Nceda Abantu Obafundelayo Babe Ngabahlobo BakaYehova

UYehova ufuna simkhonze kuba simthanda. (Mat 22:37, 38) Xa izifundo zeBhayibile zimthanda uThixo, ziza kukwazi ukutshintsha izinto ezithile ebomini bazo zize zihlale ziqinile naxa zineengxaki. (1Yo 5:3) Luthando lwazo ngoThixo oluza kuzenza zibhaptizwe.

Nceda abantu obafundelayo babone ukuba uThixo uyabathanda. Buza imibuzo enjengethi: “Le nto ikufundisa ntoni ngoYehova?” okanye “Le nto ikubonisa njani ukuba uThixo uyakuthanda?” Bancede bayibone indlela uYehova abanceda ngayo. (2Kr 16:9) Babalisele ngendlela uYehova aye wayiphendula ngayo imithandazo yakho, uze ubakhuthaze ukuba nabo bajonge indlela uYehova ayiphendula ngayo eyabo. Sivuya kakhulu xa sibona abantu esibafundelayo bebona ukuba uYehova uyabathanda ibe nabo bebonisa ukuba bayamthanda baze bafune nokuba ngabahlobo bakhe.

BUKELA IVIDIYO ETHI NCEDA ABANTU OBAFUNDELAYO BABE NGABAHLOBO BAKAYEHOVA, UZE UPHENDULE LE MIBUZO:

• 

  UJade ebeneyiphi ingxaki?

• 

  UNeeta umncede njani uJade?

• 

  UJade uyoyise njani ingxaki ebenayo?