Indibano Eye Yakwandisa Ukukholosa Kwethu NgoYehova
UBAWO wethu wasezulwini, uYehova uThixo, ukwazi kakuhle oko sikufunayo. Ibe ezingqondweni zabakhonzi bakhe abazahluleleyo nabalathisa umsebenzi wakhe emhlabeni ufake umoya wokuba balungiselele oko sikufunayo. Ngokuqinisekileyo kungatshiwo ukuba kwenzeke into efanayo ngeeNdibano Zesithili “Zokukholosa NgoYehova,” ebeziqhutywa emhlabeni wonke ukususela ngoJuni 1987 ukubhekisa phambili. Ngokwenene ziye zawomeleza amaKristu nxamnye nokuthandabuza, nokungathembeki okuxhaphake gqitha ehlabathini.
Umxholo othi “Ukukholosa NgoYehova” wasetyenziswa ngobuchule kucwangciso. Wabalaseliswa ngamazwi anamandla nangqalileyo, aye anikelwa ngokungafihlisiyo nangokuphandle. Konke oku kwabenza abaphulaphuli bakholosa ngakumbi ngoYehova. Babenokubuyela emakhaya lo mxholo ubetheleleke ngokungacimekiyo ezintliziyweni nasezingqondweni zabo, bezimisele ukuba baya kubonakalisa ngezenzo nangamazwi abo ukuba bakholose ngokupheleleyo ngoYehova.
“Kholosani NgoYehova”
Loo mazwi afumaneka kuIsaya 26:4 abonisa umxholo wosuku lokuqala. Ngokona kufaneleke gqitha, ucwangciso lwavulwa ngentetho ethi “Wabazele Indlebe Amazwi KaThixo.” Isithethi sabonisa ukuba eli binzana, elivela izihlandlo ezininzi eLizwini likaThixo, lithetha ukunikela ingqalelo epheleleyo ngengqondo nangentliziyo koko kuthethwayo, unenjongo yokukusebenzisa oko ukuvileyo. Oko kuthetha ukuzeyisa nokumilisela ingqondo koko kuthethwayo, ungayivumeli ukuba ibhadule. Kuphela kungokubaza indlebe yethu ngolo hlobo okunokuthi ukukholosa kwethu ngoYehova komelezwe koko sikuvayo ibe siya kuthi ke sishukunyiselwe ukwenza oko kuthethwayo. Yaye ngaba asifanele sibe nesimo sengqondo esifana neso nanini na sisiva kucaciswa iLizwi likaThixo, kwiintlanganiso zethu zebandla?
Usihlalo wendibano watshayelela intetho elandelayo eyayinomxholo othi, “Abo Bakholose NgoYehova Bayakuvuyela Ukuba Lapha.” Wabonisa ukuba okukhona sikholosa ngakumbi ngo Yehova, kokukhona siya sisonwaba ngakumbi. Ukukholosa ngoYehova kuthetha ukuthembela kuye ngokupheleleyo nangokunentembelo. Okukhona simazi yaye simthanda ngakumbi uYehova, kokukhona siya kukholosa ngakumbi ngaye. Umxholo wendibano wawungelobinzana nje elichaza ngenjongo yethu. Ukukholosa kwethu ngoYehova sikubonakalisa ngeendlela ezininzi, ingakumbi ngokuba nolwazelelelo ngabanye. Kumagqabaza akhe okuqukumbela nawathi achwayitisa bonke, usihlalo wathi wazisa ngokukhutshwa kwephecana lokuqala—isixhobo esinemibalabala nesiluncedo ekunikeleni ubungqina. Lalinomxholo othi Isizathu Sokuba Unokukholosa NgeBhayibhile.
Emva kokuxubusha ngomzekelo ophawulekayo kaDavide xa wayequbisene nesigebenga esinguGoliyati, isithethi esilandelayo sathetha phantsi komxholo othi “Indlela Abathile Abaye Bakholosa Ngayo NgoYehova” kumaxesha anamhla. Ngokomzekelo, kwakukho omnye udade eyathi indoda yakhe engakholwayo, yamsongela ngelokuba yayiza kumbulala ukuba wayeqhubeka esiya ezintlanganisweni, isitsho iphethe umpu esandleni. Abanye baye babonakalisa ukukholosa kwabo ngoYehova xa bathi baxelelwa ukuba ubomi babo babuxhomekeke ekwamkeleni kwabo utofelogazi. Ulutsha luye lwanikela ubungqina bokukholosa kwalo ngoYehova ngokuthi luxhathise iingcinezelo zokungenela ezemidlalo okanye ukukhetha imfundo ethe kratya emva kokuba lugqibile kwisikolo semfundo ephakamileyo.
Ucwangciso lwangentsasa yangoLwesihlanu lwaqukunjelwa ngentetho ethi “Abantu Abahluliweyo Kwihlabathi.” Sibonisa ukuba sikholose ngoYehova ngokuthi sigcine ihambo yethu ngokuphathelele abesini esahlukileyo ingenagxeke, ngokuthi sivumele imigaqo yobuKristu ilawule ukuzonwabisa kwethu, nangokuphepha sonke isinxibo nokuzilungisa obekuya kwenza ukuba ungacaci umahluko phakathi kwabesini esahlukileyo. Ukwahluka kwethu ngolo hlobo ehlabathini, amaxesha ngamaxesha kuye kunikele ubungqina obunamandla, kude kuphumele ekubeni bambi bafumane inyaniso.
Ngemva kwemini yangoLwesihlanu, uewangeiso lwaqalisa ngentetho ethi “Ubuvulindlela Buyakukhawulezisa Ukukhula Ngokomoya.” Yaye hayi indlela okuyinyaniso ngayo oko! NgeLizwi likaYehova, ngomoya wakhe oyingewele nangentlangano yakhe, uThixo ulungiselela oko sikufunayo ukuze sikhulele “ebudodeni obupheleleyo,” kodwa ubuvulindlela busenza ukuba siwasebenzise ngokulunge ngakumbi nangokuphelele ngakumbi onke la malungiselelo okomoya. (Efese 4:13) Ngokuthi kudliwan’ indlebe kunye nabo, oovulindlela bagqabaza ngendlela ethe inkonzo yexesha elizeleyo yabaneeda ngayo ukuba basihlakulele ngokuphelele ngakumbi isiqhamo somoya kaThixo, ukuba babathande ngakumbi abantu, ukuba babe nobuehule obungakumbi kubulungiseleli, nokuba bakholose ngoYehova ukusa kumlinganiselo omkhulu ngakumbi, ngaloo ndlela bekhuthazelwa ukuba babe nolwalamana olusondele ngakumbi naye. Konke oku kuye kwakukhawulezisa ukukhula kwabo ngokomoya.
Emva koko kwalandela intetho engumxholo ethi, “Abantu Abasoloko Bekholosa NgoYehova.” Olu dlwabevu lwentetho lwabonisa ukuba sahlukile ehlabathini kuba sikholose ngoYehova ngokupheleleyo. Sieaphula apha naphaya kwinewadi kaIsaya, isithethi sabonisa indlela esiye sakUbona ngayo ukuzaliseka kwezi ziprofeta zikhuthazayo kumaNgqina kaYehova ngenxa yokuba sikholose ngoThixo. Sikhangele phambili ngentembelo kwixesha elingekude elizayo xa uYehova aya ku thi abonakalise ingqumbo yakhe kuzo zonke iintlanga aze avulel’ indlela iParadisi.
Ababezile kwezi ndibano bakhuthazwa ngentetho ethi “Vakalisa Iindaba Ezilungileyo Ngalo Lonke Ixesha.” Emva kokuba kuye kwabethelelwa indlela ekubaluleke ngayo ukwenza oko, imiboniso eliqela yabonisa indlela ipheeana elitsha elithi Isizathu Sokuba Unokukholosa NgeBhayibhile elinokusetyenziswa ngayo ngokunomphumo kubungqina obuewangcisiweyo nakobungaewangciswanga. Ngokuqinisekileyo, sifuna ukusoloko siwaphatha la mapheeana, kuba ukusasaza iindaba ezilungileyo nanini na kuvela ithuba kufanele kube luphawu lwalo naliphi na ingqina likaYehova ibe kuyindlela esibonisa ngayo ukuba sikholose Ngaye.
Enye intetho eyavuyelwa kakhulu yayisithi “Bazali—Fikelelani Intliziyo Yomntwana Wenu Kwasebusaneni.” Ukuze umntwana akhule ekholose ngo Yehova, umele aqeqeshwe kwasebusaneni ibe oku kumele kube yinto yokuqala. Kuphela kusemva koko onokuthi ukwazi ukuthintela zonke iimpembelelo ezimbi zikamabonwakude, ezasesikolweni nezesitrato. Abazali baxelelwa oku, ‘Yiba yile nto ufuna umntwana wakho abe yiyo.’ Ewe, ukumisela umzekelo omhle kuyeyona ndlela ilungileyo yokutikelela intliziyo yomntwana. Zonke iinkalo eziphathelele inkonzo engcwele zimele zibe yinto esegazini ibe zimele zichwayitise ukuba imekobume yekhaya iza kuba yeyokomoya ngokwenene. Asifuni nakancinane ukuba nomunyu ngexesha nomgudu obandakanyekileyo. Kwakhona hlala utikelela intliziyo yomntwana ngokusoloko uncokola naye. Qhelisela ukuba ngongaguquguqukiyo uze ubonise uthando, yaye ube nesizathu sokuba unikele uqeqesho. Mncome uze umnike umvuzo xa kufanelekile, kodwa ungaze umnyobe umntwana wakho.
Kwalandela intetho eyathi yagxininisa kwingxaki enzulu ekhoyo phakathi kwamanye amaNgqina aselula neyayinomxholo othi “Lutsha—Kulumkeleni Ukuphila Ubomi Obumbaxa.” Kutheni le nto bambi bezama ukuphila ubomi obumbaxa? Kungenxa yokuba bafuna ukukholisa abazali babo nebandla kanti bakoyika nokungcikivwa ngoogxa babo behlabathi. Okanye bavakalelwa kukuba baphoswa lulonwabo oluthile ukuba abatshayi, abasebenzisi ziyobisi, okanye ababandakanyeki kwisini esingekho mthethweni. Kodwa ayikho nje kwaphela indlela yokusiphepha isibakala sokuba bonke abathi baphile ubomi obumbaxa ngolo hlobo bazisa ugculelo kuYehova, bazisa intlungu kubazali babo, yaye bona bazizisela usizi. Nabani na ohlwayelela inyama uvuna ukonakala, kanti ukulondoloza ulwalamano olulungileyo noYehova, ukukholosa ngaye ngokupheleleyo, kuyamkhusela ubani ukuba angaphili ubomi obumbaxa.—Galati 6:8.
Umdlalo owathi walandela ngokukhawuleza wayibalaselisa ngamandla yonke le migaqo. Wawunomxholo othi Ukuzithoba Ngokunyaniseka KuYehova Nakwintlangano Yakhe, yaye wawuqulethe ukutya okuninzi kweendlebe okufuna ukuba umntu azikise ukucinga njengoko wawubonisa indlela omnye umdala awaziva enyanzeleke ngayo ukuba asishiye is ikhundla sakhe sobudala kuba kwakubonakala ukuba intombi yakhe yayiphila ubomi obumbaxa. Lo mdlalo wabangela ukuba abaninzi babe nehlombe baze bavakalise amazwi ombulelo.
“Kholosa Ngo Yehova Wenze Okulungileyo”
Lo yayingumxholo wosuku lwesibini lwendibano nowawusekelwe kwiNdumiso 37:3. Emva kokuqwalaselwa kwetekisi yosuku, okwathi kwaquka ukhuthazo lokwenjenjalo mihla le, ucwangciso lwabalaselisa ungcelele lweentetho ezintathu ezazinomxholo othi “Ukubonakalisa Ukukholosa Kwethu NgoYehova.” Isithethi sokuqala sabonisa imfuneko yokwenza oku “Ngokulifundisisa Ngenkuthalo ILizwi LikaThixo.” Oku simele sikwenze ukuze siphephe umgibe wokungakhathali nezirhintyelo zezinto eziphathekayo, zokuziphatha okubi ngokwesini nezokuba ngabawexuki. UMbutho uye walungiselela intabalala yamancedo okufundisisa iBhayibhile, afana neWatch Tower Publications Index 1930-1985 entsha. Kuphela kungokuwasebenzisa ngokupheleleyo la mancedo okufundisisa iBhayibhile esinokuthi sibe nolwalamano oluhle, lokukholosa ngoBawo wethu wasezulwini yaye sibe ngabanempumelelo njengamangqina akhe.
Isithethi esilandelayo sabalaselisa inkalo yokuba ukukholosa ngoYehova kubonakaliswa “Ngokwenza Izinto Esizifundileyo.” Ewe, sifuna ukuba ngabenzi beLizwi, sisoloko sikuxhalabele ukwenza inkqubelaphambili. Sinokukwenza phi oku? Ewe, sinokukwenza kulwalamano lwethu nabanye, ngendlela esinxiba nesizilungisa ngayo, ngokufuna tanci uBukumkani bukaThixo nangokubalaselisa uxolo nomanyano phakathi kwabazalwana bethul Ukuze siphephe isono sokuzikhukhumalisa, simele sikuphaphele ukugcina indawo yethu entsatsheni nasebandleni. Ukuba sizisebenzisa ngaloo ndlela izinto esizifundayo, kuya kucaca kubo bonke ukuba sikholose ngoYehova.
Olu ngcelele lweentetho lwaqukunjelwa ngentetho ethi “Ukubonakalisa Ukukholosa Kwethu NgoYehovaNgokuzibhokoxa Entsimini.” Ngokwenza oku, sibonisa ukumthanda kwethu uThixo nabamelwane bethu yaye siyazikhusela. Sisenokwaneliswa yinkonzo ebonisa ukuba sidikidiki nenguphela sonwabe, kodwa ngaba uYehova uyaneliswa? Ngaba uNyana wakhe akasibongozi ukuba sizibhokoxe ngamandla? (Luka 13:24) Ulwando esisoloko silubona kubavakalisi, koovulindlela nakwisilinganiselo seeyure ezichithelwa kubulungiseleli basentsimini lufanele lusikhuthazele ekubeni sizame ukwenza okungakumbi ngokobuqu. Akunjalo na? Ngokwenza umsebenzi wenzondelelo elolo hlobo, siya kumisela umzekelo omhle, sibonakalise ukukholosa kwethu ngoYehova, size sikholiseke kuye.
Ngokulandelayo izazela zethu zachukunyiswa yintetho eyayisithi “Ziqhelise Ukupha Kakhulu.” Hayi indlela uYehova asilungiselela ngokuyintabalala ngayo ngokomoya nangokwezinto eziphathekayo! Sibonakalisa uxabiso lwethu ngokuthi simxelise ngokunikela ubungqina nangokunikela ngemali kumsebenzi wokushumayela. Ngaba sinokuba ziingcathu kwiziyolo ezidla imali eninzi ukuze siphe kakhulu?
Intetho yobhaptizo eyayisithi, “Uzahlulelo Nobhaptizo Lwakho Lubonisa Ukuba Ukholose NgoYehova,” yabonisa isizathu sokuba sikholose ngoYehova singakholosi ngabantu. Ubhaptizo lwamanzi lubonisa ukufa kwethu kwihambo yangaphambili size sivuselwe kwindlela yobomi evisisana nokuthanda kukaThixo. Emva koko, simele siqhubeke ‘sisenza okusesikweni, sithande inceba size sihambe noThixo wethu ngokuthozamileyo.’ (Mika 6:8) Phakathi kwabo bathi babhaptizwa yayiyintombazana eneminyaka esi-8 ubudala eqhubela amaqabane ayo amabini asesikolweni isifundo seBhayibhile, indoda eneminyaka engama-79 ubudala, nomntu ofe iingalo nemilenze oneminyaka engama-44 ubudala.
Ucwangciso lwasemva kwemini yangoMgqibelo lwaqalisa ngentetho eyayisithi “Ukwenza ‘Izinto Eziyimfuneko’ Ukuze Sikholise UThixo.” Yayisekelwe kwiZenzo 15:28, 29, ibe yabonisa imfuneko yokwazisa oogqirha bethu ngesimo sethu sengqondo ngokuphathelele igazi ngaphambi kokuba kuvele amanqam ezamayeza yaye yathi yanikela amacebiso amahle ngendlela esinokukwenza ngayo oku.
Intetho eyabangela ukuba abantu bangayihlanganisi imilomo yayisithi “Ukuzala Okubonakalisa Inkathalo Kweli Xesha Lesiphelo.” Yanikela imbono elungeleleneyo, ibonisa ukuba ngoxa ukuzala kunokuzisa uvuyo olukhulu, kukwazisa iimbopheleleko ezininzi ibe kudla ngokuphumela ekubeni nentliziyo ebuhlungu, njengaxa abantwana benxaxha. Ingakumbi ngoomama mhlawumbi abalahlekelwayo ngokomoya ngenxa yoxanduva lokuzala.
Kwathi ke kwalandela intetho ethi “Badala—Yinyamekeleni Imbopheleleko Yenu.” Le mbopheleleko ikukwalusa umhlambi kaThixo—ukuwukhokela, ukuwondla nokuwukhusela, ngokuvisisana noIsaya 32:1, 2. Ukuzinyamekela kakuhle iimbopheleleko zentsapho ngoxa unyamekela imisebenzi yebandla kulucelomngeni lokwenene. Kwakhona ukunyamekela kwabadala imbopheleleko yabo kuthetha ukuphepha ukurhintyelwa zizinto eziphathekayo, kukuzonwabisa okugqith’ emgceni naziziyolo ezingekho mthethweni. Phakathi kwabo kwathi kwadliwan’ indlebe nabo kwindibano yesithili eyayiseDortmund eNtshona Jamani yayingumdala obeyinyamekela imbopheleleko yakhe kangangeminyaka engama-60.
Ngokusengqiqweni kwalandela intetho ethi “Bathobeleni Abo Bakhokelayo.” Uthando luya kusinceda ukuba sibathambele yaye sibathobele abaveleli bebandla ibe luya kusigcina ekubeni ngabangenamonde kuba kaloku abafezekanga, njengokuba nathi singafezekanga. (Hebhere 13:17) Ngokubahlonela abadala kwimicimbi emikhulu nakwemincinane, sincedisana nabo ekuthwaleni uxanduva lwabo kunokuba silongeze.
Ucwangciso lwangoMgqibelo lwaqukunjelwa ngongcelele lweentetho ezintathu ezazinomxholo othi “ILizwi LikaThixo Liphilile,” nezazisekelwe kumaHebhere 4:12; Isithethi sokuqala sabonisa ukuba liphilile kuba “Linamandla Okuguqula.” Namhlanje, kwananjengakumaxesha okubhalwa kweBhayibhile, sinemizekelo emininzi ebonisa indlela ukukholosa ngeLizwi likaThixo okuye kwabangela ngayo ukuba abantu benze iinguqulelo ezinkulu ebomini babo nendlela eliye labomeleza ngayo ukuba bashumayele ngokungenaloyiko.
Inxalenye yesibini yolu ngcelele lweentetho ezithetha ngeLizwi likaThixo yabonisa ukuba “Libukhali Ngaphezu Kwekrele Elintlangothimbini.” Liyasineeda ukuba sisike iimfundiso ezibubuxoki zaseBhabhiloni zibe zizijungqe. Likwasineeda ukuba ‘sahlule umphefumlo nomoya’ ngohlobo lokuba lisenza sikwazi ukwahlula phakathi kwezenzo zethu neentshukumisa zethu zokwenene. Ngokusebenzisa eli ‘krele’ ngale ndlela, siya kumkholisa ngakumbi uYehova uThixo size sibe noxolo nabanye nakuthi ngokwethu.
Inxalenye yokuqukumbela yabonisa ukuba iLizwi likaThixo liphilile kuba “Liyayomeleza Lize Liyishukumise Intliziyo Yethu.” EBhayibhileni, igama elithi “intliziyo” ngokuqhelekileyo lisetyenziswa ngokufuziselayo ibe libhekisela kumntu wangaphakathi obonakaliswa ziimpawu zethu ezingokwengqondo naziimvakalelo zethu. ILizwi likaThixo liyazomeleza iintliziyo zethu ngokutyhila iimpawu zakhe ezimangalisayo ekuqhubaneni kwakhe noluntu. Uthando lukaThixo lokungazingei lusishukumisela ukuba simxelise. Kumagqabaza aso okuqukumbela, isithethi senza impinda ngengxelo yeWateh Tower Society ekupapasheni iiBhayibhile saza sabangela ukuba abaphulaphuli baphuphume yimineili ngokuthi sazise ngokukhutshwa kohlelo oluhle lwedeluxe olulingene ipokotho lweNew World Translation.
“Kholosa Ngo Yehova Ngentliziyo Yakho Yonke”
Lo mxholo wangeCawa, othatyathwe kwiMizekeliso 3:5, waqwalaselwa ngumdala owathi wavula uewangeiso waza waxubusha itekisi yosuku. Kwathi ke kwalandela intetho eehukumisa isazela ethi “Ngaba Uzithabatha Lula Izinto Ezingewele?” Ihlabathi linoluvo lokuba alimtyali nto uThixo, kodwa njengamaNgqina kaYehova, siyazi ukuba ukuze akholiswe sithi, simele sixelise amadoda akudala okholo ngokuthi sizixabise izinto ezingewele. Isithethi saxubusha ngezinto ezingewele ezili-13, phakathi kwazo ligama lika Yehova, iLizwi lakhe, umoya wakhe oyingewele, imithetho yakhe, intlangano yakhe ebonakalayo, ulwalamano lwethu noThixo, iintlanganiso zethu namalungelo ethu enkonzo. Ukuba sizixabisa ngokwenene ezi zinto zingewele, siya kuzibeka tanei ebomini bethu, sikholose ngoYehova ngokupheleleyo size sivuzwe nguye.
Kwalandela intetho enesiluleko esinamandla ethi “Lieekise Ngokupheleleyo Ikhondo Elilihlazo Leli Hlabathi.” Ngenxa yokungqala kwayo, yabangela ukuba kuvakaliswe amagqabaza anjengala athi, “Koko kanye besikufunal” Ekubeni ubungendawo buyinto exhaphakileyo, amaKristu amele akulumkele ukukubetha ngoyaba ukuziphatha okubi nogonyamelo. (2 Timoti 3:1-5) Ngoko ke, asifanele sizibukele okanye siziphulaphule izinto ezinjalo njengokuba zisasazwa kumabonwakude okanye kunomathotholo, singafanele sifunde ngazo nakoolindixesha. Eneneni, asifuni nokucinga ngazo. ‘AmaKristu okwenyaniso anqwenela ukulondoloza ulwalamano oluhle noYehova akanakuba nanto yakwenza nezinto ezibonisa amanyala,’ hayi, akanako nakaneinane!
Ucwangciso lwangentsasa yangeCawa lwaqukunjelwa ngomdlalo weBhayibhile obangel’ umdla othi UYehova Uyabahlangula Abo Babiza Egameni Lakhe. Wawuthetha ngeziganeko eziliqela ezenzeka ngethuba lokuphila kukaY oshuwa. Ngokungqalileyo, waOOnisa indlela abemi baseYeriko abamele ukuba bakugqala ngayo ukusijikeleza kwamadoda akwaSirayeli eso sixeko umhla nezolo. Kwakhona wabalaselisa ukholo lukaRahabhi olukhulu, olwaphumela ekubeni ahlangulwe yena nendlu yakhe. Ekuqukumbeleni, bonke babuzwa oku: ‘Ngaba unalo ukholo olomeleleyo nentembelo awayenayo uYoshuwa nabantu awayenxulumene nabo ababengamakhalipha? Ukuba siphendula ngokuthi ewe, ngoko mhlawumbi soba nesabelo ekoyisweni kokugqibela kweentshaba zikaYehova.’
INdibano Yesithili “Yokukholosa NgoYehova” yabalaseliswa ekuhleni yintetho eyayinomxholo othi “Kumaxesha Ethu Awoyikekayo, Ngubani Onokukholosa Ngaye Ngenene?” Yasenza saeaea isibakala sokuba uluntu lumfuna ngamandla umntu olunokukholosa ngayel Yabubonisa ngokueaeileyo ubuyatha bokukholosa ngabantu. Ngenxa yoko, iLizwi likaThixo lisiluleka ukuba sikholose ngoYehova ibe lisinika izizathu ezinamandla zokwenjenjalo. Sifanele sikholose ngaye ngenxa yeempawu zakhe nengxelo yokukhulula kwakhe abo bathi bakholosa ngaye, uKumkani uHezekiya ungumzekelo ophawulekayo wabo. Abo imisebenzi yabo ebonisa ukuba bakholose ngoYehova baya kuthi ngokukhawuleza bahlangulwe ngendlela efanayo.
Emva nje kwaloo ntetho kwalandela enye enomxholo othi “Qhubekani ‘Nihlala Ngoxolo.’” Ukuhlala ngoxolo kuthetha ukuba ngabakhutheleyo ekukhuthazeni uxolo. Kukwathetha ukuba seluxolweni thina ngokwethu ngenxa yokuba nesazela esilungileyo. Ngokubonakalisa iziqhamo zomoya kaThixo, ingakumbi uthando nokuzeyisa, siya kukwazi ukuhlala ngoxolo kunye neentsapho zethu kwakunye nabazalwana noodade ebandleni.
Alithandabuzeki elokuba le ndibano iye yasixhobisa sonke “Ukujongana Nekamva Ngokukholosa Ngokupheleleyo NgoYehova,” mxholo lowo wawungowentetho yokuqukumbela. Hayi indlela eyalushwankathela kakuhle ngayo olu cwangcisol Isithethi sagxininisa ukuba mihla le sifanele sikholose ngoYehova ngentliziyo yethu yonke, simazi yena ezindleleni zethu zonke, size simvumele ukuba awulungelelanise umendo wethu. (IMizekeliso 3:5, 6) Ababezile kule ndibano bakuvuyela ka. khulu ukuva ngeentetho zesidlangalala ezintsha ezili-16, nokushicilelwa kwakhona kwenqaku elithetha ngegazi elaphuma kuVukani! nesiya kuthi silifumane ukuze silinike oogqirha bethu. Ewe, kwakhona saye saphuphuma yimincili sakuva ngokukhutshwa kwenye ikhasethi yomdlalo weBhayibhile, nangokupapashwa kwamaphecana amathathu angakumbi!
Bonke ababekho kwiNdibano Yesithili “Yokukholosa NgoYehova” baye bakhiwa kakhulu ngokomoya. Ngoku bakulungele ukujongana nekamva bethembele ngokupheleleyo kuBawo wabo wasezulwini. Yaye bonke ngokufanelekileyo baye bakhuthazwa ngamagqabaza okuqukumbela athi: “Njengoko sijongene nekamva, ngamana sonke singathi ngokumanyeneyo singqine ngendlela esiphila ngayo ukuba ‘sikholose ngo Yehova.’”
[Isicangca esikwiphepha 26]
IiNdibano Zesithili “Zokukholosa NgoYehova” ezahlukahlukeneyo
Abezileyo Ababhaptiziweyo
EOsriya 24 686 360
EBrazil 442 731 7 626
KwelaseBritani 156 417 1 225
EColombia 82 321 1 852
EDenmark 23 029 200
ENtshona Jamani 159 361 1 455
EFinland 26 144 284
EFransi 138 683 2 705
EHong Kong 2 661 49
EIreland 4 326 61
EItali 221 227 5 496
EJamaica 18 540 184
EJapan 232 904 3 416
EKorea 82 296 2 013
EMalaysia 1 154 15
ENorway 12 703 218
EPortugal 55 057 1 074
EPuerto Rico 49 953 377
ESpeyin 105 591 2 394
ESweden 30 099 312
ESwitzerland 19 459 261
ETrinidad 10 649 132
EUnited States 1 288 313 13 562
EVenezuela 100 777 1 664
EZimbabwe 45 544 580
[Imifanekiso ekwiphepha 25]
Imidlalo exhokonx’ ingcinga yabalaselisa imfuneko yokukholosa ngoYehova
UF. W. Franz, olilungu leQumrhu Elilawulayo lamaNgqina kaYehova, ethetha nabaphulaphuli ababephulaphule ngenyameko endibanweni
[Umfanekiso okwiphepha 26]
Abaninzi babonakalisa ukukholosa kwabo ngoYehova ngokuthi babhaptizwe ukuze bafuzisele ukuzinikezela kwabo kuye