Izaziso

◼ NgoJulayi nangoAgasti kuza kuhanjiswa iincwadana ezinemifanekiso ezinamaphepha angama-32, ngaphandle kwethi AmaNgqina KaYehova Nemfundo, Igazi Linokubusindisa Njani Ubomi Bakho?, AmaNgqina KaYehova—Angoobani? Yintoni Ayikholelwayo?, nethi Khawubone Eli Lizwe Lihle.” NgoSeptemba: Ulwazi Olukhokelela Kubomi Obungunaphakade.

◼ Ukususela ngoSeptemba, abaveleli besiphaluka baza kuqalisa ukunikela intetho yesidlangalala enomxholo othi “Kutheni Umele Ukhokelwe YiBhayibhile?”

◼ Kunconyelwa ukuba izicelo zobuvulindlela obuthe ngxi zifakwe kwiofisi yesebe ubuncinane iintsuku ezingama-30 ngaphambi kosuku lokuqalisa ubuvulindlela. Unobhala webandla ufanele azihlole ezi fomu ukuze aqiniseke ukuba zizaliswe kakuhle. Ukuba aba bafuna ukuba ngoovulindlela abasawukhumbuli umhla ababhaptizwe ngawo, bafanele bawuqikelele baze bawugcine loo mhla. Unobhala ufanele awubhale loo mhla kwikhadi leNgxelo Yomvakalisi Webandla (S-21).

◼ Oonobhala bamabandla bafanele baqiniseke ukuba baneLeta Yokumisela Uvulindlela (S-202) yovulindlela ngamnye ebandleni. Ukuba abanayo, mabancede babhalele iofisi yesebe.

◼ UMYOLELO WELIFA: Ngaphambi kokuba nityobele imiyolelo yelifa elinikwa iWatch Tower, ncedani nithumele umbhalo kwiofisi yesebe kwiEstate Desk, ukuze ihlole isigama enisisebenzisileyo. Maxa wambi, imiyolelo yamafa yenziwa ngendlela ebangela ingxaki xa kufuneka iphunyezwe. Emva kokutyobela umyolelo welifa, ncedani nithumele umbhalo wawo kwiofisi yesebe ukuze ugcinwe ukhuselekile.

◼ Amabandla afanele aqalise ukucela iifomu ezaneleyo zonyaka wenkonzo wama-2006 xa ecela uncwadi lukaJulayi. Ezi fomu zilandelayo azifanele zicelwe ekubeni ziza kuqukwa xa kuthunyelwa iincwadi emabandleni: Ingxelo Yebandla (S-1), Report Card Envelopes (rce), Ifomu Yokuthunyelwa Kweminikelo (S-20), Ingxelo Yokuhlolwa Kwemali Yebandla (S-25), Iphepha Lengxelo Yemali (S-26), neNgxelo Yemali Yebandla Yenyanga (S-30). Ncedani nizisebenzise ngobulumko iifomu. Zifanele zisetyenziselwe injongo yazo kuphela.

◼ Kubo Bonke Abalungelelanisi Boncwadi: Xa niqhagamshelana neofisi yesebe ngokuphathelele uncwadi oluthunyelwe kwindawo ephosakeleyo, ncedani niphathe i-invoyisi xa kunokwenzeka. Ukuba nibhalela iofisi yesebe, ncedani nithumele umbhalo weinvoyisi.

◼ Iimpapasho Ezintsha Ezifumanekayo:

Ukuhlolisisa IZibhalo Imihla Ngemihla—2005—Ngamagama Amakhulu—ngesiChichewa, ngesiNgesi nangesiShona

◼ IiCD Ezintsha Ezifumanekayo:

Warning Examples for Our Day—ngesiNgesi

Watchtower Library—Uhlelo lowama-2004—ngesiNgesi, ngesiPhuthukezi (PHAWULA: Ukususela ngoku iza kuphuma kanye ngonyaka.)

Iindaba Zobuthixo

◼ Kuluvuyo ukunazisa ngokunikezelwa kwezi Holo zoBukumkani zisithoba zilandelayo: EyaseZimbaba neyaseSulenkama (eMpuma Koloni), eyaseMsunduze neyaseNhlalakahle (KwaZulu-Natal), eyaseZenzeleni (eFreyistata), eyaseMahwelereng (eLimpopo), eyaseRundu (eNamibia), eyaseBekkersdal Central (eGauteng) neyaseLindela (eMpumalanga). Sibulela wonke ubani oye waba nenxaxheba kulo msebenzi. Sinikhuthaza ukuba nibe nenxaxheba ekhethekileyo kwakhona kwiiholo eziza kwakhiwa kunyaka wenkonzo wama-2005.

Nceda Abantwana Bakho Benze Inkqubela Entsimini

¹ Abazali abangamaKristu banembopheleleko enkulu yokuqeqesha abantwana babo entsimini besebancinane. Oku banokukwenza ngeendlela ezininzi. Abanye abantwana bayakwazi ukucengceleza iindinyana ezifanelekileyo zeBhayibhile nangaphambi kokuba bakwazi ukufunda. Oku kunokubachukumisa gqitha abo babaphulaphuleyo. Njengoko abantwana bekhula, banokwenza okungakumbi entsimini. Bazali ninokubanceda njani abantwana benu babe nenxaxheba ekunikeleni ubungqina? Mhlawumbi la macebiso alandelayo anokuninceda.

² Emva kokubulisa, unokuthi:

◼ “Unyana wam, [chaza igama lakhe], unesibhalo esibangel’ umdla afuna ukukubonisa sona.” Umntwana wakho unokuthi: “Esi sibhalo sikwiiNdumiso sindifundise igama likaThixo. [Lo mntwana ufunda okanye acengceleze INdumiso 83:18.] La maphephancwadi athetha ngoko uYehova uThixo aya kusenzela kona. Ndingakushiyela wona?” Unokuqukumbela le ncoko ngokuchaza indlela umsebenzi wehlabathi lonke oxhaswa ngayo.

³ Okanye unokuzama le ndlela:

◼ “Molo. Ndifundisa intombi yam, [chaza igama layo], ukuba ibe nenkxalabo ngabanye ekuhlaleni. Ingathanda ukwabelana nawe ngesigidimi esifutshane esiseBhayibhileni.” Inokuthi: “Enye indlela endithanda ukubanceda ngayo abantu kukwabelana nabo ngethemba lekamva eliseBhayibhileni. [Lo mntwana ufunda okanye acengceleze ISityhilelo 21:4.] La maphephancwadi achaza okuza kwenziwa buBukumkani bukaThixo. Ndicinga ukuba uza kukunandipha ukuwafunda.”

⁴ Ukuhlala besebenzisa iintshumayelo ezilula kuyabanceda abantwana baqiniseke ngakumbi njengoko behambisa isigidimi soBukumkani. Xa benikela ingqalelo ekuthetheni ngokuvakalayo xa beqhelisela iintshumayelo zabo, baya kutsho bakwazi ukuthetha kwiimeko ezahlukahlukeneyo. Ukulungiselela kusengaphambili nokubancoma ngokusuk’ entliziyweni kuya kubanceda abantwana bathethe ngeenkolelo zabo.

⁵ Ngokhuthazo olunjalo, abantwana abaninzi baye bakufanelekela ukuba ngabavakalisi abangabhaptizwanga. Hayi indlela ekuvuyisa ngayo ukubona abantwana bethu besenza inkqubela kubulungiseleli bamaKristu!—INdu. 148:12, 13.