Ngaba Uyijonga Rhoqo Ibhodi Yezaziso?

Abadala, izicaka zolungiselelo kunye nabanye abaneembopheleleko ezithile zebandla, bayijonga rhoqo ibhodi yezaziso ukuze babone enoba abanazabelo kusini na. Noko ke, bonke abavakalisi baya kufumana inkcazelo ebalulekileyo apho. Ngaba uyayazi ukuba umele uyicoce nini iHolo yoBukumkani? Ngaba akukho mbalelwano yebandla ivela kumveleli wesiphaluka okanye kwiofisi yesebe? Ngaba uyawazi umxholo wentetho yesidlangalala wale veki, ukuze ukwazi ukumema isifundo sakho seBhayibhile? Ngaba akukho tshintsho lwenziweyo kucwangciso lweentlanganiso okanye kwiqela lentsimi? Uninzi lwale nkcazelo akusenziwa zaziso ngalo yaye abadala basenokungakwazi ukuchazela umvakalisi ngamnye. Ngoko ke, sifanele siyijonge rhoqo ibhodi yezaziso. Ukuba siyijonga rhoqo, zonke izinto ziya kwenzeka “ngokundilisekileyo nangolungelelwano.”—1 Kor. 14:40.