IWatchtower LAYBRARI EKWI-INTANETHI
IWatchtower
LAYIBRARI EKWI-INTANETHI
IsiXhosa
  • IBHAYIBHILE
  • IINCWADI
  • MEETINGS
  • km 4/05 iphe. 5
  • Bancede Bafumane Ubungqina Obungakumbi

No video available for this selection.

Sorry, there was an error loading the video.

  • Bancede Bafumane Ubungqina Obungakumbi
  • Ubulungiseleli Bethu BoBukumkani—2005
  • Amanqaku Afanayo
  • Ukuphuhlisa Intsimi Yolunye Ulwimi
    Ubulungiseleli Bethu BoBukumkani—2009
  • Indlela Yokusebenzisa Ifomu Ethi Nceda Ubuyele (S-43)
    Ubulungiseleli Bethu BoBukumkani—2011
  • Iindlela Zokushumayela Iindaba Ezilungileyo
    Ukwenza Ukuthanda KukaYehova Ngolungelelwano
  • Ukubonakalisa Ukungakhethi Buso Kubulungiseleli Bethu
    Ubulungiseleli Bethu BoBukumkani—1993
Khangela Okunye
Ubulungiseleli Bethu BoBukumkani—2005
km 4/05 iphe. 5

Bancede Bafumane Ubungqina Obungakumbi

1 Njengoko sishumayela iindaba ezilungileyo, ngokufuthi sidibana nabantu abangahlali kwintsimi yethu okanye abathetha olunye ulwimi, kuquka intetho yezandla. Abanye ebesifunda kakuhle nabo basenokufuduka kwintsimi yethu. Yintoni esinokuyenza ukuze abantu abanjalo bafumane ubungqina obungakumbi? Sinokusebenzisa ifomu ethi Nceda Ubuyele (S-43).

2 Abantu baziphulaphula ngenyameko iindaba ezilungileyo xa zishunyayelwa ngolwimi lwabo. (IZe. 22:1, 2) Xa sidibana naba bantu, siya kusisebenzisa ngokuphumelelayo isixhobo esisandul’ ukusifumana kwiindibano esiyincwadana ethi Good News for People of All Nations. Ngenxa yoko, kwiimeko ezininzi xa sidibana nomntu othetha olunye ulwimi, sifanele sizalise ifomu iS-43 nokuba loo mntu akanamdla kwisigidimi soBukumkani. Sekunjalo, xa bebaninzi abantu abathetha ulwimi lwasemzini ekushunyayelwa kubo rhoqo, kusenokungabikho mfuneko yokuba kuzaliswe le fomu ngaphandle kokuba umntu lowo unomdla.

3 Ukuzalisa Ifomu: Ngobuchule zabalazela ukufumana igama laloo mntu, idilesi kwanenombolo yakhe yefowuni. Chaza umdla anawo lo mntu, ixesha anokufumaneka ngalo, uncwadi alunikiweyo okanye alucelileyo, nolwimi aluqonda lula. Emva kokuzalisa le fomu, ngoko nangoko yidlulisele kunobhala webandla, yena uya kuyithumela kwibandla okanye kwiqela elifanelekileyo.

4 Ukuthumela Ifomu: Ukuba unobhala akazi ukuba ufanele ayithumele kwiliphi ibandla okanye iqela le fomu okanye akanayo idilesi yeposi, unokufowunela eofisini kwiTerritory Desk ukuze afumane inkcazelo efunekayo. Akusekho mfuneko yokuchazela umveleli wesixeko xa kuthunyelwa ifomu.

5 Nanini na ibandla okanye iqela lifumana ifomu ezaliswe ngokupheleleyo ethi Nceda Ubuyele, ngoko nangoko kumele kwenziwe amalungiselelo okudibana naloo mntu. Njengoko siyenza ngenzondelelo inxalenye yethu, sinokuqiniseka ukuba uYehova uya kuzivula iintliziyo zabo “banotyekelo olufanelekileyo ngobomi obungunaphakade.”—IZe. 13:48.

    Iimpapasho ZesiXhosa (1986-2025)
    Log Out
    Log In
    • IsiXhosa
    • Share
    • Zikhethele
    • Copyright © 2025 Watch Tower Bible and Tract Society of Pennsylvania
    • Imiqathango
    • Umthetho Wezinto Eziyimfihlo
    • Privacy Settings
    • JW.ORG
    • Log In
    Share