Footnote

c Abaphengululi bakholelwa ukuba loo madoda ayenze isibhambathiso sobuNaziri. (Num. 6:1-21) Enyanisweni, uMthetho kaMoses esasisenziwa phantsi kwawo eso sibhambathiso, wawungasasebenzi. Sekunjalo, uPawulos usenokuba waqiqa ngelithi kwakungayi kuba yinto ephosakeleyo ngaloo madoda ukuzalisekisa isibhambathiso asenze kuYehova. Ngoko ke, kwakungayi kuba yinto ephosakeleyo ngaye ukuhlawula iindleko zawo aze ahambe nawo. Asazi kakuhle ukuba yayiluhlobo olunjani lwesibhambathiso olo, kodwa enoba lwalunjani, uPawulos wayengenakuze avumelane nokunikelwa kwedini lesilwanyana ekholelwa ukuba oko kwakuya kuhlambulula loo madoda esonweni (njengokuba amaNaziri ayesenza). Idini eligqibeleleyo likaKristu, lalisele liwatshitshise ngokupheleleyo loo madini ezilwanyana. Enoba yintoni na uPawulos awayenzayo, siyaqiniseka ukuba wayengenakuvumela nantoni na eyayiza kushiya isazela sakhe sikhathazekile.