Umsebenzi WamaNgqina KaYehova Kula Maxesha

ITahiti

Iziqithi zaseFrench Polynesia, eziquka iTahiti, ziphakathi kwezinye ezithi ndijonge ehlabathini lonke. Ngokufanayo iimbongi nababhali baye bazichaza njengeparadesi. Kodwa kukho enye iparadesi ebangel’ umdla ngokwenene kwezi ziqithana zasePasifiki. Funda ngendlela eyasekwa ngayo le paradesi inkulu nangendlela eqhubeka ivelisa ngayo intabalala yesiqhamo ukuze kudunyiswe uYehova.

IGuyana

Igama elithi Guyana lithetha “ILizwe Lamanzi Amaninzi.” Oku kuchazwa ngale ndlela kuyafaneleka ngenxa yokubakho kwemilambo emininzi, emininzi yayo kuhanjwa ngayo ukuya emaphandleni nasezidolophini. Funda ngendlela amaNgqina kaYehova aye asebenzisa ngayo amaphenyane, izikhephe, neenqanawa, ukuze abalathise ‘kumanzi aphilayo’ abemi abavela kwiintlanga ezahlukahlukeneyo beli lizwe, lizwe elo ekuphela kwalo elithetha isiNgesi eMzantsi Merika.—Yoh. 4:10.

I-Iceland

I-Iceland imi kumazantsi eArctic Circle, ikude kweleenjiko, yaye ililizwe elihle gqitha. Amaqhekeza omkhenkce amakhulu, iintaba-mlilo, neentaba ziyalihombisa eli lizwe linemixawuka. Sekunjalo, ubuhle obubalaseleyo bufumaneka kubantu abakhonza uYehova. Kule ngxelo, uza kufunda ngendlela abakhonzi bakaThixo abaye bajamelana ngayo neemeko ezibuhlungu ukuze babelane nabanye ngenyaniso yeBhayibhile.