Footnote

a Ibangel’ umdla indlela uYesu awayichaza ngokulandelelana ngayo imizekeliso eyaba yinxalenye yomqondiso wobukho bakhe. Waqala wabhekisela ‘kwikhoboka elithembekileyo neliyingqondi,’ iqela labazalwana abathanjisiweyo elaliza kuthabatha ukhokelo. (Mat. 24:45-47) Emva koko, wenza imizekeliso ebhekisela kwabo banethemba lokuphila ezulwini. (Mat. 25:1-30) Wagqibelisa ngabo banethemba lokuphila emhlabeni, ababeza kuxhasa abazalwana bakaKristu. (Mat. 25:31-46) Ngokufanayo, ukuzaliseka kwesiprofeto sikaHezekile kule mihla yethu kuqala ngoko kuza kwenzeka kwabo banethemba lokuphila ezulwini. Nangona ubukumkani bezizwe ezilishumi bungasoloko bufanekisela abo banethemba lokuphila emhlabeni, ukumanyana okuchazwe kwesi siprofeto kusikhumbuza ngomanyano olukhoyo phakathi kwabo banethemba lokuphila emhlabeni nabo banethemba lokuphila ezulwini.