Izizathu Zokuvuya Kwethu

1. Sinentabalala yovuyo,

Luninzi njengobutyebi.

Kuyasivuyis’ ukubona

Abantu besithelela.

Uvuyo lwethu olukhulu

Lusekelw’ eZibhalweni.

Sizifunda yonke imihla,

Ziqinis’ ukholo lwethu.

Uvuyo lwethu luyavutha

Njengamalahle omlilo.

Nangona kukho izilingo,

Sinyamezela ngovuyo.

2. Sivuyiswa yindalo yakhe,

Amazulu kwanomhlaba.

Imangalisa ngokwenene

Imisebenzi kaThixo.

Ngovuyo sazisa abantu

Ngethemba loBukumkani.

Sibazisa ngeentsikelelo

Eziya kuziswa bubo.

Buya kuzisela uluntu

Uvuyo kwanemincili.

Kuya kubakho amazulu,

Kwakunye nomhlaba omtsha.