Indlela Yokushumayela Sisebenzisa Itroli Okanye Itafile Yoncwadi

Ukushumayela ngetroli okanye itafile yoncwadi kubonakala kuyindlela ephumelelayo yokungenisa abantliziyo zinyanisekileyo enyanisweni. (Yoh. 6:44) Ngoko ke, abadala bakhuthazwe ukuba balungiselele ukushumayela ngale ndlela kwiindawo ezinabantu abaninzi kwintsimi yebandla labo. Ngokuqhelekileyo akukho mfuneko yokucela imvume yabasemagunyeni ngenxa yokuba ezi troli azihlali endaweni enye. Ngoobani abanokusebenzisa ezi troli? Ngabavakalisi abanengqiqo, abanesidima, nabanobuchule bokuthetha. La macebiso alandelayo anokunceda abavakalisi baphumelele.

Yenza oku:

Yiba nobuhlobo, ububele, uze ube luncedo kwabo badlulayo. Abanye abavakalisi baba noncumo olufudumeleyo, baze babulise. Ukuba kudlula umntu aze ajonge itroli, ungathi, “Ungazithathela ukuba uyafuna.”
Yima kumgama ofanelekileyo. Kwezinye iindawo abavakalisi bafumana imiphumo emihle xa bemela kufutshane netroli. Abanye baqaphele ukuba le ndlela yenza abantu bathandabuze ukuma, ngoko baye bamele kudana baze balinde de umntu odlulayo eme etafileni. Xa umntu esondela etafileni, zama ukumncokolisa, mhlawumbi uthi, “Ngaba wakha wacinga ngalo mbuzo?”
Sebenzisa iBhayibhile kangangoko kunokwenzeka.
Chaza ngelungiselelo lesifundo seBhayibhile kuye nabani na othatha iincwadi esiqhuba ngazo izifundo njengethi Okufundiswa yiBhayibhile. Mdlalele nevidiyo ethi Kutheni Ufanele Ufunde IBhayibhile? kwisixhobo se-elektroniki.
Cela iinkcukacha zaloo mntu unomdla ukuba kunokwenzeka.