Abaveleli Abakhokelayo—Unobhala
1 Unobhala webandla unendima ebalulekileyo ekuqinisekiseni ukuba ‘zonke izinto zenzeka ngokundilisekileyo nangokwelungiselelo.’ (1 Kor. 14:40) Njengelungu leKomiti Yenkonzo Yebandla, unyamekela unxibelelwano lwebandla neengxelo ezibalulekileyo. Nangona imisebenzi yakhe ingenakubonakala kuye wonke ubani njengeyabanye abadala, iinkonzo zakhe zifuneka kakhulu yaye zixabisekile.
2 Xa kufike imbalelwano evela kuMbutho okanye kwabanye, unobhala uyayinyamekela aze aqinisekise ukuba kuyaphendulwa xa kuyimfuneko. Uyaqinisekisa ukuba iileta ezifikayo zifunyanwa ngabo bonke abadala zize zifayilishwe ukuze kubhekiselwe kuzo. Uhlola amaphephancwadi uncwadi neefomu zokuodola uncwadi aze azithumele kuMbutho. Ubavelela ngokungqalileyo abo banyamekela imirhumo nemali nemibandela enokuthanani nendibano.
3 Ekubeni unobhala efanele athumele ingxelo yebandla yenyanga yenkonzo yasentsimini kuMbutho ngomhla wesithandathu walo nyanga, kufuneka xa sisonke sifake ingxelo yethu yenkonzo yasentsimini ngokukhawuleza ekupheleni kwenyanga nganye. Emva koko uyayiposa ingxelo yenkonzo ngeqweqwe leNgxelo Yomvakalisi Webandla. Nawuphi na umvakalisi unokucela ukubona ingxelo yobuqu yomsebenzi wakhe.
4 Xa umvakalisi efika okanye efuduka ebandleni, unobhala unokucela okanye athumele kubadala belinye ibandla ileta yokumazisa kwakunye neqweqwe leNgxelo Yomvakalisi Webandla lakhe.—UBulungiseleli Bethu, iphe. 104-5.
5 Unobhala uhlolisisa umsebenzi woovulindlela, aze azise abadala ngokukodwa umveleli wenkonzo ngazo naziphi na iingxaki ezinokuthi zivele. Wazisa Abaqhubi beZifundo Zencwadi Zebandla ngabavakalisi abaxhiphulisayo entsimini. Bobabini unobhala nomveleli wenkonzo bayakhokela kwimigudu eyenziwayo yokunyamekela abapholileyo.—UBulungiseleli Bethu BoBukumkani, bukaNovemba 1987, iphe. 1.
6 Ekubeni sinoxabiso olungakumbi ngemisebenzi kanobhala, ngamana singenza unako-nako ukumnceda kube lula ukuphumeza ubugosa bakhe.—1 Kor. 4:2.