Ukuchaza Iinkolelo Zethu Ngo-1914

IZibhalo zisikhuthaza ukuba ‘sikulungele ukuthethelela’ iinkolelo zethu, “ngomoya wobulali nentlonelo enzulu.” (1 Pet. 3:15) Ngokwenene, sinokufumanisa kunzima ukuchaza iinyaniso ezinzulu zeBhayibhile, ezinjengokuba sazi njani ukuba uBukumkani baqalisa ukulawula ngo-1914. Kuye kwalungiselelwa ungcelele oluneenxalenye ezimbini zokusinceda ezinomxholo othi “Ukuncokola Nommelwane—Baqalisa Nini Ukulawula UBukumkani BukaThixo?” La manqaku aza kuvela kwiiMboniselo esiza kuzihambisa entsimini ngo-Oktobha nangoNovemba. Njengoko uhlolisisa la manqaku, khawuqwalasele le mibuzo ilandelayo ngendlela esetyenziswa nguCameron, ongumvakalisi kweli nqaku.

UCameron . . . 

• ukusebenzise njani ukuncoma ukuze bavisisane?—IZe. 17:22.

• ukubonise njani ukuthobeka xa echaza iinkolelo zakhe?—IZe. 14:15.

Kutheni kubalulekile ukuba . . . 

• amane eshwankathela ngaphambi kokuba adlulele kwezinye iingongoma?

• amane enqumama aze abuze enoba umninimzi uyakuqonda kusini na oko sele ekucacisile?

• angathethi yonke into kwingxubusho enye?—Yoh. 16:12.

Simbulela ngokwenene uYehova, ‘umYaleli wethu Ozukileyo,’ ngokusifundisa indlela yokuchaza iinyaniso ezinzulu zeBhayibhile kwabo bazilambeleyo!—Isa. 30:20.