INgoma 174

Phaphani, Yimani, Yomelelani

(1 Korinte 16:13)

1. Ke, phaphani, ze niqine

Kweli dabi lomoya.

Njengamadoda nizame

Kuba niya koyisa.

Phants’ koKrist’ onjengoGidiyon,

S’phahl’ iinkampu zamaMidiyan.

Kamsinya kobakho intswahla

Ze zibhace iintshaba.

2. Ke, phaphani, nibe ngcathu,

Thobelani uKristu.

Nize nime ngeendaw’ zenu

Ngokutsho koMphath’ wenu.

Ngomzekelo wakhe siqonda

Indlela yokukholis’ uYa.

Ngoko sikhonza njengomkhosi

S’thobel’ u Thix’ omkhulu.

3. Ke, phaphani, ninomonde;

Lindelani kuThixo.

Kub’ ulaw’la into yonke;

Ngek’ ibambezel’ iNkos’

UMkhokeli wosixelela

Ukuba linini ilixa.

Mas’thobel’ umthetho walo mlo

De athethelw’ uThixo.

4. Ke, phaphani, nimanyane.

Ekuben’ nesabelo.

Kuhle sibe nentobelo

Kulaw’lo lobuthixo

Masidanduluke sisithi:

“Ikrele l’kaYa noGid’yoni!”

Ke phaphani ze nime nimi,

De kufik’ isiphelo.