Iintshayelelo Onokuzisebenzisa

Sinokuzifumana Phi Iimpendulo Zemibuzo Ebalulekileyo Ngobomi?

Nika umninimzi iphecana ukuze abone umxholo uze uthi: “Molo. Sikwiphulo elenziwa ehlabathini lonke lokwazisa lo myalezo ubalulekileyo. Nali elakho iphecana.”

Ukuba eli phecana uza kulishiya kwikhaya elingenamntu, libeke kwindawo elinagazukubonakala lula kuyo, ungalishwabanisi.

Ukuba umninimzi unomdla wokuncokola, unokucela imbono yakhe kumbuzo ongaphambili kwiphecana. Livule, uze umbonise oko kuthethwa yiNdumiso 119:144, 160. Mchazele ukuba eli phecana lineWebhsayithi anokungena kuyo ukuze afumane iimpendulo ezanelisayo zeBhayibhile. Unokumdlalela ividiyo ethi, “Kutheni Ufanele Ufunde IBhayibhile?” Ngaphambi kokuba umshiye, mbonise imibuzo emithathu engasemva kwephecana uze umbuze ukuba nguwuphi anomdla kakhulu kuwo. Mchazele ukuba ukulungele ukubuya uze umbonise indlela anokufumana ngayo iimpendulo zeBhayibhile kwi-jw.org. Xa ubuyela kuye, xubushani impendulo nisebenzisa leyo ikwindawo ethi, IIMFUNDISO ZEBHAYIBHILE > IMIBUZO YEBHAYIBHILE IYAPHENDULWA.

Ukuba ngeli xesha nihambisa kwanezimemo zendibano yengingqi, nika umninimzi isimemo emva kokumnika iphecana uze uthi, “Ukongeza, ndingathanda ukukumemelela kule ndibano kawonke-wonke, kungenwa mahala kuyo.”

IMboniselo Agasti 1

Ngeempelaveki, ukuba kubonakala kulungile, unokuhambisa iMboniselo uthi: “Ndingathanda ukukushiyela le magazini. Le Mboniselo iphendula umbuzo othi, Ngaba uThixo unomdla kuwe?”

Vukani! Agasti

Ngeempelaveki, ukuba kubonakala kulungile, unokuhambisa uVukani! uthi: “Ndingathanda ukukushiyela le magazini. Lo Vukani! uphendula umbuzo othi, ABantu Bangaxolelana Njani?”