Iintshayelelo Onokuzisebenzisa

Ukuze Uqalise Izifundo ZeBhayibhile KuMgqibelo Wokuqala NgoMatshi

“Abantu abaninzi bayakubhiyozela ukuzalwa kukaYesu, kodwa ngaba kubalulekile ukukhumbula ukufa kwakhe?” Mlinde aphendule. Emva koko mnike iMboniselo kaMatshi 1 nize nincokole ngoko kubhalwe phantsi komxholwana wokuqala kwiphepha 16, nifunde okungenani isibhalo sibe sinye. Lungiselela ukubuyela ukuze nixubushe umbuzo olandelayo.

IMboniselo Matshi 1

“Kukho iicawa zeemvaba ngeemvaba ezineenkolelo ezingafaniyo. Ucinga ukuba wonke umntu ozibiza ngokuba ngumKristu unguye ngokwenene? [Mlinde aphendule.] UYesu wathi olu lolunye lweempawu abonakala ngazo amaKristu okwenene. [Funda uYohane 13:34, 35.] Eli phephancwadi lichaza izinto ezintlanu ezathethwa nguYesu ezisinceda sibone abalandeli bakhe bokwenene.”

Vukani! Matshi

“Sincokola nabamelwane bethu ngomkhwa ongathandekiyo. Kubonakala ngathi abantu namhlanje basoloko benomsindo yaye bayakhawuleza ukucaphuka. Ucinga ukuba ibangelwa yintoni le nto? [Mlinde aphendule.] Khawuve ukuba ithini iBhayibhile ngokuba nomsindo. [Funda iNdumiso 37:8.] Eli phephancwadi lichaza ezinye zezinto ezibangela ukuba abantu namhlanje basoloko benomsindo nendlela esinokuwulawula ngayo umsindo wethu.”