Iintshayelelo Zamaphephancwadi

IMboniselo Dis. 15

“Ngeli xesha enyakeni, abantu abaninzi bacinga ngokuzalwa kukaYesu. Ngaba wakha wazibuza ukuba yintsapho enjani le wakhulela kuyo? [Mvumele aphendule. Emva kwempendulo funda uLuka 2:51, 52.] Le Mboniselo ichaza oko sinokukufunda kwingxelo yeBhayibhile echaza indlela uYesu awakhuliswa ngayo.”

Vukani! Jan. 8

“Sonke sinqwenela ukuba abantwana bethu bonwabe, baphumelele ebomini. Ucinga ukuba yintoni eyona nto bayifunayo abantwana ukuze bakwazi ukuphila kweli hlabathi lizaliswe ziingxaki? [Mvumele aphendule. Yandula ke ufunde IMizekeliso 22:6.] Lo Vukani! uthetha ngezinto abazifunayo abantwana kwanendlela abazali abanokuzenza ngayo ezo zinto.”

IMboniselo Jan. 1

“Abantu abaninzi balangazelela ukuba kubekho uxolo kulo mhlaba. Ucinga ukuba aya kuze azaliseke la mazwi? [Funda INdumiso 46:9. Emva koko mvumele aphendule.] Le Mboniselo ichaza indlela okuya kuzaliseka ngayo oku nesizathu sokuba sithembele kumadinga kaThixo ehlabathi elingenazimfazwe.”

Vukani! Jan. 8

“Ehlabathini jikelele, izigidi zabantu ziyabandezeleka ngenxa yeengxaki zemvakalelo, ezinjengokudandatheka okunzulu nesifo ekuthiwa yibipolar. UMdali wethu ubakhathalele ngokwenene abo banjalo. [Funda INdumiso 34:18.] Eli phephancwadi lixubusha ngendlela abanokuncedwa ngayo. Likwathetha nangesithembiso esiseBhayibhileni sokuba kungekudala ukugula kuya kuphela.”