IWatchtower LAYBRARI EKWI-INTANETHI
IWatchtower
LAYIBRARI EKWI-INTANETHI
IsiXhosa
  • IBHAYIBHILE
  • IINCWADI
  • MEETINGS
  • km 12/06 iphe. 4
  • Yiba Nomdla Kwabanye—Ngokungakhethi Buso Xa Ushumayela

No video available for this selection.

Sorry, there was an error loading the video.

  • Yiba Nomdla Kwabanye—Ngokungakhethi Buso Xa Ushumayela
  • Ubulungiseleli Bethu BoBukumkani—2006
  • Amanqaku Afanayo
  • Abantu ‘Abaphuma Kuzo Zonke Iilwimi’ Beva Iindaba Ezilungileyo
    IMboniselo Evakalisa UBukumkani BukaYehova—2005
  • Iindlela Zokushumayela Iindaba Ezilungileyo
    Ukwenza Ukuthanda KukaYehova Ngolungelelwano
  • Xa Umninimzi Ethetha Olunye Ulwimi
    Ubulungiseleli BoBukumkani—2008
  • Ukushumayela Kwindawo Ethetha Iilwimi Ezininzi
    Ubomi BamaKristu Nomsebenzi Wokushumayela—Incwadi Yentlanganiso—2018
Khangela Okunye
Ubulungiseleli Bethu BoBukumkani—2006
km 12/06 iphe. 4

Yiba Nomdla Kwabanye—Ngokungakhethi Buso Xa Ushumayela

1 Kumbono wakhe, umpostile uYohane wabona ingelosi iphaphazela esazulwini sezulu ivakalisa iindaba ezilungileyo ezingunaphakade kubantu bazo “zonke iintlanga nezizwe neelwimi nabantu.” (ISityhi. 14:6) Ngaba silandela umzekelo wengelosi wokungakhethi xa sishumayela? Singaqondanga, sinokuzibona sele sinomkhethe okanye ucalucalulo. Indlela esibajonga ngayo abantu esidibana nabo inokuyichaphazela indlela esisibeka ngayo isigidimi seendaba ezilungileyo kubo. Ngoko ke, sifanele sibe nenkxalabo enothando xa sishumayela kubantu abanemvelaphi eyahlukileyo kweyethu.

2 Cinga Ngentsimi Yebandla Lakho: Ngaba kukho abaphambukeli okanye iimbacu entsimini yenu? Kunokuba lula ukuba singanikeli ngqalelo ingako kubo. Yenza umgudu wokubafuna abanjalo uze uzame ukuqhelana nabo. Yintoni abayifunayo nabayixhalabelayo, bathanda ntoni, iyintoni abangayithandiyo, ziintoni abazoyikayo nabazithiyileyo? Zimisele ukutshintsha indlela osibeka ngayo isigidimi soBukumkani ukuze sifanele bona. (1 Kor. 9:19-23) NjengoPawulos, sifanele sizive sinyanzelekile ukwabelana naye wonke umntu osentsimini yethu ngeendaba ezilungileyo, kuquka abo basuka kumazwe asemzini, abo banendlela yokuphila eyahlukileyo kweyethu, abo bathetha olunye ulwimi nabo bazizityebi.—Roma 1:14, umbhalo osemazantsi weNW.

3 Kodwa ke, unokushumayela njani kumntu othetha olunye ulwimi? Yisebenzise kakuhle incwadana ethi Good News for People of All Nations. Usenokuphatha namaphecana okanye iincwadana ezinemifanekiso ngeelwimi ezithethwayo kwintsimi yebandla lakho. (Bona UBulungiseleli Bethu BoBukumkani bukaJulayi 2003, kwiphe. 4, isiqe. 2-3.) Ngaphezu koko, abanye abavakalisi baye benza umgudu wokufunda ukubulisa nokubeka intshumayelo elula ngolunye ulwimi. Abantu badla ngokukuvuyela ukuva umntu ozama ukuthetha ulwimi lwabo, nokuba uyapitiliza, yaye oku kunokubenza babe nomdla kwiindaba ezilungileyo.

4 Xelisa UYehova: Ngokufikelela abantu beemvelaphi ezahlukahlukeneyo, sixelisa uThixo wethu ongakhethi buso, uYehova, “othanda ukuba zonke iintlobo zabantu zisindiswe zize zifikelele elwazini oluchanileyo lwenyaniso.”—1 Tim. 2:3, 4.

    Iimpapasho ZesiXhosa (1986-2025)
    Log Out
    Log In
    • IsiXhosa
    • Share
    • Zikhethele
    • Copyright © 2025 Watch Tower Bible and Tract Society of Pennsylvania
    • Imiqathango
    • Umthetho Wezinto Eziyimfihlo
    • Privacy Settings
    • JW.ORG
    • Log In
    Share