Ngaba Wadalwa?
Ubuchule Bukanqinishe
◼ Izazinzulu zisala zibamb’ ongezantsi xa zibona unqinishe ehamba endaweni ebuthelezi—maxa wambi ade ahambe nakwisilingi egudileyo—engatyibiliki. Ukwazi njani ukuhamba endaweni ezinjalo?
IBhayibhile ithi, “iqungequ libambelela ngezandla zalo.” (IMizekeliso 30:28) Iinyawo zikanqinishe zifana nezandla, uhamba lula kwiindawo ezimtyibilizi. Uzwane ngalunye lunamaqoqo anoboya obuninzi. Buze obu boya bube nemicu emincinane emininzi. Ezi molekyula (ezibizwa ngokuba zivan der Waals) ezivela kule micu zizo ezimenza akwazi ukuhamba—nokuba ujong’ isumetyiso ezantsi njengaxa ehamba eglasini.
Abaphandi bafuna ukwenza izinto zokunamathelisa, ezinjengeenyawo zikanqinishe, eziya kukwazi ukunamathelisa izinto ezigudileyo.a Iphephancwadi iScience News lithi: “Elo yeza linokusetyenziselwa izinto ezininzi njengamabhandeji nokuvala amanxeba xa kusenziwa utyando.”
Emva kwale ngxubusho imfutshane ucinga ntoni? Ngaba uboya bukanqinishe obumenza ahambe endaweni ezibuthelezi bazivelela okanye badalwa?
[Umbhalo osemazantsi]
a Izazinzulu zipeculula imbaza ukuze zibone uhlobo oluthile lweproteyin eveliswa ziinyawo zayo, eziyenza ikwazi ukuhamba endaweni emanzi.
[Umfanekiso okwiphepha 26]
Isisu sikanqinishe
[Umfanekiso okwiphepha 26]
Uboya obuncinane obusezinyaweni zikanqinishe
[Inkcazelo Ngemifanekiso ekwiphepha 26]
Gecko: Breck P. Kent; close-up: © Susumu Nishinaga/Photo Researchers, Inc.