INDLELA YOKUPHILA YAMAKRISTU

Nceda Abantu Abangakholelwayo KuThixo Bamazi UMdali Wabo

Ngaba wakhe wazibamba awashumayela ebantwini abangakholelwayo kuThixo kuba ucinga ukuba abazukumamela? Ukuba kunjalo, khumbula ukuba abantu abaninzi abangakholelwayo kuThixo kuquka nabo bathi akekho baye bangamaNgqina kaYehova. Amaxesha amaninzi, eyona nto bebeyidinga kukuncedwa bafumane ubungqina bokuba uThixo ukhona.—Rom 1:20; 10:14.

BUKELA IVIDIYO ETHI KHUMBULA UKUBA NABANTU ABANGENALO UKHOLO BANGANALO!—ABANTU ABANGAKHOLWAYO, UZE UPHENDULE LO MBUZO ULANDELAYO:

Amava kaTommaso akuncede njani wabona indlela ekubaluleke ngayo ukushumayela kubantu abangakholelwayo kuThixo?

Your answer

Indlela yokuyenza le nto

Ukuba umntu uthi akakholelwa kuThixo, yiba nobubele, uthethe naye kakuhle uze ube nomdla wokwazi indlela acinga navakelelwa ngayo ngaloo nto nithetha ngayo. (2Ti 2:24) Thetha ngezinto aza kuba nomdla kuzo. Ngaba ukulungele ukuva ubungqina obubangele abantu abaninzi bakholelwa kuMdali? Ukuba kunjalo, sebenzisa iincwadi neevidiyo ezenzelwe loo nto. Kwi-Teaching Toolbox kuye kwafakwa incwadana ethi Ngaba Izinto Eziphilayo Zadalwa? nethi The Origin of Life—Five Questions Worth Asking ukuze kube lula ukuzifumana.

Ekuqaleni, usenokuzoyikisela ukuthetha nomntu ongakholelwayo kuThixo ngeenyaniso eziseBhayibhileni. Kutheni ungaceli umvakalisi onamava ukuba akuncede? Khumbula ukuba noYehova angasinceda sikwazi ukufikelela iintliziyo zabo baye beva ngenyaniso, nangona ekuqaleni babengakholelwa ukuba ukhona.—IZe 13:48.