IWatchtower LAYBRARI EKWI-INTANETHI
IWatchtower
LAYIBRARI EKWI-INTANETHI
IsiXhosa
  • IBHAYIBHILE
  • IINCWADI
  • MEETINGS
  • w08 7/1 iphe. 30
  • Ngaba Kuphosakele Ukusebenzisa Igama LikaThixo?

No video available for this selection.

Sorry, there was an error loading the video.

  • Ngaba Kuphosakele Ukusebenzisa Igama LikaThixo?
  • IMboniselo Evakalisa UBukumkani BukaYehova—2008
  • Amanqaku Afanayo
  • Igama LikaThixo—Ukusetyenziswa Kwalo Nentsingiselo Yalo
    Yintoni Ngokwenene Efundiswa YiBhayibhile?
  • UYehova
    Ukuqiqa NgeZibhalo
  • Igama LikaThixo
    Vukani!—2017
  • Ngaba Kuphosakele Ukubiza Igama LikaThixo?
    Vukani!—1999
Khangela Okunye
IMboniselo Evakalisa UBukumkani BukaYehova—2008
w08 7/1 iphe. 30

Ngaba Kuphosakele Ukusebenzisa Igama LikaThixo?

KWIZIBHALO zesiHebhere, ekudla ngokubhekiselwa kuzo “njengeTestamente Endala” igama likaThixo livela phantse izihlandlo ezingama-7 000 ngale ndlela יהוה (funda ukususela ekunene ukuya ekhohlo). Ngamanye amazwi, igama likaThixo limelwe ngonobumba abane besiHebhere uYohdh, uHe, uWaw, noHe, ngokuqhelekileyo abaguqulelwa ngokuthi YHWH.

Mandulo, amaYuda aba nenkolelo yokuba kuphosakele ukusebenzisa igama likaThixo. Ngenxa yoko, ayengalisebenzisi eli gama yaye kwimibhalo yabo asebenzisa amagama amela lona. Iinguqulelo ezininzi zeBhayibhile zisebenzisa igama elithi “Yahweh,” okanye “Yehova.” Enye inguqulelo elisebenzisayo yiJerusalem Bible yamaKatolika. Ngokwale nguqulelo, xa uMoses wabuza uThixo indlela awayeza kusabela ngayo ukuba amaSirayeli ayenokumbuza ukuba ngubani omthumele kubo, uThixo waphendula wathi: “Uze uthi koonyana bakaSirayeli: ‘UYahweh, uThixo wookhokho benu, uThixo ka-Abraham, uThixo kaIsake noThixo kaYakobi, undithumile kuni.’ Lilo elo igama lam kuse kwixesha elingenammiselo, yaye sisikhumbuzo sam eso kwizizukulwana ngezizukulwana.”—Eksodus 3:15.

Xa uYesu wayethandaza esebenzisa igama likaThixo wathi: “Ndilazisile igama lakho kubo yaye ndiza kulazisa.” Kumthandazo ngokuqhelekileyo obizwa ngokuba ngumthandazo weNkosi, uYesu wathi: “Bawo wethu osemazulwini, malingcwaliswe igama lakho.”—Yohane 17:26; Mateyu 6:9.

Kusenokumangalisa ukufumanisa ukuba kwincwadi yakutshanje kaPope Benedict XVI ethi Jesus of Nazareth ithi ngokuphathelele ukusetyenziswa kwegama likaThixo: “AmaSirayeli enza kakuhle kakhulu ngokwala ukusebenzisa igama uThixo alisebenzisileyo elibizwa ngolu hlobo YHWH ukuze aphephe ukulithoba libe kumgangatho wezithixo zabahedeni. Iinguqulelo zeBhayibhile zaziphosakele ngokusebenzisa eli gama—amaSirayeli aligqala njengelingaziwayo nelingabizwayo—kodwa ligama nje elidala.”

Wen’ uthini? Ngaba kuphosakele okanye akuphosakelanga ukusebenzisa igama likaThixo? Ukuba uThixo uthi: “Lilo elo igama lam kuse kwixesha elingenammiselo, yaye sisikhumbuzo sam eso kwizizukulwana ngezizukulwana,” ngaba kukho umntu onokungavumelani noko akuthethayo?

[Umfanekiso okwiphepha 30]

UYesu wasebenzisa igama likaThixo xa wayethandaza

    Iimpapasho ZesiXhosa (1986-2025)
    Log Out
    Log In
    • IsiXhosa
    • Share
    • Zikhethele
    • Copyright © 2025 Watch Tower Bible and Tract Society of Pennsylvania
    • Imiqathango
    • Umthetho Wezinto Eziyimfihlo
    • Privacy Settings
    • JW.ORG
    • Log In
    Share