Inqaku Labaselula
Zimele Ngokuqinileyo Izinto Ozikholelwayo!
Imiyalelo: Funda ezi ndinyana zeBhayibhile zingezantsi kwindawo ongazukuphazanyiswa kuyo. Njengokuba uzifunda zibone nawe ulapho. Yiba ngathi uyayibona into eyenzekayo. Beve bethetha abantu abalapho. Vakalelwa ngendlela abavakalelwa ngayo abantu ekuthethwa ngabo.
Abalinganiswa abaphambili: UYeremiya, uEbhedi-meleki noKumkani uZedekiya.
Ushwankathelo: UYeremiya uchaswa kanobom njengoko exelela abantu bakwaYuda ukuba uThixo uthi mabanikezele kumaKhaledi.
1 HLALUTYA ESI SIGANEKO.—FUNDA UYEREMIYA 38:1-5.
Ucinga ukuba wayevakalelwa njani uYeremiya njengoko wayethetha nabantu bakwaYuda?
․․․․․
Limele ukuba lalivakala njani ilizwi likaYeremiya njengoko wayechaza isilumkiso sikaYehova?
․․․․․
CINGISISA.
Kufanele ukuba ziziphi izinto awayezikholelwa uYeremiya nezamenza wathetha ngesibindi?
․․․․․
2 HLALUTYA ESI SIGANEKO.—FUNDA UYEREMIYA 38:6-13.
Yiba nomfanekiso ngqondweni weli qula—chaza ububanzi, ubunzulu kunye nevumba elimele ukuba lalilapho.
․․․․․
Inokuba wayecinga ntoni uYeremiya njengoko ‘wayetshona eludakeni.’? (Phinda ufunde ivesi 6)
․․․․․
PHANDA.
Phanda kwiincwadi onazo izinto obukade ungazazi ngamaqula awayesetyenziswa ngamaxesha okubhalwa kweBhayibhile.
․․․․․
Kumele ukuba wayethembe ntoni uEbhedi-meleki ukuze ahlangule uYeremiya? (Phinda ufunde ivesi 7-9)
․․․․․
Kwakutheni ukuze uZedekiya aphenjelelwe lula, okokuqala ziinkosana aze kamva aphinde aphenjelelwe nanguEbhedi-meleki? (Phinda ufunde ivesi 5 ne-10) Le nto ibonisa ukuba wayengumntu onjani? Ibonisa ntoni ngokungakwazi kwakhe ukuzimela izinto awayezikholelwa?
․․․․․
Ngoobani kweli bali ababeyimela into ababeyikholelwa yaye ngoobani ababengayimeli? Kutheni uphendula kanjalo nje?
․․․․․
3 YISEBENZISE LE NTO OYIFUNDILEYO. BHALA IZINTO OZIFUNDILEYO . . .
Ngokuba nesibindi.
․․․․․
Ngokuyimela into oyikholelwayo.
․․․․․
Ngendlela uYehova abakhusela ngayo abantu abamthobelayo.
․․․․․
Ukuyimela into oyikholelwayo kunokukunceda njani ukuba wenze izinto ezilungileyo xa uphantsi koxinezeleko?
․․․․․
4 YINTONI OYITHANDILEYO NGELI BALI YAYE KUTHENI UYITHANDA NJE?
․․․․․
UKUBA AWUNAYO IBHAYIBHILE CELA AMANGQINA KAYEHOVA AKUPHATHELE OKANYE UYIFUNDE KWI-INTERNET www.watchtower.org