INgoma 183

Indawo Yolutsha Kwilungiselelo LikaThixo

(INdumiso 148:12, 13)

1. UYehova unendawo yomntu ngamnye.

Kuyo ufun’ abadala nabatsha,

Kwaye abatsha basabela kakhulu

Njengoba bexela ngolaw’lo l’kaYa.

Bayaphumelela kubungqina babo,

Bayabukeleka benobuchule!

Kuye, uYehova baxabisekile;

Babangel’ abakhulu bachwayite.

2. Abatsha ke baz’yolisa ngawo lomhla,

Xa bathe bamaz’ uYehov’ iNkosi

Khawucinge nje okubalindeleyo—

Kukuphila njalo kwiParadisi!

Okwangoku sisacinezelekile

Kule nkqubo isondel’ es’phelweni.

Kodwa ke sakulwa ngamandla soyise;

Masinyaniseke kuBukumkani.

3. Mabangafun’ izihlob’ ehlabathini

Bozifumana kubantu beNkosi.

Kodwa mabaxakeke ngeent’ ezakhayo,

Ze bayame ngeLizwi lay’ iNkosi.

Mabacel’ uncedo kwabathand’ uThixo,

Batsho konke okubakhathazayo.

Kodw’ oyena Mhlobo mkhulu nguYehova;

Kuba bol’fumana kuy’ uvelwano.

4. Thina siyinxenye yebandla lob’Kristu,

Aph’ uKrist’ as’xhasa ngandlela zonke.

Ngokunyaniseka masime ngakuye;

Sithobele sonk’ is’luleko sakhe.

Mas’ngavumel’ ihlabathi lisilaw’le;

UYehova as’coce ngeZwi lakhe.

Kwanga xa sisonke singanyaniseka;

Soba simdumisa ngonaphakade.