IWatchtower LAYBRARI EKWI-INTANETHI
IWatchtower
LAYIBRARI EKWI-INTANETHI
IsiXhosa
  • IBHAYIBHILE
  • IINCWADI
  • MEETINGS
  • km 7/01 iphe. 3
  • Ucwangciso Olutsha LweNdibano Yesiphaluka

No video available for this selection.

Sorry, there was an error loading the video.

  • Ucwangciso Olutsha LweNdibano Yesiphaluka
  • Ubulungiseleli Bethu BoBukumkani—2001
  • Amanqaku Afanayo
  • Hlakulela Ukuba Intliziyo Yakho Imoyike UYehova
    IMboniselo Evakalisa UBukumkani BukaYehova—2001
  • Ukoyika Uthixo Ngaba Kunokukunceda?
    IMboniselo Evakalisa UBukumkani BukaYehova—1987
  • Kutheni Sifanele Simoyike UThixo?
    IMboniselo Evakalisa UBukumkani BukaYehova—1989
  • Ukufunda Ukufumana Uvuyo Ngokoyika UYehova
    IMboniselo Evakalisa UBukumkani BukaYehova—1995
Khangela Okunye
Ubulungiseleli Bethu BoBukumkani—2001
km 7/01 iphe. 3

Ucwangciso Olutsha LweNdibano Yesiphaluka

Enye ingcaciso yoloyiko “yintlonelo enzulu noloyiko, ngokukodwa kuThixo.” Oku kuchaza uloyiko olufanelekileyo ekubhekiselwa kulo eZibhalweni ‘njengokuqala kobulumko.’ (INdu. 111:10) Ngokuchasene noko, olunye uhlobo loloyiko lulawula ihlabathi likaSathana elisingqongileyo. Singayiphepha njani loo mvakalelo ingafanelekanga ngoxa sikhulisa uloyiko olufanelekileyo ngoYehova? Ucwangciso olutsha lwendibano yesiphaluka lonyaka wenkonzo wama-2002 luxubusha lo mbuzo. Umxholo uthi “Moyikeni UThixo Nimzukise.” (ISityhi. 14:7) Siza kuqonda iindlela ezininzi esingenelwa ngazo ngokoyika uYehova ngokomntu ngamnye nanjengentlangano.

Nangona uloyiko lusenokubangela inkxalabo okanye ukuphelelwa yinkalipho uze woyike ukujamelana nemeko elucelomngeni, iBhayibhile ithi: “Unoyolo wonk’ ubani omoyikayo uYehova.” (INdu. 128:1) Ucwangciso lwendibano luza kubonisa indlela esinokuhlangabezana ngayo ngokuphumelelayo nocelomngeni kunqulo lokwenyaniso. Siza kubona indlela yokunceda abasebatsha bahlakulele olo loyiko lufanelekileyo ngoThixo, oluza kubakhuthaza bafune ukumkhonza ngentliziyo, ngomphefumlo, ngengqondo nangamandla ephela. (Marko 12:30) Usuku lokuqala luza kuqukunjelwa ngentetho yomveleli wesithili enomxholo othi “Sondelelana Ngakumbi Nabo Ubathandayo.” Iza kuchaza indlela esingahlala siyiphaphele ngayo imigudu kaMtyholi yokusiphambukisa kuYehova, kwintsapho yethu nakubazalwana bethu abangamaKristu.

“Yoyika UYehova, Kungekhona Abantu,” lowo ngumxholo wongcelele lwentetho oluneenxalenye ezine zosuku lwesibini. Uza kuchaza isizathu nendlela esinokuloyisa ngayo naluphi na uloyiko olusiphazamisayo ekubuphumezeni ngokuzeleyo ubulungiseleli bethu okanye ekubeni sigcine ingqibelelo yethu nesazela esicocekileyo esikolweni nasemsebenzini. Intetho yesidlangalala eza kube isithi “Yoyikani UThixo Nize Nigcine Imithetho Yakhe” isekelwe kungcelele lweziganeko ezichazwe kwiSityhilelo isahluko 14. Indibano yesiphaluka iya kuqukunjelwa ngentetho ekhuthazayo ethi “Qhubekani Nihamba Ekoyikeni UYehova.”

ISikolo Sobulungiseleli Sobuthixo, iNtlanganiso Yenkonzo engumzekelo, intetho yobhaptizo noshwankathelo lweSifundo seMboniselo ziimbalasane ezongezelelekileyo zocwangciso ongayi kufuna ukuba zikuphose. Mema izifundo zakho zeBhayibhile ukuba zize kunye nawe. Nabaphi na abafuna ukubhaptizwa bafanele baxelele umveleli owongamelayo ngokukhawuleza kangangoko kunokwenzeka. Sonke siya kufuna ukubonisa uloyiko lwethu olufanelekileyo ngoYehova size simzukise ngokuthi singaphoswa yiyo nayiphina na inxalenye yolu cwangciso lubalaseleyo!

    Iimpapasho ZesiXhosa (1986-2025)
    Log Out
    Log In
    • IsiXhosa
    • Share
    • Zikhethele
    • Copyright © 2025 Watch Tower Bible and Tract Society of Pennsylvania
    • Imiqathango
    • Umthetho Wezinto Eziyimfihlo
    • Privacy Settings
    • JW.ORG
    • Log In
    Share