Isingxobo Semibuzo

◼ Yintoni esinokuyenza ukuze iintlanganiso zethu zibe yingenelo ngakumbi?

Bambi basenokuyibeka phezu kwamagxa abadala nezicaka zolungiselelo kuphela imbopheleleko yokwenza iintlanganiso zebandla ziphumelele ekubeni ingabo abaziqhubayo nabasingatha inkoliso yeenxalenye zazo. Eneneni, sonke sinokuba negalelo kwiintlanganiso ezibangel’ umdla neziyingenelo. Sinokuzenza ziphumelele ngakumbi iintlanganiso ngezi ndlela zilishumi zilandelayo:

Lungiselela kusengaphambili. Xa silungiselela kakuhle, iintlanganiso ziyawuvusa umdla wethu. Xa sonke sisenza oku, iintlanganiso ziyadlamka yaye zakhe nangakumbi. Yibakho rhoqo. Wonke umntu ozileyo ukhuthazeka ngakumbi xa abezileyo bebaninzi, nto leyo ebenza bakuqonde ngakumbi ukubaluleka kokubakho. Fika ngexesha. Ukuba siba sesihleli phantsi ngaphambi kokuqalisa kocwangciso, sinokuthelela kwingoma nomthandazo wokuvula size ngaloo ndlela singenelwe ngokupheleleyo kuloo ntlanganiso. Yiza uxhobile. Xa sisiza neBhayibhile yethu neempapasho eziza kusetyenziswa kuloo ntlanganiso, sinokuhambisana size sikhanyelwe ngakumbi koko kuxutyushwayo. Phepha iziphazamiso. Sinokuphulaphula bhetele xa sihleli phambili kanye. Ukusebeza nokuquqa kwindlu yangasese kusenokuphazamisa ingqalelo yethu kunye neyabanye. Yiba negalelo. Xa inkoliso yethu iphakamisa izandla ize igqabaze, baninzi abakhuthazekayo nabakhekayo ngamazwi ethu okuvakalisa ukholo. Yenza amagqabaza amafutshane. Oku kunika abaninzi kangangoko ithuba lokuba nesabelo. Amagqabaza ethu amafutshane sifanele siwaphelelisele kumbandela ofundisiswayo. Ziphumeze izabelo. Njengabafundi kwiSikolo Sobulungiseleli Sobuthixo okanye ababa nenxaxheba kwiNtlanganiso Yenkonzo, lungiselelani kakuhle, qheliselani kwangaphambili yaye nizame ukungazirhoxisi izabelo zenu. Bancome abo baba negalelo. Baxelele abanye indlela exatyiswa ngayo imigudu yabo. Oku kuyabakha yaye kubashukumisela ukuba benze okungakumbi kwixesha elizayo. Khuthazanani. Ukubulisana ngobubele neencoko ezakhayo ngaphambi nasemva kweentlanganiso zongezelela kuyolo neengenelo esizifumana ngokubakho kwiintlanganiso.