Iintshayelelo Zamaphephancwadi

IMboniselo Nov. 15

“Abantu abaninzi bazibuza ngesizathu sokwanda kweengxaki ezithwaxa uluntu, kunokuba zinciphe. Ngaba wakha wacinga ngesizathu esichazwa yile ndinyana? [Funda ISityhilelo 12:9. Uze umvumele aphendule.] Eli phephancwadi lithetha ngamaqhetseba kaMtyholi okulahlekisa abantu nendlela esinokumelana ngayo nempembelelo yakhe.”

IMboniselo Dis. 1

“Xa besiva igama elithi ‘Armagedon,’ abantu abaninzi badla ngokucinga ngentshabalalo enkulu nebuhlungu. [Mbonise ibhokisi ekwiphepha 3.] Ngaba inokukothusa into yokuba iArmagedon yeyona nto intle eza kwenzeka? [Mvumele aphendule.] Eli phephancwadi lichaza isizathu soko.” Funda eyesi-2 kaPetros 3:13.

Vukani! Dis. 8

“Nangona kuveliswa ukutya okwanele ukondla wonke umntu emhlabeni, abantu abazizigidi ezingama-800 abondlekanga. Ngaba akubangeli usizi oko? [Mvumele aphendule.] Eli phephancwadi lithetha ngengxaki eyandayo yokondla abantu bezixeko. Kwakhona lithetha ngehlabathi elithenjiswa yiBhayibhile apho abantu bengasayi kulamba.” Funda INdumiso 72:16a.

“Bendifuna ukukuxelela ngexesha laxa abantu beya kuba namakhaya afanelekileyo. Ngaba akubangeli usizi ukwazi ukuba abantu abaninzi abanamakhaya? [Mvumele aphendule. Emva koko funda uIsaya 65:21, 22.] Eli phephancwadi lithetha ngonobangela wokungabi namakhaya. Kwakhona lithetha ngendlela uThixo aza kusizalisekisa ngayo isithembiso esisandul’ ukufunda ngaso.”