Khusela Isazela Sakho

1. Uthini umxholo wendibano ekhethekileyo yonyaka wenkonzo wowama-2013, yaye yintoni injongo yocwangciso lwayo?

¹ Suku ngalunye, sijongana nezinto ezinokusenza senzakalise isazela sethu. Kungenxa yoko le nto indibano ekhethekileyo yonyaka wenkonzo wowama-2013, oqalisa ngoSeptemba 1, 2012, inomxholo othi “Khusela Isazela Sakho.” (1 Tim. 1:19) Injongo yolu cwangciso kukunceda ngamnye wethu acingisise kakuhle ngendlela asisebenzisa ngayo esi sipho sihle kangaka esisiphiwe nguMdali wethu.

2. Yiyiphi imibuzo ebalulekileyo eza kuphendulwa kolu cwangciso?

² Khangela Ezi Ngongoma: Ucwangciso luza kuphendula imibuzo esixhenxe eyintloko ngokuphathelele isazela:

• Yintoni enokwenzakalisa isazela?

• Sinokusiqeqesha njani isazela sethu?

• Ingenzeka njani into yokuba sibe msulwa egazini labantu bonke?

• Kutyhila ntoni ngathi ukucinga nokwenza ngokuvumelana nemigaqo yeBhayibhile?

• Sinokukuphepha njani ukwenzakalisa abanye kwimiba ephathelele isazela?

• Nina lutsha, ninokukwazi njani ukuxhathisa xa nilingwa ukuba none uThixo?

• Ziziphi iintsikelelo ezifunyanwa ngabantu abathobela izazela zabo ezikhokelwa ngumoya oyingcwele?

3. Le ndibano iza kusinceda njani?

³ UYehova unokusinceda sikwazi ukumelana nemigudu kaSathana yokonakalisa isazela sethu. UBawo wethu wasezulwini usebenzisa iLizwi kunye netlangano yakhe ukuze athi kuthi: “Nantsi indlela. Hambani ngayo.” (Isa. 30:21) Izinto eziza kufundiswa kule ndibano ziyenye yeendlela asalathisa ngazo uYehova. Ngoko ke, yenza amalungiselelo okuba ubekho kulo lonke ucwangciso lwale ndibano. Phulaphula, uze ucinge ngendlela onokuzisebenzisa ngayo izinto oza kuzifundiswa. Intsapho yenu ifanele incokole ngezinto eye yazifunda kule ndibano. Ukusebenzisa kwethu izinto esiza kuzifundiswa kule ndibano kuza kusinceda siqhubeke ‘sinesazela esilungileyo’ kuze kusincede siphephe ukuvumela izinto zehlabathi likaSathana zonakalise ulwalamano lwethu noYehova.—1 Pet. 3:16.