Inqaku Labaselula

Zixabise Izinto Ezingcwele!

Imiyalelo: Funda ezi ndinyana zeBhayibhile kwindawo ongazukuphazanyiswa kuyo. Njengoko ufunda, yiba ngathi ulapho nawe. Yiba ngathi uyayibona into eyenzekayo. Beve ngathi bayathetha abantu abalapho. Vakalelwa ngendlela abavakalelwa ngayo abantu abalapho.

Abalinganiswa abaphambili: UIsake, uRebheka, uYakobi noEsawu

Into eyenzeka kweli bali: UEsawu uthengisa ngobuzibulo bakhe kwiwele lakhe uYakobi.

1 HLALUTYA ESI SIGANEKO.—FUNDA IGENESIS 25:20-34.

Ziziphi iimpawu uYakobi noEsawu abazibonakalisayo kwangaphambi kokuba bazalwe?

․․․․․

Ucinga ukuba babenjani uYakobi noEsawu xa babeselula?

․․․․․

Ucinga ukuba babevakalelwa njani uYakobi noEsawu xa babencokola kwivesi yama-30 ukusa kweyama-33?

․․․․․

PHANDA.

Phanda ngamalungelo ayehambisana nokuba lizibulo. Yintoni eyayiwenza abaluleke la malungelo? Kwakubonisa ntoni ukuthengisa la malungelo ngesitya sesityu?

․․․․․

2 HLALUTYA ESI SIGANEKO.—FUNDA IGENESIS 27:1-10, 30-38.

Ucinga ukuba wavakalelwa njani uEsawu esakufumanisa ukuba umninawa wakhe ufumene iintsikelelo zobuzibulo?

․․․․․

PHANDA.

Ngaba yayiphosakele into eyenziwa nguRebheka noYakobi eyaphumela ekubeni uYakobi afumane iintsikelelo? Kutheni usitsho nje? (Funda iGenesis 25:23, 33.)

․․․․․

3 ZISEBENZISE IZINTO OZIFUNDILEYO. BHALA IZINTO OZIFUNDILEYO . . .

Imiphumo yokulahl’ imbo yakho ngophoyiyana.

․․․․․

EZINYE IINDLELA ONOKUYISEBENZISA NGAZO LE NGXELO.

Ziziphi izinto ezingcwele oziphathisiweyo?

․․․․․

Ziziphi iindlela onokubonisa ngazo ukuba uyazixabisa izinto ezingcwele?

․․․․․

4 YINTONI OYITHANDILEYO KWELI BALI YAYE KUTHENI UYITHANDA NJE?

․․․․․

Ukuba awunayo iBhayibhile cela amaNgqina kaYehova akuphathele okanye uyifunde kwi-Internet www.watchtower.org