IWebhsayithi Yethu—Yisebenzise Kubulungiseleli Bakho
Khuthaza Abantu Ukuba Basebenzise Le Webhsayithi: Abanye abangakuthandiyo ukuncokola nathi okanye abangalwamkeliyo uncwadi lwethu bakulungele ukwenza uphando ngamaNgqina kaYehova kwi-jw.org emakhayeni abo. Ngoko ke, bachazele abanye ngale Webhsayithi.
Phendula Imibuzo: Maxa wambi abaninimzi, abantu abanomdla okanye abantu oqhelene nabo basenokufuna ukuqonda ngamaNgqina kaYehova okanye izinto azikholelwayo. Mbonise impendulo ngoko nangoko kwikhompyutha okanye kwesinye isixhobo. Kusoloko kukuhle ukuzifunda eBhayibhileni izibhalo ezibonisiweyo. Ukuba akunayo i-Intanethi mchazele indlela anokuyifumana ngayo impendulo kwi-jw.org.—Cofa kwindawo ethi “Iimfundiso ZeBhayibhile” uze emva koko uye kwethi “Imibuzo YeBhayibhile Iyaphendulwa,” okanye kwethi “Inkcazelo Engakumbi Ngathi” uze emva koko uye kwethi “Imibuzo Abantu Abaqhele Ukuyibuza.”
Thumela Inqaku Okanye Impapasho Kumntu Omaziyo: Mthumelele iPDF okanye iEPUB oyikhupheleyo nge-e-mail. Okanye umkhuphelele impapasho erekhodiweyo kwiCD. Nanini na ukhuphelela umntu ongabhaptizwanga incwadi, incwadana enemifanekiso okanye iphephancwadi elipheleleyo, usenokuyibhala njengoncwadi oluhambisileyo. Ufanele uzichaze ukuba ungubani xa uthumela loo nkcazelo yaye awumele uyithumele ibe ninzi kakhulu. Kwakhona le nkcazelo ayifanele ifakwe kwezinye iiWebhsayithi.—Cofa kwindawo ethi “Iimpapasho.”
Mbonise Ezisematheni NgamaNgqina KaYehova: Oku kuya kunceda izifundo zeBhayibhile kunye nabanye baqonde ububanzi bomsebenzi wethu nomanyano lwethu lobuKristu. (Nd. 133:1)—Cofa kwindawo ethi “Iindaba.”
[Umzobo okwiphepha 5]
(Ukuba ufuna inkcazelo ehlahlelwe kakuhle, yiya kwimpapasho)
Khawuyizame
1 Ngezantsi kwendawo ethi “Iimpapasho,” khangela loo nto ufuna ukuyikhuphela uze ucofe uhlobo oyifuna ibe lulo ukhethe phakathi kwefundwayo okanye ephulaphulwayo.
2 Cofa kwindawo ethi “MP3” ukuze ubone amanqaku akhoyo. Cofa kwelo nqaku ufuna ukulikhuphela okanye ▸ ukuliphulaphula.
3 Khetha olunye ulwimi kolu luhlu ukuba ufuna ukukhuphela impapasho ngolo lwimi.