‘Amacandelo Andiwele Kwiindawo Ezimnandi’

Ngokubaliswa nguD. H. MacLean

APHO, ndahlala üyure ezininzi, yaye ecaleni kwam kwakukho elinye lamalungu oMkhosi wamaPolisa waseKhanada. Ndandibanjwe lilo. Sasisiya kwikampu yentolongo ekuMlambo iChalk, eOntario, eKhanada, yaye kwabonakala ngathi iikhilomitha ezingama-2 400 kuhanjwa ngololiwe zazingenakuze ziphele.

Kwakungowe-1944, yaye iMfazwe Yehlabathi II yayigquba ngamandla. Kodwa yintoni endandiyenza apha eyandibangela ukuba ndisiwe entolongweni? Kaloku, ubukhulu becala kwakungenxa yoko ndandikufundiswe nguTata ukususela ebuntwaneni. Wayesoloko eyiqukumbela yonke ingxoxo enzulu kunye nam ngokuthi abhekisele la mazwi omdumisi kubomi bakhe: “Amacandelo andiwele ezindaweni ezimnandi.” Ngoko wayedla ngokundibongoza ukuba ndizabalazele ukufumana kwaamava afanayo.—INdumiso 16:6.

Ukukhuliswa Ngokomoya

UTata wayekruqulwe zizinto awayezibone ngoxa wayesebenza kangangeminyaka emine njengesajini ebudeni beMfazwe Yehlabathi I, ingakumbi ihambo yokuhanahanisa kwabefundisi. Ngoko, ngowe-1920, xa umfundi weBhayibhile onehlombe wacacisa ngesicombululo sikaThixo kwiingxaki zehlabathi, iinyaniso ezingokweBhayibhile zafikelela intliziyo kaTata. Umama naye waba nomdla waza waba ngumkhonzi ozinikeleyo kaYehova. Ngenxa yoko, mna nodadewethu uKay saba nelungelo lokukhuliswa ngokomoya.

Ekuhambeni kwexesha, uTata walithengisa ishishini lakhe, yaye yen a noMama baqalisa ukuhamba kwiidolophu ngeedolophu kumsebenzi wokushumayela ixesha elizeleyo. Ngaloo ndlela, ebudeni bonyaka wesikolo we-1928, xa ndandineminyaka emithandathu uKay enesibhozo, sabhaliswa kwizikolo ezisibhozo ezahlukeneyo! Saqhubeka nale ndlela yokuphila yokuhambahamba sishumayela iinyanga ezili-18 ezathi zalandela. Kodwa xa kwaba nzima ngakumbi ukunikela ingqalelo efanelekileyo emfundweni yethu, abazali bam bathenga indawo yokutha ipetroli neyokulungisa iinqwelomafutha yaye ecaleni kwayo kwakukho ivenkilana ethengisa iikeyiki. Sekunjalo, ezo nyanga zili-18 zobuvulindlela zaba nomphumo ohlala uhleli kum nodade wethu.

Ikhaya lethu elalikufutshane ne Halifax, eNova Scotia, lalisoloko lilikhaya elivulelekele oovulindlela nabaveleli abahambahambayo. Utata wayenesisa yaye eluncedo kwabo babefuna ukulungiselwa iinqwelo-mafutha okanye befuna izinto ezithile zazo, ngoxa umama wayenyamekela iimfuno zasekhaya zeendwendwe zethu ezininzi. Ndiwakhumbula ngokucacileyo amava omeleza ukholo awayebaliswa ngabo basebenzi bexesha elizeleyo. Kwakhona ndikhumbula ixesha endandine-18 leminyaka ubudala yaye omnye wabazalwana abahambahambayo wandimema ukuba ndimpheleke kangangeeveki ezintathu njengoko wayetyelela amabandla akufutshane. Elo lungelo lingalindelekanga liye labetheleleka engqondweni yam.

Ukuchwayita Ebudeni Bokuvalwa Komsebenzi

Ngowe-1940, xa ndandineminyaka eli-17 kuphela ubudala, amagunya eKhanada ayibhengeza njengengekho mthethweni “Intlangano YamaNgqina Ka Yehova,” yaye umsebenzi wawo wokushumayela wabhangiswa. IMboniselo yayishicilelwa ngokufihlakeleyo ekhaya, yaye ukusuka apho yayisasazwa kulo lonke iphondo laseNova Scotia. Ndikhumbula imincili eyayibakho xa kwakufika umthunywa ezinzulwini zobusuku ephethe izistensile nezixa zamaphepha neinki.

Ebudeni benxalenye yokuqala yokuvalwa komsebenzi, njengentsapho saba nesabelo kusasazo olwalusenziwa ezinzulwini zobusuku nakwilizwe lonke lwencwadana enomxholo othi End of Nazism. Kodwa ndimele ndivume ukuba ndandityhwatyhwa njengoko ndandiphuma kuloo nqwelomafutha ndingena ebumnyameni bobo busuku bunengqele. Utata wayesiyalela ngokukhawuleza, nangokucacileyo. Ngoko sasihlukana aze ngamnye aye kwelinye icala.

Unokuyithelekelela indlela esasixhalabe ngayo xa uKay engazange abuyele kwinqwelomafutha ngexesha esasivumelene ngalo. Emva kokulinda ithuba elingaphezu kweyure, kwakungekho nto sasinokuyenza ngaphandle kokugoduka. Into eyabangela kwathi, gingxi izibilini kukuba wayelapho esilinde ngokunxungupheleyo. Wayecholwe ngabakwantsasana kodwa hayi kuba esasaza uncwadi olungekho mthethweni. Owakwantsasana wamphawula waza wazibuza ukuba kungani intombi enomtsalane ekwishumi elivisayo yayihamba yodwa ezitratweni zaseHalifax kwiiyure zasekuseni zentsasa yobusika obubandayo. Noko xa wathi unokumgodusa ngenqwelomafutha, uKay wavuma—zonke iincwadana zakhe wayesele ezisasazile. Uhlaselo lwaba nempumelelo ebalaseleyo yaye lwasasazeka lwaza lwaba ngundabamlonyeni kulo lonke elaseKhanada.

Indlela Endaba Libanjwa Ngayo

Emva kokugqiba kwisikolo semfundo ephakamileyo ngowe-1941, ndaphangela phantse iminyaka emibini. Ndandula ke ndaya kwindibano yesithili eyayiseUnited States, apho ndadibana noMilton Bartlett, uvulindlela onenzondelelo olingana nam. Ukuzondelela kwakhe inyaniso, novuyo olucacileyo kubuvulindlela ubukhulu becala ezo zinto zaba ngunobangela wokuba ndenze isigqibo sokuyeka ukuphangela ndize ndingenele ubulungiseleli bexesha elizeleyo ngoMatshi we-1943.

Ekubeni umsebenzi wawusavaliwe, ukushumayela ngeBhayibhile kwindlu ngendlu phantse ukuba yayingumdlalo wempuku nekati kunye nabakwantsasana. Kwisabelo esitsha eCharlottetown, kwiSiqithi iPrince Edward, ndandikuxhalabele gqitha ukuphuma ndiye kubulungiseleli ukuze ndibone indlela abantu abasabela ngayo kangangokuba ndakulibala ukubhala ikhelingi yeendawo endandihlala kuzo.

Ndandisatyelele amakhaya ambalwa xa ndabanjwa ngowakwantsasana owaphengulula ingxowa yam waza wandivalela. Ekubeni ndandingenakumnika ikhelingi, ndavalelwa entolongweni, apho ndandingavumelekanga ukuthetha nokubhalela abantu abangaphandle kangangeentsuku ezine. Ngethamsanqa, intombi yeNgqina elisebandleni yeva umphathi wabakwantsasana ethetha ngeNgqina eliselula abalibambileyo, yaye oku kwakhokelela ekukhutshweni kwam ngebheyile ngabazalwana.

Ityala lam lamiselwa elinye ixesha elikude kangangeenyanga eziliqela, yaye ndaqhubeka nobulungiseleli bendlu ngendlu. Ngoko ndanikwa esinye isabelo, eGlace Bay, eNova Scotia. Iinyanga ezimbalwa emva koko, ndafumana isamani yokuvela enkundleni emva eCharlottetown. Ndalilungiselela ngenkuthalo ityala lam, ndinethemba lokunikela ubungqina obunamandla ngobulungiseleli bam.

Umgwebi wayenelisekile kukuba ndandifikelele zonke iimfaneleko zokuba ngumlungiseleli wonqulo. Noko ke, wongeza ngelithi kwakulisiko ukuthumela amaNgqina kaYehova kwiikampu zentolongo ngokuvisisana nenkonzo yommiselo wesizwe. Kungalo ndlela ke endathi ndaba kuloo loliwe osinge kwikampu yentolongo kuMlambo iChalk, eOntario. Ebudeni beminyaka emibini eyalandelayo, ndathunyelwa kwiikampu ezintathu ezahlukeneyo.

Inkululeko—Kodwa Amadabi Angakumbi

Ngowe-1946 ndakhululwa ndaza ndabuyela kubuvulindlela eGlace Bay. Ekuvulweni komsebenzi wamaNgqina ka Yehova, kwakhona sasikhululekile ukuba senze umsebenzi wethu eKhanada ngenkuselo engokwasemthethweni. Umahluko nje wawukwiphondo lamaKatolika athetha isiFrentshi aseQuebec, apho intshutshiso yonqulo yayisenkulu. Ngaloo ndlela kwaqalisa okwabizwa ngokuba liDabi laseQuebec.

NgeCawa, ngoNovemba 3, 1946, kwalungiselelwa intlanganiso ekhethekileyo eMontreal, ekwakuze kuyo nomongameli weWatch Tower Society nabanye besuka kwikomkhulu laseBrooklyn. Kwakhutshwa iphecana eloyikekayo elithi Quebec’s Burning Hate for Gad and Christ and Freedom Is the Shame of All Canada, yaye kwacwangciswa ukuba lisasazwe kulo lonke eli lizwe. Oovulindlela bamenyelwa ukuba benze isicelo bangene kwiklasi elandelayo yaseGiliyadi ukufumana uqeqesho lokubaxhobisela ukulandela kolu hlaselo lukhethekileyo eQuebec. Ndenza isicelo yaye kwiinyanga nje ezimbalwa ndafumana isimemo sokungenela kwiklasi yesithoba yaseGiliyadi.

Ubomi KwiLizwe Elitsha

Ekubeni ndandiziva ndiyilungiselele kakuhle iQuebec ndamangaliseka ngokupheleleyo xa, emva kokubhiyozela ukuphumelela, ndathi ndanikwa isabelo sokuba ngumveleli wesiphaluka eOntario, eKhanada, ukutyelela amabandla athetha isiNgesi apho. Kanti oku kwakungento yanto xa kuthelekiswa nomothuko endawufumanayo kwiinyanga ezintandathu kamva xa ndanikwa incwadi evela kuMbutho eyayinesabelo esasindisa eOstreliya.

Apho kwelo lizwe litsha, isabelo sam sokuqala sasikukusebenza kwisiphaluka esasiligubungela ngokupheleleyo ilizwana elikwiNtshona yeOstreliya, ummandla omkhulu ozizikwekhilomitha ezizi-2 528 000! Esinye isiphaluka endasisebenzayo kwindawo esembindini weOstreliya sasiquka igxamesi elisemagqagaleni elibizwa ngokuba yiWilliam Creek. Ekuphela kweNgqina elalilapho lalinevenkile emi yodwa ethengisa imiphako kwisikhululo sikaloliwe. Ngenye imini ndamangaliswa kukubona inqwelo yenkamela iqhutywa ngabemi boMthonyama baseOstreliya icothoza ukuya kumisa ngasevenkileni. Ayeze kuthenga iimpahla. lncoko yaqhubeka ngolu hlobo:

Umthengi: Ndifuna izihlangu.

Unovenkile: Ezikhulu okanye ezincinane?

Umthengi: Ezikhulu.

Ngako oko, intengiso yayigqityiwe, yaye umthengi waphuma evenkileni waza waya kukhwelisa izihlangu zakhe ezitsha enkameleni yakhe. Kwangena omnye.

Umthengi: Ndifuna ilokhwe yelubra (igama elisetyenziswa ngabemi bomthonyana kumfazi).

Unovenkile: Mkhulu okanye unqinile?

Umthengi: Unqinile.

Ilokhwe yaveliswa, yahlawulelwa, yathiwa khatha engxoweni yaza yaya kukhweliswa kwinkamela eyayilindile.

Neqabane Lomtshato

Kwiminyaka emithathu emva kokuba ndifike eOstreliya, ndatshata intombazana entle yaseBrisbane, egarna linguJune Dobson. Emva komtshato wethu, saba ngoovulindlela ithuba elingangonyaka ngaphambi kokuba simenyelwe kwakhona kumseOOnzi wokuharnbaharnba, okokuqala kumseOOnzi wesiphaluka, yaye kamva kumsebenzi wesithili.

Xa ndandingekatshati, ndandisebenza imimandla emininzi ekude engenabantu baninzi ndihamba ngesithuthuthu. Noko ke, ngoku mna nomfazi wam sasihamba ngenqwelomafutha. Indlela eyayingumgarna oziikhilomitha ezili-1 200 ngaphaya kweThafa elibi iNullarbor, apho iqondo lobushushu ngokuqhelekileyo linyuka lifikelele ngaphezu kwe-46° centigrade, yayingekalungiswa yaye inothuli olucolekileyo. Yayiqhuma, kangangokuba inqwelo-mafutha yayifana nephenyane elibalekayo licanda emanzini. Ngenyarneko satywina yonke iminyango neefestile ngeteyiphu yokugquma ukuze sithintele olo thulikazi lubi. Oku kwabangela ukuba iqondo lobushushu ngaphakathi kwinqwelomafutha linyuke kanobom, kodwa ke ubuncinane sakhuseleka ekugqunyweni kukungcola nothuli.

Ebudeni beminyaka yethu kumsebenzi wesithili, sasilinqumla ilizwekazi laseOstreliya amaxesha ngamaxesha, sityelela iidolophu ngeedolophu nezixeko, yaye sikhonza kwiindibano zesiphaluka kuzo zonke iimeko esasizifumana zikho. Xa saqalisa kumsebenzi wesithili ngowe-1953, kwakukho nje isithili esinye eOstreliya. Ngoku zihlanu.

Ngowe-1960 kwafika isimemo esingalindelekanga—sokuba sikhonze eBheteli eSydney, eStrathfield. Umahluko kumsebenzi wokuhamba wawumkhulu, kodwa ekugqibeleni ndaqhelana nomsebenzi wokuhlala edesikeni. Noko ke, kungekudala safumana omnye ummangaliso. Emva kokukhonza eBheteli iinyanga ezili-18, mna noJune safumana isimemo sokuya kwizifundo ezitsha zeenyanga ezili-10 kwisikolo saseGiliyadi.

Ngokwahlukileyo ekufundeni kwangaphambili eGiliyadi eSouth Lansing, eNew York, ngeli xesha sasiseBrooklyn kanye kwikomkhulu lehlabathi lamaNgqina ka Yehova. Kumbhiyozo wokuphumelela, sabelwa emva eOstreliya, kwakhona kumsebenzi wokuhambahamba. Sakhonza kweso sikhundla kwada kwangowe-1981, xa saphinda samenyelwa ukuba sibuyele emva kwiBheteli yaseSydney. Apho sathi sakwazi ukuba nenxaxheba kumseOOnzi omkhulu wokufudusa yonke iofisi yesebe, umzimveliso nentsapho yaseBheteli ukusuka eStrathfield ukuya kwizakhiwo ezazisandul’ ukwakhiwa elngleburn, malunga nama-48 eekhilomitha ukusuka embindini weSydney.

“Ezindaweni Ezimnandi”

Apha umsebenzi wam kwiofisi yokunyarnekela umsebenzi wenkonzo uluyolo mihla le. Ekubeni ndibazi ngokobuqu abazalwana noodade abakulo lonke eli lizwekazi ngenxa yokuchitha iminyaka emininzi kumsebenzi wesithili, ndinomnqweno wokuba kunye nabaveleli OOsiphaluka njengoko iingxelo zabo zifika veki nganye. Iingxelo zabaveleli OOsithili zindibangela ndizibone ndikwiiholo ezinabaphulaphuli riakwiiHolo zeeNdibano yaye kukho imekobume yendibano yesiphaluka. Njengoko sinentsapho yaseBheteli engaphezulu kwe-110, ekummandla wasemaphandleni okude nengxolo nongcoliso lwasesixekweni, mna nomkam sivakalelwa lelokuba ubomi baseBheteli buyeyona ‘ndawo imnandi.’

Emva kwemini ngomhla waseKwindla ngoMeyi we-1984 umlungelelanisi weKomiti yeSebe, uH. V. Mouritz, ngokuzolileyo wandixelela ukuba ndandifumene isaOOlo esivela kwiQumrhu Elilawulayo, sokukhonza njengelungu leKomiti yeSebe laseOstreliya. Iimvakalelo endandinazo ngaloo mva kwemini zazifana nendandinazo ngowe-1947 xa ndandifunda incwadi eyayindabela kweli lizwe lolonwabo.

Xa ndihlolisisa iminyaka engama-65 ndikwintlangano kaYehova ndivakalelwa kukuba iNdumiso 16:6 izaliseka kum ngokobuqu. Ngenene, “amacandelo” andiwele “kwindawo ezimnandi” kakhulu. Ukuba kungafuneka ndiphinde ndibucebe ubomi bam, ngaphandle kwamathandabuzo bendiya kulikhetha ngokuthe ngqo ikhondo endilithabathileyo. Akunakubakho omnye umphumo omnandiakunakubakho amanye arnava anomvuzo.