IWatchtower LAYBRARI EKWI-INTANETHI
IWatchtower
LAYIBRARI EKWI-INTANETHI
IsiXhosa
  • IBHAYIBHILE
  • IINCWADI
  • MEETINGS
  • w11 2/1 iphe. 27
  • Ngaba AmaNgqina KaYehova Ayalamkela Unyango?

No video available for this selection.

Sorry, there was an error loading the video.

  • Ngaba AmaNgqina KaYehova Ayalamkela Unyango?
  • IMboniselo Evakalisa UBukumkani BukaYehova—2011
  • Amanqaku Afanayo
  • Ngaba AmaNgqina KaYehova Ayalwamkela Unyango?
    Imibuzo Abantu Abaqhele Ukuyibuza NgamaNgqina KaYehova
  • Unyango Lwezamayeza Olukhethayo—Ngaba Lubalulekile?
    Vukani!—2001
  • Ngaba UmKristu Unokulwamkela Unyango?
    Imibuzo YeBhayibhile Iyaphendulwa
  • Ngaba AmaNgqina KaYehova Athi IVaccine Ayifanelekanga?
    Imibuzo Abantu Abaqhele Ukuyibuza NgamaNgqina KaYehova
Khangela Okunye
IMboniselo Evakalisa UBukumkani BukaYehova—2011
w11 2/1 iphe. 27

Imibuzo Yabafundi . . .

Ngaba AmaNgqina KaYehova Ayalamkela Unyango?

▪ UYesu wathi “kubantu abasempilweni akufuneki gqirha, kodwa kwabagulayo uyafuneka.” (Mateyu 9:12) Wayebonisa ukuba akukho Sibhalo sithi kuphosakele ukunyangwa ngoogqirha. Ngenxa yoko, amaNgqina kaYehova ayalamkela unyango. Afuna ukuba sempilweni nokuphila ixesha elide. Amanye awo, njengomKristu wenkulungwane yokuqala uLuka, angoogqirha.—Kolose 4:14.

Noko ke, amaNgqina kaYehova awalwamkeli unyango olungqubana nemigaqo yeBhayibhile. Ngokomzekelo awavumi ukutofelwa igazi kuba iBhayibhile iyakwalela ukutya igazi. (Genesis 9:4; Levitikus 17:1-14; IZenzo 15:28, 29) ILizwi likaThixo aliluvumeli nonyango olusebenzisa ‘amandla angaqhelekanga,’ okanye ukusebenzelana nemimoya.—Isaya 1:13; Galati 5:19-21.

Oogqirha abaninzi bayakwazi ukunyanga ngezinto ezingangqubaniyo nemilinganiselo yeBhayibhile. Ngokuqhelekileyo ezo nkqubo zonyango, ezidla ngokukhethwa ngamaNgqina amaninzi, zikumgangatho ophezulu kunezo zingqubana nezinto ezifunwa nguThixo.

Kakade ke, zininzi izimvo kwimibandela yezonyango. Into emncedayo omnye umntu isenokungamncedi omnye. Ngaloo ndlela abantu abafuna ukuxilongwa nokunyangwa kwisigulo esithile basenokufuna uluvo lomnye ugqirha.—IMizekeliso 14:15.

Asingawo onke amaNgqina anokuvuma ukunyangwa ngendlela efanayo. ILizwi likaThixo liyawavumela amaKristu ukuba enze ngokuvumelana nezazela zawo xa umthetho kaThixo ungabandakanyekanga. (Roma 14:2-4) Ngoko ke, mntu ngamnye ufanele ahlole unyango ukuba alungqubani nesazela sakhe esiqeqeshwe yiBhayibhile.—Galati 6:5; Hebhere 5:14.

INgqina xa lisenza isigqibo lifanele lisenze ngobulumko njengaxa umntu oqhuba imoto efika kwisiphambuka esineemoto ezininzi. Ukuba ulandela iimoto ezingaphambi kwakhe ezibalekayo, unokwenzakala. Umqhubi olumkileyo uthoba isantya aze ajonge ezinye iimoto ngaphambi kokuba angene. Ngendlela efanayo, amaNgqina awazenzi buphuthuphuthu izigqibo eziphathelele unyango okanye enze isigqibo esithandwa ngabantu abaninzi. Kunoko, ahlola zonke iindlela zonyango anokuzisebenzisa aze azithelekise nemigaqo yeBhayibhile.

Ngokuqinisekileyo amaNgqina kaYehova ayakuxabisa ukuzibhokoxa nokuzinikela kwabezonyango. Ayaluxabisa nonyango alufumana kwaba bantu.

    Iimpapasho ZesiXhosa (1986-2025)
    Log Out
    Log In
    • IsiXhosa
    • Share
    • Zikhethele
    • Copyright © 2025 Watch Tower Bible and Tract Society of Pennsylvania
    • Imiqathango
    • Umthetho Wezinto Eziyimfihlo
    • Privacy Settings
    • JW.ORG
    • Log In
    Share