Thandanani Ngokusuk’ Entliziyweni

1. Masithandaneni sonke

Ngokusuk’ entliziyweni.

Bonke abasebandleni

Masibaxabise.

Masibonise ngezenzo

Ukuba siyabathanda,

Sixelise uYehova

Ngokuthanda bonke.

Masibaphe ngesisa

Nabaphi na abasweleyo;

Ngalo lonke ixesha

Masibonis’ uthando.

Masibonise imbeko,

Ububele kwanothando.

Masingadiz’ iziphoso

Zabazalwana bethu,

Sigcine umanyano.

2. Xa sinothand’ olunzulu

Asiyi kuqumba msinya;

Asiyi kuthandabuza

Izenzo zabanye.

Siya kwakha ubuhlobo

Nabo bonke ebandleni.

Sakukhonza nabo bonke

Ngothando novuyo.

Ntsuku zonke siyona,

Sonke siyakhubekisana.

Abo sikhonza nabo

Masibathantamise.

Masibe ngamaqabane

Anothando lokwenene.

Masiphuphume luthando,

Sizukise uThixo,

Ngokuthanda abanye.