IEn-rogele

Isango Lentlambo

INTLAMBO YASEHINOM

Isango Lembombo

Inqaba Yeziko Lokosa

Udonga Olubanzi

Isango LakwaEfrayim

Indawo Yembutho

Isango Lesixeko Esidala

Udonga Lokuqala Olusemantla

ISAHLULO SESIBINI

Isango Leentlanzi

[Umfanekiso]

IOfeli

Indlu Yentombi KaFaro

Ibhotwe LikaSolomon

Indlu Yehlathi LaseLebhanon

Iveranda Yeentsika

Iveranda Yetrone

Intaba YaseMoriya

Intendelezo Enkulu

Itempile

[Umfanekiso okwiphepha 20]

Kulo mmandla ungaphambili kwakumi “isiXeko sikaDavide.” Itempile yona ikummandla othe tyaba (lo ungasemva)

[Umfanekiso okwiphepha 20]

Lo ngumfanekiso ozotywe ngekhompyutha ‘wesiXeko sikaDavide’ netempile yamandulo kaSolomon