INDLELA YOKUPHILA YAMAKRISTU

Ngaba Uzilungele Iingxaki Zemali Ezisenokuvela?

Azisothusi iingxaki zemali ezibakhona emhlabeni wonke ngenxa yezinto ezenzekayo. Ngoba? Kuba siphila ekupheleni kwemihla yokugqibela yaye iBhayibhile isilumkisa ukuba singathembeli “kubutyebi obungazukuhlala bukhona.” (1Ti 6:17; 2Ti 3:1) Umzekelo kaKumkani uYehoshafati usifundisa ntoni ngokulungiselela iingxaki zemali ezisenokuvela?

Xa iintlanga zaziza kuhlasela, uYehoshafati wathembela kuYehova. (2Kr 20:9-12) Walilungiselela kwangaphambili uhlanga ngokukhusela izixeko nokubeka amaqela omkhosi wamajoni. (2Kr 17:1, 2, 12, 13) NjengoYehoshafati senza kakuhle xa simthemba uYehova size silungiselele amaxesha anzima.

SINGENZA NTONI UKUZE SIZILUNGISELELE IINGXAKI ZEMALI EZISENOKUVELA?

Qinisa ubuhlobo bakho noYehova: Yiba nombulelo ngezinto onazo uze uqinise ithemba lakho kuYehova lokuba uza kukunika zonke izinto ozidingayo. (Mat 6:26; 1Ti 6:8) Qiniseka ukuba awuyilahli imigaqo yeBhayibhile kuba nje ufuna izinto. (Rom 2:21) Cinga ngendlela onokuqhubeka ngayo ufunda iBhayibhile neencwadi ezisekelwe kuyo xa umbane okanye intanethi ingekho. Yiba nazo iincwadi ezimbalwa eziprintiweyo ozigcinileyo yaye ukuba kunokwenzeka dawunlowuda neze-elektroniki kwangaphambili.

Ceba kusengaphambili ngemali yakho nezinto onazo: Phungula amatyala uphephe nokuthenga izinto ezingeyomfuneko ngaphambi kokuba iingxaki zemali zivele. (IMi 22:7) Ukuba kunokwenzeka gcina ukutya okwaneleyo nezinye izinto ezibalulekileyo. Ukuze abanye abantu bagcine imali baye bakhetha ukuba babe nezinto abazilimileyo.

BUKELA IVIDIYO ETHI NGABA SOWUYILUNGISELELE INTLEKELE? UZE UPHENDULE LE MIBUZO:

Umfanekiso okwividiyo ethi “Ngaba Sowuyilungiselele Intlekele?” Imifanekiso ebonisa iBhayibhile, i-go bag, ifowuni kunye nabantu abasebenza elwakhiweni.

Yintoni esinokuyenza ukuze silungele intlekele?

Impendulo yakho

Umfanekiso okwividiyo ethi “Ngaba Sowuyilungiselele Intlekele?” Abazalwana bayancedisa ngokuthi benze umsebenzi wokwakha ibe bothula izinto zokwakha kwi-truck.

Singazilungiselela njani ukuze sincede abanye?

Impendulo yakho