Iintshayelelo Zamaphephancwadi

IMboniselo Nov. 15

“Sonke singakuthanda ukuphila ubomi obuzaliswe lulonwabo nobunentsingiselo. Akuvumelani na noko kwathethwa nguYesu kule ndinyana ngeyona nto ibangela umntu onwabe? [Funda uMateyu 5:3. Emva koko mnike ithuba lokuphendula.] Eli phephancwadi lichaza indlela ubomi bethu obunokuba nentsingiselo ngayo xa sinokwanelisa imfuno ebalulekileyo engaphakathi kuthi yokunqula uThixo.”

Vukani! Nov.

“Kweli xesha lethu lenzululwazi nelizaliswe ngabantu abathandabuza yonk’ into le, abantu abaninzi bacinga ukuba iBhayibhile iphelelwe lixesha. Uthini wena? [Mnike ithuba lokuphendula.] Ubusazi ukuba zonke izinto ezithethwa yiBhayibhile ezichaphazela inzululwazi zichanile? [Funda uYobhi 26:7.] Lo Vukani! ukhethekileyo unezizathu ezibambekayo ezisenza sithi iBhayibhile inokuthenjwa.”

IMboniselo Dis. 1

“Ubunokuwuphendula njani lo mbuzo? [Funda umbuzo ongumxholo ongaphandle weli phephancwadi. Emva koko mnike ithuba lokuphendula.] Yinjongo kaThixo ukumanyanisa abantu. [Funda INdumiso 46:8, 9.] Eli phephancwadi libonisa indlela iBhayibhile ethi luya kufumaneka ngayo umanyano.”

Vukani! Dis.

“Abanye abantu bakholelwa ukuba sakufa, sidlulela kobunye ubomi; ukanti abanye bona bathi ukufa kusisiphelo sobomi. Ngaba sifanele sikoyike ukufa? [Mnike ithuba lokuphendula.] Phawula indlela uYobhi awavakalelwa ngayo xa wayecinga ngento yokuba naye uza kufa. [Funda uYobhi 14:14, 15.] Eli phephancwadi lisichazela oko iBhayibhile ithi kuyenzeka xa sisifa.”