“Ngaba Bonke Abantu Baya Kuze Bathandane?”
1 Kukho isigidimi esimnandi, esichukumisayo nesivuyisayo esimele sivakaliswe ehlabathini lonke ngeelwimi ezili-169. Sithini esi sigidimi? Yaye siza kuhanjiswa njani?
2 Esi sigidimi singokuthanda ummelwane. Siza kuba kwiphecana iKingdom News No. 35, enomxholo othi “Ngaba Bonke Abantu Baya Kuze Bathandane?” Eli phecana iKingdom News lenza amavandlakanya ngeemeko ezigqubayo ehlabathini jikelele ngoku sithethayo, libonisa ukuba ukungabi naluthando kwabantu kusisizekabani seentliziyo ezingamahlwili nentlungu engathethekiyo. Licacisa isizathu sokuba, uthando lweentlanga luphole, ingakumbi kumhla wethu noko kuthethwa koku ngekamva.
3 Kwangaxeshanye, iKingdom News No. 35 ibonisa ukuba uthando lokwenene ngommelwane lukho phakathi kwezigidi ngezigidi eziphilayo kwihlabathi lanamhlanje. Lithetha ngabo banesabelo ekuvuseleleni ubuKristu bamandulo—unqulo lwenkulungwane yokuqala olwalubonakala ngokuthanda ummelwane njengoko uYesu Kristu wafundisa njalo.—Luka 10:25-37.
4 IKingdom News No. 35 iqukumbela ngokucacisa indlela abaya kuthandana ngayo abamelwane phantsi kolawulo loBukumkani bukaThixo obulawulwa nguKristu kungekudala. Abo bafunda esi sigidimi bayakhuthazwa ukuba bazifumanele incwadana enemifanekiso ethi Yintoni UThixo Ayifunayo Kuthi? baze bafunde indlela yokuba yinxalenye yeli lungiselelo lothando lomhlaba wonke elichazwe ngokweenkcukacha kwiLizwi likaThixo.
5 Ngoobani Abaza Kuhambisa Esi Sigidimi? Ngo-Oktobha nangoNovemba amaNgqina kaYehova ehlabathini ngokubanzi aza kube enesabelo ekwabelaneni ngesi sigidimi singokuthanda ummelwane nabantu abaziyo, abamelwane nezalamane zawo. Bonke abafanelekayo bayakhuthazwa ukuba babe nesabelo ekusasazeni kuwonke wonke le Kingdom News No. 35.
6 Injongo ephambili yeli phulo kukwenza abantu babe nomdla wokuba nesifundo seBhayibhile kwincwadana enemifanekiso ethi Okufunwa NguThixo okanye kwincwadi ethi Ulwazi. Ukongezelela koku, umgudu owenziwa ngentliziyo epheleleyo ngumkhonzi kaYehova ngamnye uya kuvelisa ubungqina obukhulu ngothando lukaThixo, uYehova noNyana wakhe, uYesu Kristu.