Iinyikima Zomhlaba—Imbandezelo Phezu Kwembandezelo

“WAKUSOYIKEKA. Sasizizibhadubhadu. Kwakungathi lulwandlekazi, yonk’ into yayishukuma.”

Watsho njalo omnye owasinda kwenye yezona nyikima zakhe zatshabalalisa embalini. Loo nyikima itshabalalisayo yantlitha elaseTshayina ngowe-1976, isitshabalalisa ngokupheleleyo isixeko saseTangshan yaza yasub’ imiphefumlo enokuba ngania-800 000. Into emangalisayo kukuba, loo mntu wasindayo wakwazi ukuthi ebetha ngezikaTshiwo azabalaze aphume kwihotele eyathi, kunye nesakhiwo esingurhec’ izulu kwesi sixeko nesiziiskwekilomitha ezingama-52, yawa bhuma.

Iziganeko ezilolo hlobo zeenyikima zomhiaba ziye zachaphazela abantu abangakumbi kwixesha lethu kunayo nayiphi na enye inkulungwane esezimbalini, nto leyo evus’ umdla wabantu emhlabeni wonke kwiinyikima zomhiaba. Izigidi zabantu ziye zafumana ingozi zaza zalahlekeIwa, ibe kwizigidi ezingakumbi itshoba liye lalal’ umbethe. Iinyikima zomhlaba ezinkulu ziba yimixholo ephambili kumaphephandaba ehlabathini lonke. Inyikima yowe-1985 eyabulala abantu abangaphezu kwama-9 000 kwisiXeko saseMexico yachaphazela iimvakalelo zabantu ehlabathini, ishukumisa iintlanga ukuba zixhabashele ukunceda kweso sixeko.

Uhlolisiso lwenzululwazi ngeenyikima luye lwathabath’ unyawo, kusetyenziswa ubugcisa banamhla. Ubukhulu beenyikima ngokuqhelekileyo bujongwa ngesikali sikaRichter, esinamanani amakhulu abonisa umlinganiselo omkhulu wokuqhekeka komhlaba. Kanti, ukuba ububanjiswe kwinyikima yomhlaba, ngaba ucinga ukuba ubuya kuba uzixakekisa ngokuzibuza ngomlinganiselo wayo ngokwesikali sikaRichter? Akunakufane kwenzeke oko. Ubuya kuzikhathaza ngokuhlala uphila. Ukwazi ubukhulu bayo ngokwesikali sikaRichter bekungayi kuwaguqula amava akho obuqu.

Iinyikima Zomhlaba Kwisiprofeto SeBhayibhile

Kwisiprofeto esineenkalo ezininzi, uYesu Kristu waziquka iinyikima zomhlaba, esithi: ‘Kuya kubakho nezinyikimo zomhlaba kwiindawo ngeendawo.’ Kwakhona waprofeta wathi: “Kuya kubakho iinyikima zomhlaba ezinkulu.” Intsingiselo yazo yayikukunxulumana kwazo nezinye iinxalenye zesiprofeto sakhe esixela kwangaphambili ngesizukulwana esasiya kuphawula intlanganisela engenakuthelekiswa nanto yemfazwe, iindlala, iindyikitya zokufa, ukuchas’ umthetho, uloyiko nokubandezeleka komhlaba wonke. Inzaliseko yayiya kuyila “umqondiso” wokubekwa kukaYesu etroneni njengoKumkani woBukumkani bukaThixo ibe yayiya kuphawula ukungena kwenkqubo yehlabathi kwimihla yayo yokugqibela. “Umqondiso,” kuquka inkalo yawo eyinyikima yomhlaba, ububonakala ukususela ngowe-1914.—Mateyu 24:3, 7-12; Luka 21:11, 25, 26, 31, 32.

Izazi ezininzi ngeenyikima zomhiaba zikholeIwa ukuba iinyikima zomhiaba azinkulwanga okanye azixhaphakanga ngakumbi ngoku kunokuba zazinjalo kwixa elidluleyo. Ngokwahlukileyo koko, abanye bagqiba ngelokuba isizukulwana sethu sibone iinyikima zomhiaba ngokufuthi ngakumbi kunokuba kwakunjalo ngezidlulileyo. Ngokweengxelo ezifumanekayo, inkulungwane yama-20 izigqwesa kanobom ezidluleyo ngokubakho kweenyikima zomhiaba. Iimpapasho zeWatch Tower Society ngokuphindaphindiweyo ziye zatsalel’ ingqalelo koku, zibalaselisa intsingiselo engokweBhayibhile yeenyikima ezazisenzeka ukususela ngowe-1914.a

Noko ke, iingxelo ezingeenyikima zomhiaba ngaphambi kowe-1914 aziphelelanga. Ibe izizukulwana zangaphambili zazingenazo iindlela ezingokwenzululwazi zokwenza umlinganiselo owawuya kusenza sithi ngendlela enokuthenjwa sithelekise ubukhulu beenyikima zomhlaba zexa elidlulileyo nezikhoyo. Ngaba oku kuthetha ukuba asinakukuqonda ukuzaliseka kwesiprofeto sikaYesu?

Hayi, akunjalo konke konke. UYesu ngokucacileyo wabona kwangaphambili ukuba embalini kwakungayi kubhalwa zonke iinyikima zangaphambi kowe-1914 nokuba izizukulwana zangaphambili zazingayi kuba nazo izixhobo ezichanileyo zokuqwalasela inyikima, kanye njengokuba wazibona kwangaphambili ezinye iimeko zexesha lethu. Ngoko ke, esi siprofeto akazange asibhale ngendlela yokuba ukuqondwa kwenzaliseko yaso kwakuya kufuna iingxelo ezingeenyikima zeenkulungwane zangaphambili okanye inkcazelo ekhutshwa zizixhobo. UYesu akazange atsho ukuba inani leenyikima zomhlaba ‘kwimihla yokugqibela’ laliya kuba likhulu ngokuphindwe kali-X kunenani elalikho ebudeni bethuba langaphambili, engazange atsho nokuba sasiya kubona ezona nyikima zinkulu kwezakha zakho. (2 Timoti 3:1) Akazange athethe njengesazi ngeenyikima zomhlaba.

UYesu watsalel’ ingqalelo kumava abantu. Iinyikima zomhlaba zaziya kuba yinxalenye ‘yokuqaleka kwenimba [kwembandezelo, NW].’ (Mateyu 24:8) Imbandezelo ayilinganiswa ngezixhobo. Ukubulaleka kwabantu ngumlinganiselo opheleleyo wentlekele, kuquka inyikima. Ukuze isiprofeto sikaYesu sizaliseke, imbandezelo ebangelwa ziinyikima zomhlaba kwakuza kufuneka ibekho ngendlela ebalaseleyo. Ngaloo ndlela ukuqondwa kwenkalo yenyikima yesiprofeto akuxhomekekanga kwiingxelo ezibalaseleyo ezigcinwa ngabantu okanye kumanani omlinganiselo owenziwa yinzululwazi yamandla enyikima. Iingxelo zanamhla zeenyikima zomhlaba ngokuchanileyo zibonisa ubukhulu bembandezelo yabantu ebangelwa kukuvela kwenyikima yomhlaba.

Isizathu Sokuba Imbandezelo Yenyikima Yomhlaba Ibe Ikhulile

Ngokucacileyo uYesu wayesazi ukuba abemi behlabathi babeya kwanda ibe uqheliselo lomntu lwaluya kuphantse ‘luwonakalise umhlaba.’ (ISityhilelo 11:18) Enyanisweni, abemi behlabathi baye banda phantse ngokuphindwe kathathu ukususela kowe-1914. Kwiinkulungwane ezingaphambili, inyikima yomhlaba ebubukhulu obuthile ngokuqhelekileyo yayichaphazela abantu abambalwa kunokuba ibiya kwenjenjalo ngoku.

Qwalasela iTangshan. Yayiyidolophana de kwayiminyaka yee-1870. Ukuba inyikima yowe-1976 yayintlithe ngelo xesha, abantu abafileyo ngebabengazange bodlula inani elincinane labemi bakhona. Ngowe-1879 kwaqalisa ukubakho kwemizi-mveliso. Kwathi kusiba yiminyaka yee-1970 abemi bakhona babe sebengaphaya kwesigidi, nto leyo eyabangela intlekele enkulu ngowe-1976.

Ngokubhekele phaya, amanani asekelwe kwisikali sikaRichter anokulahlekisa. Ngokomzekelo, inyikima yomhlaba yowe-1964 eyantlitha iAlaska yabulala abantu abali-115 ibe yayiyi-8,5 ngokwesikali sikaRichter. Inyikima yaseTangshan yayinomlinganiselo ophantsi we-8,2. Yiyiphi eyayinkulu ngokwenyaniso? Xa ilinganiswa ngenani labantu abafayo kunokuba ilinganiswe ngesikali sikaRichter, inyikima yaseTangshan yayimbi ngokucacileyo, yayiyeyona iqatha kwezikhoyo kwinkulungwane yama-20. Izixhobo azinako ukulinganisa ubukhulu bokubandezeleka kwabantu.

Ukukhululeka Kuyo Yonke Imbandezelo

Kanye njengokuba uYesu waxela kwangaphambili, amava oluntu ukususela ngowe-1914 abe ‘ngawokuqaleka kwenimba,’ njengokuba iinyikima bezinegalelo lazo. Wabonisa intsingiselo yoku, esithi: “Xa nithe nazibona ezi zinto zisihla, yazini ukuba bukufuphi ubukumkani bukaThixo. Inene ndithi kuni, Asiyi kukha sidlule esi sizukulwana, zide zihle zonke ezi zinto.” Kwakuya kuthetha ntoni oko kubafundi bakaYesu? Wathi, “Zakubon’ ukuba ezi zinto ziyaqala ukuhla, sukani nime, niziphakamise iintloko zenu, ngenxa yokuba iyasondela inkululeko yenu.”—Luka 21:28, 31, 32.

Kungekudala ngoku, akusayi kuphinde kubekho mbandezelo, kuquka leyo ibangelwa ziinyikima zomhlaba ezintlitha uluntu. Phantsi koBukumkani bukaThixo, zonke iinyembezi zobuhlungu ziya kusulwa ngonaphakade. Elo lithemba labantu besi sizukulwana. Ibe oko kunokuba lithemba lakho ukuba uyasabela kwinzaliseko yenye inxalenye yesiprofeto sikaYesu, isigidimi ngoku esivakaliswa zwenibanzi ngamaNgqina kaYehova: “Ezi ndaba zilungileyo zobukumkani ziya kuvakaliswa kulo elimiweyo liphela, zibe bubungqina kuzo zonke iintlanga; kwandule ke ukufika ukuphela.”—Mateyu 24:14; ISityhilelo 21:3, 4.

[Umbhalo osemazantsi]