ISIFUNDO 1
Intshayelelo Mayibangele Umdla
IZenzo 17:22
INTO OMELE UYENZE: Indlela oyiqala ngayo incoko okanye intetho ifanele ibenze babe nomdla abantu abakumameleyo. Wenze ucace umxholo uze ubabonise ukuba kutheni bemele babe nomdla kuwo.
INDLELA YOKUYENZA LE NTO:
Benze babe nomdla. Khetha umbuzo, into ekhe yenzeka, into esezindabeni okanye nantoni na enokubenza babe nomdla abantu abakumameleyo.
Wenze ucace umxholo. Qiniseka ukuba intshayelelo yakho iwenza ucace umxholo neyona nto ubafundisa yona abantu abakumameleyo.
Cacisa ukuba kutheni ubalulekile umxholo. Yenze icace indlela umxholo onokubanceda ngayo abantu abakumameleyo.