Ukuphucula Ubuchule Bethu Bokushumayela​—Xa Umninimzi Ekrwada

ISIZATHU SOKUBA IBALULEKILE LE NTO: Abantu abaninzi esithetha nabo entsimini banembeko, kodwa uYesu waprofeta esithi abanye baza kusicaphukela. (Yoh. 17:14) Ngenxa yaloo nto, asifanele sothuke xa sidibana nomninimzi okrwada. Xa umninimzi ekrwada, indlela esiphendula nesenza ngayo sifuna ivuyise uYehova osithumileyo. (Roma 12:17-21; 1 Pet. 3:15) Ukwenza loo nto kusenokwenza umninimzi angacaphuki kakhulu. Kusenokwenza yena nabanye ababukeleyo bajonge ukuba siza kuthini. Ukuba siphendula kakuhle banokufuna ukusimamela kwixesha elizayo.​—2 Kor. 6:3.

INDLELA YOKUYENZA LE NTO:

• Zola, ube nobubele. Loo nto ingamnceda nomninimzi azole. Ungacingi ukuba nguwe lo angamfuniyo. (INtshu. 7:9) Kusenokwenzeka ukuba uneengxaki nje zakhe okanye wena ufike ngexesha elibi. Kungenzeka ukuba uve izinto ezibubuxoki ngathi, yiloo nto ekrwada.​—2 Kor. 4:4.

• Mphendule kakuhle, ube nembeko. (IMize. 15:1) Ngaba umvuse elele okanye umphazamisile? Nangona singaxolisi ngokwenza umsebenzi wethu, unokuxolisa ngokufika ngexesha elibi. Ngaba unomsindo ngenxa yobuxoki obuthethwayo ngathi? Ukuba kunjalo, unokuthi: “Ndiyasiqonda isizathu sokuba ikucaphukise le nto. Kodwa ingathi le nto uyivileyo asiyonyani. Ndicela ukukucacisela.” Ngaba akathandi enye yezinto esizikholelwayo, mhlawumbi eyokususwa kwabantu ebandleni okanye ukungavumi ukutofelwa igazi? Usenokuthi: “Ndiyakuva. Nabanye abayiqondi kakuhle le nto. Ndicela ukukubonisa ukuba siyithatha ndawoni eBhayibhileni le nto siyenzayo.”

• Xa umntu enomsindo kakhulu, kusenokuba bhetele ukuba umshiye kunokuba uzame ukumphendula. Ukuba uthi akafuni kuphinde abone Ngqina likaYehova kwakhe, unokumchazela ukuba siza kusihlonipha isigqibo sakhe.