INgoma 36
“Banoyolo Abanobulali”
1. Banoyol’ abanobulali;
Basikelelwe nguThixo.
Naxa sebesiva intlungu,
Ke balindela kuThixo.
Abasavuthi ngumsindo
Xa abangendawo bezidla.
Bayaz’ ukub’ abo banjalo
Baya kubuna njengengca.
2. Wath’ uDavide, ‘Ndakha ndamtsha,
Kungoku nje sendimdala.
Andikalibon’ ilungisa
Lishiywa lifun’ ukutya.’
Ngoko, hamba ngokuthe tye,
Ukholose ngoThixo wakho.
Xa uvuyiswa nguy’ uThixo
Wozuza iintsikelelo.
3. Abangendawo bonqunyulwa,
Bonke bephel’ emhlabeni
Ngoxa abalulamileyo
Bohlala eluxolweni.
Masihlale sibungqina
Ubunyaniso beZibhalo,
Singqineke sinobulali
Kwiingcinga zethu nezenzo.