Ukuvakalisa Iindaba Ezilungileyo Kwimihlaba Yethu Engabelwanga Bani
Ebudeni beminyaka embalwa edluleyo ulwando oluthe ngcembe kwindlela esiluxhasa ngayo uhlaselo lomhlaba ongabelwanga luye lwaphawuleka. Oku kuncomeka kakhulu njengoko kubonisa inkxalabo yabavakalisi ngabantu. Ebudeni benyanga ka-Agasti ukusa kwekaOktobha sinikhuthaza nonke ukuba nibafune ngokunyanisekileyo kwakhona abafanelekileyo kumhlaba ongabelwanga. (Mat. 10:11) Ukuba kunokwenzeka, zabalazelani ukuchitha iimpelaveki eziliqela ngenyanga kuloo ntsimi.
Ukongezelela, sikhuthaza abadala nezicaka zolungiselelo ukuba bafudukele apho kukho imfuneko enkulu khona. Kukho imimandla emininzi enjalo eCiskei, eNatala, eTranskei naseVenda. Iinkcukacha zisenokufunyanwa kuMbutho. Abo banako ukufudukela komnye ummandla bafanele bazise abadala baze bahlole nencwadi ethi Ubulungiseleli Bethu, iphepha 112 nele-113. Wambi amabandla asezidolophini aye amkela imimandla ethile yomhlaba wawo ongabelwanga njengesabelo sawo esisigxina. Ngamana sonke singabonakalisa ulangazelelo olufanayo nolukaPawulos ekuvakaliseni iindaba ezilungileyo kweli xesha lesiphelo.—Roma 1:15.