Ngaba Usakhumbula?

Uzifunde kakuhle iiMboniselo zalo nyaka? Khawubone ukuba ungayiphendula na le mibuzo:

Siza kusikelelwa njani xa sichitha ixesha sithetha noYehova, simmamele futhi sicinga ngaye?

Siza kukwazi ukuzenza kakuhle izigqibo, ukufundisa kakuhle, sibe nokholo oluqinileyo size siye simthanda uYehova.—w22.01, iphe. 30-31.

Siza kuncedakala njani xa sifunda ukuthemba uYehova nabantu abasebenzisayo?

Ngoku lixesha lokuba siyithembe indlela uYehova azenza ngayo izinto ngokungayithandabuzi imiyalelo nezigqibo ezenziwa ngabadala. Ngentlungu engathethekiyo siza kukwazi ukuthobela imiyalelo ekubonakala kunzima ukuyiqonda.—w22.02, iphe. 4-6.

Yayithetha ukuthini ingelosi xa yayixelela uZekariya ‘ngentambo esesandleni [soMlawuli] uZerubhabheli’? (Zek. 4:8-10)

Lo mbono wawuqinisekisa abantu bakaThixo ukuba itempile yayiza kugqitywa futhi yayiza kuba yile nto uThixo ayifunayo.—w22.03, iphe. 16-17.

Singaba yiyo njani ‘imizekelo ngokuthetha’? (1 Tim. 4:12)

Ngokuba nobubele nembeko xa sithetha nabantu entsimini, singazibambi xa sicula, zingaphumi iintlanganiso singaphendulanga, naxa sincokola nabantu masithethe inyani, sibakhuthaze, silumkele nokuthetha amazwi ahlabayo.—w22.04, iphe. 6-9.

Kutheni izinto ezikumarhamncwa (ookumkani) amane ekuthethwa ngawo kuDaniyeli isahluko 7 zikwirhamncwa elinye ekuthethwa ngalo kwiSityhilelo 13:1, 2?

Irhamncwa elikwiSityhilelo 13 alimeli urhulumente welizwe elinye, njengeRoma. Kodwa limela onke amagunya eepolitiki aye alawula abantu emhlabeni.—w22.05, iphe. 9.

Sinokubonisa njani ukuba simthembile uYehova ukuba unobulungisa?

Ukuba kukho umntu oye wasithuka okanye wasikhathaza, sizama ukungacaphuki nokungabi nenzondo, siyishiyele ezandleni zikaYehova loo nto. Uza kuwuphelisa wonke umonakalo owenziwe sisono.—w22.06, iphe. 10-11.

Yintoni afanele ahlale eyikhumbula umzalwana ocelwe ukuba athandaze ebandleni?

Umthandazo awuyonto yokulungisa ibandla okanye yokwenza isaziso. Umele angawenzi ‘mde,’ ingakumbi xa kuvulwa. (Mat. 6:7)—w22.07, iphe. 24-25.

Kuthetha ukuthiwani xa kusithiwa “abo benza izinto ezimbi” baza ‘kuvukela ukugwetywa’? (Yoh. 5:29)

Abazukohlwaywa ngenxa yezinto abazenze ngaphambi kokuba basweleke. Baza kujongwa ukuba bayazenza na izinto abazifundiswa emva kokuba bevusiwe.—w22.09, iphe. 18.

Yintoni evuyisayo eyathethwa nguJ. F. Rutherford kwindibano eyayingoSeptemba 1922?

Kwindibano eyayiseCedar Point, eOhio, eUnited States wathi: “UKumkani uyalawula! Nina ningabavakalisi bakhe. Ngoko mbhengezeni, mbhengezeni, mbhengezeni uKumkani noBukumkani bakhe!”—w22.10, iphe. 3-5.

UIsaya isahluko 30 uthi zeziphi iindlela uThixo asinceda ngazo sikwazi ukunyamezela?

Esi sahluko sibonisa ukuba (1) uyimamela kakuhle imithandazo yethu aze ayiphendule, (2) uyasikhokela, (3) usenzela izinto ngoku futhi uza kusenzela nakwixesha elizayo.—w22.11, iphe. 9.

Kutheni sisithi into ethethwa kwiNdumiso 37:10, 11, 29 yenzeka kwixesha eladlulayo futhi iseza kwenzeka nakwelizayo?

Into ethethwa nguDavide iyichaza kakuhle indlela awayesikelelwe ngayo amaSirayeli xa kwakulawula uSolomon. Xa uYesu wayethetha ngeparadesi ezayo wathetha ngevesi 11. (Mat. 5:5; Luka 23:43)—w22.12, iphe. 8-10, 14.