Ngokwenene uYohane uyindoda enomtsalane, ngokwembonakalo nangokwentetho. Iimpahla zakhe zezoboya benkamela, yaye unombhinqo wofele esinqeni sakhe. Ukutya kwakhe zizinambuzane eziziinkumbi nobusi basendle. Yaye sithini isigidimi sakhe? Sithi: “Guqukani, kuba ubukumkani bamazulu busondele.”

Ngaloo ndlela, isigidimi sikaYohane, esithi: “Ubukumkani bamazulu busondele,” sisebenza njengomqondiso kawonke wonke wokuba ubulungiseleli boKumkani omiselwe nguYehova, uYesu Kristu, sele buza kuqalisa. Yohane 1:6-8, 15-28; Mateyu 3:1-12; Luka 3:1-18; IZenzo 19:4.