IWatchtower LAYBRARI EKWI-INTANETHI
IWatchtower
LAYIBRARI EKWI-INTANETHI
IsiXhosa
  • IBHAYIBHILE
  • IINCWADI
  • MEETINGS
  • km 12/05 iphe. 1
  • Imfundo Ekhokelela Ebomini

No video available for this selection.

Sorry, there was an error loading the video.

  • Imfundo Ekhokelela Ebomini
  • Ubulungiseleli Bethu BoBukumkani—2005
  • Amanqaku Afanayo
  • Imfundo—Yisebenzisele Ukudumisa UYehova
    IMboniselo Evakalisa UBukumkani BukaYehova—1996
  • Ngaba IBhayibhile Ayiyikhuthazi Imfundo?
    Vukani!—1998
  • Ukuxabiseka Kwemfundo Yobuthixo
    IMboniselo Evakalisa UBukumkani BukaYehova—2009
  • Imfundo Enenjongo
    IMboniselo Evakalisa UBukumkani BukaYehova—1992
Khangela Okunye
Ubulungiseleli Bethu BoBukumkani—2005
km 12/05 iphe. 1

Imfundo Ekhokelela Ebomini

1 Kuluyolo ngokwenene ukubona amehlo abantu evuleka njengoko beqonda inyaniso ekwiLizwi likaThixo. Ukwabelana nabanye ngolwazi lukaThixo nangeenjongo zakhe ngoluntu kuyinto eyanelisa gqitha. Loo mfundo inokukhokelela umntu kubomi obungunaphakade.—Yoh. 17:3.

2 Isizathu Sokuba Ibe Semgangathweni: Imfundo yanamhlanje ifumaneka ngeendlela ezininzi kwaye unokufunda nangayo nayiphi na into efike kuqala engqondweni yakho. (INtshu. 12:12) Kodwa ixabiso lolo lwazi alinakuthelekiswa nelo ‘lezinto zobungangamela zikaThixo.’ (IZe. 2:11) Ngaba imfundo yeli hlabathi ikwazile ukusondeza abantu kuMdali nokubachazela ngeenjongo zakhe? Ngaba ibancedile abantu ukuba baqonde oko kwenzekayo kuthi xa sisifa okanye isizathu sokubandezeleka okungaka? Ngaba iye yabanika ithemba? Ngaba iye yaliphucula ilungiselelo lentsapho? Nakanye! Yimfundo yobuthixo kuphela enokusinceda sifumane iimpendulo ezichanileyo kweyona mibuzo ibalulekileyo yobomi.

3 Imfundo yobuthixo iye yanika abantu into engafumaneki kwaphela ehlabathini namhlanje—ukuphucula imilinganiselo yokuziphatha. ILizwi likaThixo liyabuncothula ubuhlanga nobuzwe ezintliziyweni zabo bamkela baze basebenzise iimfundiso zalo. (Heb. 4:12) Liye lashukumisela abantu ukuba bahlukane nalo naluphi na ugonyamelo baze ‘bambathe ubuntu obutsha.’ (Kol. 3:9-11; Mika 4:1-3) Ngaphezu koko, imfundo yobuthixo iye yanika izigidi zabantu amandla okulwa nemikhwa eyendeleyo nengamkholisiyo uThixo.—1 Kor. 6:9-11.

4 Isizathu Sokuba Ifuneka Ngokungxamisekileyo: UMyaleli wethu Ozukileyo usilumkisa ngamaxesha esiphila kuwo. Imigwebo ekwisiprofeto sakhe inenkcazelo efike ngexesha elifanelekileyo nefanele ivakaliswe kumhlaba wonke. (ISityhi. 14:6, 7) UKristu uyalawula ezulwini, ubukhosi behlabathi bonqulo lobuxoki sele buza kutshatyalaliswa yaye uBukumkani bukaThixo bulungele ukutshabalalisa bonke oorhulumente bomhlaba. (Dan. 2:44; ISityhi. 11:15; 17:16) Ngenxa yoko, kungxamisekile ukuba abantu bamamkele uKumkani omiselwe nguThixo nosele elawula, baphume kwiBhabhiloni Enkulu baze babize egameni likaYehova benokholo. (INdu. 2:11, 12; Roma 10:13; ISityhi. 18:4) Ngamana singanegalelo ngokupheleleyo ekunikeni abanye imfundo ekhokelela ebomini.

    Iimpapasho ZesiXhosa (1986-2025)
    Log Out
    Log In
    • IsiXhosa
    • Share
    • Zikhethele
    • Copyright © 2025 Watch Tower Bible and Tract Society of Pennsylvania
    • Imiqathango
    • Umthetho Wezinto Eziyimfihlo
    • Privacy Settings
    • JW.ORG
    • Log In
    Share