Bonisa Uthando Entsatsheni Yakho

Uthando ludibanisa intsapho. Xa lungekho uthando, kunokuba nzima ngentsapho ukuba imanyane ibe isenokungakwazi ukusebenzisana kakuhle. Abayeni, abafazi, nabazali bangalubonisa njani uthando entsatsheni?

Umyeni onothando uyazikhathalela izinto ezidingwa ngumfazi wakhe, nendlela aziva ngayo. Kwakhona uyazimamela izinto ezicingwa ngumfazi wakhe. (Efe 5:28, 29) Ubanika izinto abazidingayo abantu abakwintsapho yakhe ibe usoloko ebanceda ukuba basondele kuYehova. Enye indlela ayenza ngayo loo nto kukuqhuba uNqulo Lwentsapho qho. (1Ti 5:8) Umfazi onothando uyazithoba emyenini wakhe ibe umele “amhloniphe kakhulu.” (Efe 5:22, 33; 1Pe 3:1-6) Bobabini bamele bakulungele ukuxolelana ngokusuka entliziyweni. (Efe 4:32) Abazali abanothando baba nomdla ebantwaneni babo baze babafundise ukuba bathande uYehova. (Dut 6:6, 7; Efe 6:4) Zeziphi iingxaki abanazo abantwana babo esikolweni? Bamelana njani nezinto oontanga babo abafuna bazenze? Xa kukho uthando entsatsheni, wonke umntu okuloo ntsapho uza kuziva ekhuselekile.

BUKELA IVIDIYO ETHI YITHANDE INTSAPHO YAKHO, UZE UPHENDULE LE MIBUZO:

• 

  Umyeni onothando umondla aze amxabise njani umfazi wakhe?

• 

  Umfazi onothando ubonisa njani ukuba umhlonipha kakhulu umyeni wakhe?

• 

  Abazali abanothando babafundisa njani abantwana babo ngeLizwi LikaThixo?