IWatchtower LAYBRARI EKWI-INTANETHI
IWatchtower
LAYIBRARI EKWI-INTANETHI
IsiXhosa
  • IBHAYIBHILE
  • IINCWADI
  • MEETINGS
  • w00 1/1 iphe. 29
  • Amalungu Amatsha EQumrhu Elilawulayo

No video available for this selection.

Sorry, there was an error loading the video.

  • Amalungu Amatsha EQumrhu Elilawulayo
  • IMboniselo Evakalisa UBukumkani BukaYehova—2000
  • Amanqaku Afanayo
  • Amalungu Amatsha EQumrhu Elilawulayo
    IMboniselo Evakalisa UBukumkani BukaYehova—2006
  • ‘Ebeyazi Indlela’
    IMboniselo Evakalisa UBukumkani BukaYehova 2014
  • Ilungu Elitsha LeQumrhu Elilawulayo
    IMboniselo Evakalisa UBukumkani BukaYehova 2013
  • Ilungu Elitsha LeQumrhu Elilawulayo
    IMboniselo Evakalisa UBukumkani BukaYehova (Efundwayo)—2019
Khangela Okunye
IMboniselo Evakalisa UBukumkani BukaYehova—2000
w00 1/1 iphe. 29

Amalungu Amatsha EQumrhu Elilawulayo

NGOMGQIBELO, ngo-Oktobha 2, 1999, iNtlanganiso Yonyaka yeWatch Tower Bible and Tract Society of Pennsylvania yaqukunjelwa ngesaziso esasingalindelekanga. Ababelapho abangama-10 594 okanye ababeqhagamshelene ngocingo bavuya ukuva ukuba kuye kongezwa amalungu amane kwiQumrhu Elilawulayo lamaNgqina kaYehova. Amalungu amatsha, onke ngamaKristu athanjisiweyo, nguSamuel F. Herd; uM. Stephen Lett; uGuy H. Pierce noDavid H. Splane.

• USamuel Herd waqalisa ukuba nguvulindlela ngowe-1958, yaye ukususela ngowe-1965 ukusa kowe-1997, wayekumsebenzi wesiphaluka nowesithili. Emva koko, yena nomfazi wakhe, uGloria, bebeyinxalenye yentsapho yaseBheteli yaseUnited States, apho uMzalwan’ uHerd ebesebenza kwiSebe Lenkonzo. Kwakhona ebencedisa kwiKomiti Yenkonzo.

• UStephen Lett waqalisa ukuba nguvulindlela ngoDisemba 1966, yaye ukususela ngowe-1967 ukusa kowe-1971, wayekhonza eBheteli eUnited States. Ngo-Oktobha 1971, watshata nomfazi wakhe, uSusan, waza wakhonza njengovulindlela okhethekileyo. Ukususela ngowe-1979 ukusa kowe-1998, wayekhonza njengomveleli wesiphaluka. Ukususela ngoAprili 1998, yena noSusan baba yinxalenye yentsapho yaseBheteli eUnited States. Apho uye wasebenza kwiSebe Lenkonzo yaye ebencedisa kwiKomiti Yokufundisa.

• UGuy Pierce wakhulisa intsapho waza yena nomfazi wakhe baqalisa ukuba ngoovulindlela ngoAprili 1982. Ebekhonza njengomveleli wesiphaluka ukususela ngowe-1986 ukusa ngowe-1997, xa yena nomfazi wakhe, uPenny, baba yinxalenye yentsapho yaseBheteli eBrooklyn. UMzalwan’ uPierce ebencedisa kwiKomiti Yabasebenzi.

• UDavid Splane waqalisa ukuba nguvulindlela ngoSeptemba 1963. Waphumelela kwiklasi yama-42 yaseGiliyadi, wakhonza njengomvangeli wasemazweni eSenegal, eAfrika, emva koko wakumsebenzi wesiphaluka kangangeminyaka eli-19 eKhanada. Yena nomfazi wakhe, uLinda, baba seBheteli yaseUnited States ukususela ngowe-1990, apho uMzalwan’ uSplane uye wasebenza kwisebe Lenkonzo neLokubhala. Ukususela ngowe-1998, ebencedisa kwiKomiti Yokubhala.

Ukongezelela kula malungu mane matsha, iQumrhu Elilawulayo ngoku liquka uC. W. Barber, uJ. E. Barr, uM. G. Henschel, uG. Lösch, uT. Jaracz, uK. F. Klein, uA. D. Schroeder, uL. A. Swingle noD. Sydlik. Sonke sithandazela ukuba uYehova angaqhubeka esikelela aze aqinise iQumrhu Elilawulayo, ngoku elandisiweyo, njengoko liqhubeka lisongamela imisebenzi yabantu bakaThixo emhlabeni wonke nezilangazelelo zabo zokomoya.

    Iimpapasho ZesiXhosa (1986-2025)
    Log Out
    Log In
    • IsiXhosa
    • Share
    • Zikhethele
    • Copyright © 2025 Watch Tower Bible and Tract Society of Pennsylvania
    • Imiqathango
    • Umthetho Wezinto Eziyimfihlo
    • Privacy Settings
    • JW.ORG
    • Log In
    Share