Inqaku Labaselula

UPetros Ukhanyela UYesu

Imiyalelo: Funda ezi ndinyana zingezantsi kwindawo engenasiphazamiso. Njengokuba ufunda ezi ndinyana, yiba ngathi ulapho. Yiba nomfanekiso-ngqondweni woko kwenzekayo. Makube ngathi uyaweva amazwi abantu ofunda ngabo. Vakalelwa ngendlela ababevakalelwa ngayo abantu ekuthethwa ngabo eBhayibhileni.

HLALUTYA ISIGANEKO.—FUNDA UMATEYU 26:31-35, 69-75.

Bangaphi abantu ocinga ukuba bakwesi siganeko?

․․․․․

Ngaba ucinga ukuba abantu ababethetha noPetros babenobuhlobo? befun’ ukwazi? benomsindo? okanye bevakalelwa ngenye indlela?

․․․․․

Ucinga wayevakalelwa njani uPetros xa wayephekw’ esophulwa ngale mibuzo?

․․․․․

Kwakutheni ukuze uPetros akhanyele uYesu? Ngaba wayengamthandi okanye kwakungenxa yenye nje into?

․․․․․

PHANDA NGOKUNZULU.—FUNDA ULUKA 22:31-34; MATEYU 26:55-58; YOHANE 21:9-17.

Ukuzithemba kakhulu kukaPetros kwaba negalelo njani kwimpazamo awayenzayo?

․․․․․

UYesu wamthemba njani uPetros nakuba wayesazi ukuba wayeza kumkhanyela?

․․․․․

Nakuba wamkhanyela uYesu, uPetros wayibonisa njani inkalipho engakumbi kunabanye abafundi?

․․․․․

Wabonisa njani uYesu ukuba umxolele uPetros?

․․․․․

Ucinga ukuba kwakutheni ukuze uYesu ambuze izihlandlo ezithathu uPetros esithi, ‘Uyandithanda na?’

․․․․․

Ucinga ukuba uPetros wavakalelwa njani emva kokuthetha noYesu, yaye ngoba?

․․․․․

KUSEBENZISE OKUFUNDILEYO. ZIBHALE PHANTSI IZINTO OZIFUNDILEYO . . .

Ukoyika abantu.

․․․․․

UYesu wayevelana nabafundi bakhe naxa benze impazamo.

․․․․․

Yiyiphi eyona nkalo kule ngxelo ekuchaphazelayo wena yaye ngoba?

․․․․

․․․․