Iimbekiselo Zencwadi Yobomi BamaKristu Nomsebenzi Wokushumayela
NOVEMBA 7-13
UBUTYEBI OBUPHUMA ELIZWINI LIKATHIXO | 2 KUMKANI 5-6
“Baninzi Abangakuthi Kunabo Bangakubo”
it-1-E 716 ¶4
UElisha
AmaSirayeli Ayasinda KumaSiriya. Xa kwakulawula uKumkani uYehoram wakwaSirayeli, amaSiriya aceba ukuhlasela amaSirayeli. Qho xa uBhen-hadadi II wayeceba indawo yokulwa namaSirayeli, uElisha wayexelela uKumkani uYehoram yonke into eyayicetywa ngamaSiriya. Ekuqaleni uBhen-hadadi wayecinga kukho umntu osenkampini yakhe omjikelayo kodwa waphela esiva ukuba nguEliya oxelela uKumkani uYehoram izinto azicebayo. Emva koko wathumela umkhosi omkhulu, amahashe neenqwelo zokulwa eDotan. (UMFANEKISO okuVol. 1, iphepha 950) Isicaka sikaElisha soyika kodwa uElisha wasithandazela kuYehova uba asivule amehlo ‘sijonge iintaba ezizaliswe ngamahashe neenqwelo zokulwa zomlilo ezijikeleze uElisha.’ Xa amaSiriya ayesiya esondela, uElisha wathandazela into engafaniyo naleyo wayeyithandazele ekuqaleni kuba wathi, “Ndicela ulubethe ngobumfama olu hlanga.” UElisha wathi kumaSiriya, “Ndilandeleni,” kodwa zange kufuneke athi chuu abakhokele kuba babengezomfama zokoqobo. Zange bamqaphele noba nguElisha lo bathetha naye nangona babeyothatha yena ibe babengayazi nokuba basiwa phi.—2Ku 6:8-19.
UElisha Wabona Iinqwelo Zomlilo—Ngaba Uyazibona Nawe?
Nakubeni wayengqongwe ziintshaba eDotan, uElisha wahlala ezolile. Ngoba? Ngenxa yokuba wayenokholo oluqinileyo kuYehova. Nathi sidinga ukholo olunjalo. Ngoko ke, masithandazele umoya oyingcwele kaThixo ukuze sikwazi ukubonisa ukholo nezinye iimpawu zesiqhamo somoya.—Luka 11:13; Gal. 5:22, 23.
it-1-E 343 ¶1
Ubumfama
Ubumfama owawunawo umkhosi waseSiriya ngenxa kaElisha yayingebobumfama bokoqobo. Ukuba wonke umkhosi wawungaboni ngokoqobo, kwakuza kufuneka bakhokelwe bebanjwe ngezandla. Kodwa iBhayibhile ithi uElisha wavele wathi kubo: “Le ndlela nesi sixeko ayizizo ezi nizikhangelayo. Ndilandeleni.” Xa uWilliam James ethetha ngale nto kwincwadi yakhe ethi Principles of Psychology (1981, Vol. 1, iphepha. 59) uthi: “Enye into ebangela umdla xa kuphazamiseke icortex kukuba umntu uye abe yimfama kodwa abe engeyomfama yokoqobo. Le nto ayithethi ukuba umntu akakwazi ukubona kodwa kubakho into eyenzekayo engqondweni ebangela ukuba angayazi ukuba zimela ntoni izinto azibonayo. Ukuphazamiseka phakathi kweendawo ezithumela imiyalezo esuka engqondweni iye emehlweni kuko okubangela le ngxaki.” UYehova wabangela ukuba umkhosi waseSiriya uphinde ubone xa ufike eSamariya. (2Ku 6:18-20) Obumfama inoba bobu babukho kumadoda aseSodom kuba ingxelo ibonisa ukuba endaweni yokuba bazihluphe kuba bengaboni, baqhubeka bezama ukukhangela umnyango endlini kaLote.—Gen 19:11.
Ubuncwane ObuseBhayibhileni
Iimbalasane Zencwadi Yesibini YooKumkani
5:15, 16—Kwakutheni ukuze uElisha angasamkeli isipho sikaNahaman? UElisha wasala isipho sikaNahaman kuba wayesazi ukuba wayephiliswe ngamandla kaYehova, kungekhona awakhe. Akazange ayicinge nokuyicinga into yokuzenzela imali ngesikhundla amiselwe kuso nguThixo. Abanquli bokwenyaniso namhlanje abazami kusebenzisa inkonzo kaYehova ukuze bazenzele imali. Basithabatha nzulu isiluleko sikaYesu esithi: “Namkele ngesisa, yiphani ngesisa.”—Mateyu 10:8.
NOVEMBA 14-20
UBUTYEBI OBUPHUMA ELIZWINI LIKATHIXO | 2 KUMKANI 7-8
“UYehova Wenza Oko Babengakulindelanga Kwenzeka”
it-1-E 716-717
UElisha
UBhen-hadadi II uye ahlasele kodwa akahlaseli kanye okanye kabini, uyihlasela ngamandla iSamariya aze ayirhangqe. Izinto ziye zibe mbi kakhulu kangangokuba ukumkani uxelelwa ukuba kukho umfazi otye unyana wakhe. Kuba wayengunyana ka-Ahabhi ibe ‘engunyana wombulali,’ uKumkani uYehoram wathembisa ukuba uza kumbulala uElisha. Kodwa zange ade ayenze le nto imbi wayethe uza kuyenza. UYehoram ufika endlini yomprofeti kunye nephakathi lakhe aze athi uyekile ukulithemba uncedo lukaYehova. UElisha uyamqinisekisa ukuba ukutya kuza kuba kuninzi kakhulu ngomso. Iphakathi lika kumkani lithi aliqondi ukuba le nto iza kwenzeka aze uElisha athi kulo: “Uza kuyibona ngawakho amehlo isenzeka, kodwa wena akukho kwanto oza kuyifumana.” UYehova ubangela ukuba kubekho ingxolo evakala kwinkampu yamaSiriya ibe ngenxa yaloo nto acinga ukuba kudibene iintlanga ezahlukeneyo zaza zangumkhosi omkhulu ofuna ukuwahlasela. Akhawuleza ayishiye inkampu yawo igcwele kukutya. Xa uKumkani uYehoram esiva ukuba amaSiriya emkile enkampini yawo, uthi kwiphakathi lakhe maligade igeyithi yaseSamariya. Xa amaSirayeli engena ngokukhawuleza enkampini ukuze athathe ukutya, banyathela eli phakathi lide lisweleke. Ngoko nangona ekubonile ukutya usweleka engakutyanga.—2Ku 6:24–7:20.
Ubuncwane ObuseBhayibhileni
it-2-E 195 ¶7
Isibane
Ookumkani Bomnombo KaDavide. UYehova uThixo wamisela uDavide ukuba alawule kwaSirayeli ibe kuba wayesalathiswa nguThixo uDavide waba yinkokeli enobulumko. Ngenxa yaloo nto, kwathiwa ‘usisibane sakwaSirayeli.’ (2Sa 21:17) Kwisivumelwano uYehova awasenza noDavide, wathi: “Netrone yakho iza kumiselwa ngonaphakade.” (2Sa 7:11-16) Ngoko abalawuli ababephuma kumnombo kaDavide ukususela kuSolomon ukubheka phambili ‘babesisibane’ kwaSirayeli.—1Ku 11:36; 15:4; 2Ku 8:19; 2Kr 21:7.
NOVEMBA 21-27
UBUTYEBI OBUPHUMA ELIZWINI LIKATHIXO | 2 KUMKANI 9-10
“Wayenesibindi, Ezinikele Ibe Ezimisele”
UYehu Ulwela Unqulo Olunyulu
UYehu wafumana uthumo xa uhlanga lwakwaSirayeli lwalukwimeko emaxongo. Ilizwe laliphantsi kwempembelelo engendawo kaIzebhele, umhlolokazi ka-Ahabhi nonina wokumkani owayephethe ngelo xesha, uYehoram. Wakhuthaza ihlelo likaBhahali endaweni yonqulo lukaYehova, wabulala abaprofeti bakaThixo, waza wonakalisa abantu ‘ngohenyuzo nokukhafula.’ (2 Kum. 9:22; 1 Kum. 18:4, 13) UYehova wayalela ukuba kubulawe bonke abendlu ka-Ahabhi, kuquka uYehoram noIzebhele. NguYehu owayemele akhokele ekwenzeni oko.
UYehu Ulwela Unqulo Olunyulu
Emva kokwala ukuthetha nabathunywa ababini ababethunywe kuye, uYehu wadibana noKumkani uYehoram nehlakani lakhe uAhaziya, ukumkani wakwaYuda, ingulowo enqweleni yakhe. Umbuzo kaYehoram othi, “Luxolo na, Yehu?” waphendulwa ngolu hlobo: “Lungakho njani uxolo logama kusekho uhenyuzo lukaIzebhele unyoko nokukhafula kwakhe okuninzi?” Othuswe yiloo mpendulo, uYehoram wajika wabaleka. Kodwa wayengenakumshiya uYehu! Wathi rhuthu isaphetha sakhe waza walutsho lwamila utolo entliziyweni kakumkani uYehoram, wamshiya ebanda loo kumkani enqwelweni yakhe. Nangona uAhaziya wakwazi ukubaleka, kamva uYehu wamkhangela wamfumana waza naye wambulala.—2 Kum. 9:22-24, 27
Elinye ilungu lendlu ka-Ahabhi elalimele libulawe nguKumkanikazi uIzebhele ongendawo. UYehu wayefanele ukumbiza ngokuba ‘ngulo uqalekisiweyo.’ Xa wayengena eYizereli, uYehu wambona emi phezulu kwifestile yebhotwe lakhe. Engathethanga kakhulu, uYehu wayalela amagosa enkundla ukuba amphose ezantsi. Wandula ke wamnyathelisa ngamahashe akhe lo kumkanikazi wayenempembelelo embi kuSirayeli wonke. Emva koko, uYehu waqhubeka nokubulala inkitha yamanye amalungu endlu engendawo ka-Ahabhi.—2 Kum. 9:30-34; 10:1-14.
UYehu Ulwela Unqulo Olunyulu
Kuyinyaniso kona ukuba uYehu waphalaza igazi elininzi. Sekunjalo, iZibhalo zimchaza njengendoda ekhaliphileyo eyakhulula uSirayeli kwingcinezelo kaIzebhele nentsapho yakhe. Nayiphi na inkokeli yakwaSirayeli eyayiza kuphumelela ekwenzeni oko yayimele ibe yindoda ekhaliphileyo, enenzondelelo nezimiseleyo. Esinye isichazi-magama sithi: “Yayingumsebenzi onzima awawuphumeza ngokucokisekileyo engabuyi mva. Mhlawumbi ukuba wayeyekelele ngewayengazange alususe unqulo lukaBhahali kwaSirayeli.”
Ngaphandle kwamathandabuzo kuyabonakala ukuba iimeko amaKristu ajamelana nazo namhlanje zifuna ukuba abonise iimpawu ezithile awayenazo uYehu. Ngokomzekelo, simele sithini xa sihendelwa kuyo nantoni na ayithiyileyo uYehova? Sifanele singaphozisi maseko, sikhaliphe size sikukhabe ngaw’ omane oko. Njengoko sizinikele kuThixo, asilunyamezeli naluphi na usukuzwano noYehova.
Ubuncwane ObuseBhayibhileni
UYehu Ulwela Unqulo Olunyulu
Kusenokwenzeka ukuba uYehu wayecinga ukuba, ukuze ubukhosi bakwaSirayeli bukwazi ukuzimela kobakwaYuda, kwakumele kubekho umahluko kunqulo. Ngenxa yoko, njengabanye ookumkani bakwaSirayeli, wazama ukuwenza ubonakale lo mahluko ngokukhuthaza ukunqulwa kwethole. Kodwa oku kwakubonisa ukungabi nalukholo kuYehova, owamenza ukumkani.
UYehova wamncoma uYehu kuba ‘wenza okuhle emehlweni kaThixo.’ Noko ke, uYehu “akazange akunyamekele ukuhamba ngomthetho kaYehova uThixo kaSirayeli ngentliziyo yakhe yonke.” (2 Kum. 10:30, 31) Xa ucinga ngazo zonke izinto ezenziwa nguYehu ngaphambilana, usenokuba wothukile yaye udanile. Sekunjalo, oku kusifundisa isifundo. Ulwalamano lwethu noYehova asimele siluthathe lula. Suku ngalunye, simele sihlakulele ukuthembeka kuThixo ngokufunda iLizwi lakhe, sicamngce ngalo size sithandaze ngokusuka entliziyweni kuBawo wethu wasezulwini. Ngoko masenze unako nako wokunyamekela ukuhamba ngomthetho kaYehova ngentliziyo yethu yonke.—1 Kor. 10:12.
NOVEMBA 28–DISEMBA 4
UBUTYEBI OBUPHUMA ELIZWINI LIKATHIXO | 2 KUMKANI 11-12
“Umfazi Ozimisele Ekwenzeni Izinto Ezimbi Uyohlwaywa”
it-1-E 209
UAtaliya
Njengomama wakhe uIzebhele, uAtaliya wanyanzela umyeni wakhe uYehoram ukuba kula minyaka esibhozo awayelawula ngayo, enze izinto ezimbi emehlweni kaYehova. (1Ku 21:25; 2Kr 21:4-6) Njengomama wakhe, uAtaliya wabulala abantu abangenzanga nto ngabom. Xa unyana wakhe owayesenza izinto ezimbi uAhaziya wasweleka emva konyaka elawula, wabulala yonke inzala yasebukhosini ngaphandle kosana olunguYehowashe kuba wayefihlwe ngumbingeleli omkhulu nomfazi wakhe owayengudabawo kaYehowashe. Ngoko uAtaliya wazibeka njengokumkanikazi iminyaka emithandathu, c. 905-899 B.C.E. (2Kr 22:11, 12) Oonyana bakhe baqhekeza endlini kaYehova bazinikela kuBhahali zonke izinto ezingcwele.—2Kr 24:7.
it-1-E 209
UAtaliya
Xa uYehowashe wayeneminyaka esixhenxe, uMbingeleli oMkhulu uYehoyada wakhupha inkwenkwana awayeyifihlile waza wayibeka njengokumkani etroneni. Xa uAtaliya weva ingxolo etempileni wabaleka waza emva kokubona into eyayisenzeka wakhwaza wathi “Liyelenqe! Liyelenqe!” Umbingeleli Omkhulu uYehoyada wathi uAtaliya makangabulalelwa etempileni kaYehova kodwa makabulalelwe kwindawo ekungena kuyo amahashe endlini kakumkani. Kusenokwenzeka ukuba uAtaliya wayengowokugqibela kwindlu ka-Ahabhi eyayisenza izinto ezimbi. (2Ku 11:1-20; 2Kr 22:1–23:21) Abayinyani amazwi athi: “Akukho nalinye kumazwi kaYehova awathethileyo uYehova ngendlu ka-Ahabhi elingazukwenzeka”!—2Ku 10:10, 11; 1Ku 21:20-24.
Ubuncwane ObuseBhayibhileni
it-1-E 1265-1266
UYehowashe
Izinto zazimhambela kakuhle lo kumkani usemtsha uYehowashe kuba Umbingeleli Omkhulu uYehoyada wayengathi ngutata kuye ibe wayehlala emcebisa. Xa wayeneminyaka eyi-21 uYehowashe waye watshata wanabafazi ababini ibe omnye wabo yayinguYehowadan. Waba ngutata woonyana neentombi. Nangona umnombo kaDavide awayeza kuphuma kuwo uMesiya waphantse waphela, zange ude uphele ngenxa yabo.—2Ku 12:1-3; 2Kr 24:1-3; 25:1.
DISEMBA 5-11
UBUTYEBI OBUPHUMA ELIZWINI LIKATHIXO | 2 KUMKANI 13-15
“Ukuzinikela Ngentliziyo Yonke Kwenza Usikelelwe Kakhulu”
Ngaba Umlandela Ngokupheleleyo UKristu?
11 Ukuze ubone indlela ekubaluleke ngayo ukukhuthala enkonzweni kaThixo, phawula oko kwenzeka kuKumkani uYehowashe wakwaSirayeli. Exhalatyiswe kukubona ukuba uSirayeli uza koyiswa yiSiriya, uYehowashe waya kuElisha elila. Lo mprofeti wathi makavule ifestile atole ejolise kwiSiriya, ebonisa ukuba ngesandla sikaYehova baya kuloyisa olo hlanga. Oku kufanele ukuba kwamnika amandla lo kumkani. Emva koko uElisha wathi uYehowashe makathabathe iintolo zakhe abethe emhlabeni. UYehowashe wabetha izihlandlo ezithathu. Le nto yamcaphukisa uElisha, kuba ukubetha emhlabeni izihlandlo ezihlanu okanye ezithandathu kwakuya kuthetha ukuba uya ‘kuyixabela ayigqibe iSiriya.’ Ngoku uYehowashe wayeza kuyoyisa izihlandlo ezithathu kuphela. Ngenxa yokuba uYehowashe engazange abonise inzondelelo, akazange oyise ngokupheleleyo. (2 Kum. 13:14-19) Yintoni esiyifundayo kule ngxelo? UYehova uya kusisikelela kuphela xa sisenza umsebenzi wakhe ngentliziyo epheleleyo nangenkuthalo.
‘Umvuzi Wabo Bamfuna Ngenyameko’
Ngoobani abavuzwa nguYehova? UPawulos uthi, ‘ngabo bamfuna ngenyameko.’ Enye incwadi yabaguquleli beBhayibhile ithi, igama lesiGrike eliguqulelwe ngokuthi ‘abo bamfuna ngenyameko’ alithethi “ukumkhangela,” kunoko, lithetha “ukumnqula” uThixo. Enye incwadi ithi esi senzi sesiGrike sithetha ukuzibhokoxa. UYehova uvuza abo ukholo lwabo lubenza bamnqule ngentliziyo epheleleyo nangenzondelelo.—Mateyu 22:37.
UYehova ubavuza njani abakhonzi bakhe abathembekileyo? Ubathembise ngomvuzo oxabisekileyo nobubungqina bothando analo ngathi—ubomi obungunaphakade kwiParadesi esemhlabeni. (ISityhilelo 21:3, 4) Nangoku, abo bamfuna ngenyameko uYehova bafumana iintsikelelo ezingenakulinganiswa nanto. Ngoncedo lomoya oyingcwele nobulumko obufumaneka kwiLizwi lakhe, baphila ubomi obunenjongo nobanelisayo.—INdumiso 144:15; Mateyu 5:3.
Ubuncwane ObuseBhayibhileni
Iimbalasane Zencwadi Yesibini YooKumkani
13:20, 21—Ngaba lo mmangaliso uxhasa ukunqulwa kwabo bafayo kuthiwa ziingcwele? Akunjalo. IBhayibhile ayibonisi ukuba amathambo kaElisha akha anqulwa. Yayingamandla kaThixo awabangela lo mmangaliso, kanye njengokuba kwakunjalo ngemimangaliso awayenzayo uElisha ngoxa wayesaphila.
DISEMBA 12-18
UBUTYEBI OBUPHUMA ELIZWINI LIKATHIXO | 2 KUMKANI 16-17
“Umonde KaYehova Uyakwazi Ukuphela”
it-2-E 908 ¶5
UShalmanesere
Ukoyiswa kwamaSirayeli. Ngexesha lokulawula kukaKumkani uHosheya wakwaSirayeli (c. 758-740 B.C.E.), uShalmanesere V waya ePalestina wayokulwa noHosheya. Emva kokulwa naye, uHosheya waba sisicaka sakhe kwaza kwafuneka aqhubeke embhatala. (2Ku 17:1-3) Kodwa ke uHosheya wayeka ukumbhatala, kwaza kwafunyaniswa ukuba uneqhinga alenza noKumkani uSo waseYiputa. (Jonga indawo ethi SO.) Kuba uHosheya engazange ambhatale, uShalmanesere waye wamvalela waza wayirhangqa iSamariya kangangeminyaka emithathu. Nangona iSamariya yayisisixeko esikhuselekileyo kodwa ngoku amaSirayeli aye athinjwa.—2Ku 17:4-6; 18:9-12; thelekisa noHos 7:11; Hez 23:4-10.
it-1-E 414-415
Ukuthinjwa
Izizwe ezilishumi zasemntla zobukumkani bakwaSirayeli nezizwe ezimbini zasemzantsi zobukumkani bakwaYuda zathinjwa kuba zayeka ukukhonza uYehova zaze zakhonza abanye oothixo. (Dut 28:15, 62-68; 2Ku 17:7-18; 21:10-15) UYehova waqhubeka ethumela abaprofeti bakhe ukuba balumkise ezi zizwe kodwa zombini azizange zimamele. (2Ku 17:13) Akukho nomnye ukumkani wezizwe ezilishumi zobukumkani zakwaSirayeli owakhe wazama ukuziphelisa zonke izithixo ezazikhona ezaqalwa ngukumkani wokuqala wesosizwe uYerobhoham. UYuda udadewabo ongukumkani osemzantsi waye akazimamela izilumkiso zikaYehova ezicacileyo ibe zange afunde kumzekelo wendlela uSirayeli awaye wathinjwa ngayo emva kokungamameli. (Yer 3:6-10) Ekugqibeleni zombini ezi zikumkani zaye zathinjwa ibe zathinjelwa kwiindawo ezahlukeneyo.
Ubuncwane ObuseBhayibhileni
it-2-E 847
AmaSamariya
Igama elithi “amaSamariya” laqala lavela eBhayibhileni emva kokoyiswa kwezizwe ezilishumi zobukumkani baseSamariya ngo740 B.C.E. Eli gama lalisetyenziswa xa kubizwa abo babehlala emntla ngaphambi kokuba iSamariya yoyiswe ukuze bakwazi ukohlulwa kwabo babehlala apho kodwa besuka eAsiriya. (2Ku 17:29) Kwi 2 Kronike 34:6-9 (thelekisa 2Ku 23:19, 20) kuyabonakala ukuba ama-Asiriya awazange awagxothe onke amaSirayeli kuba ngexesha ekwakulawula ngalo uKumkani uYosiya ayesekhona amaSirayeli kwelo lizwe. Ekuhambeni kwexesha igama elithi ‘amaSamariya’ laye lathetha abo bashiyeke eSamariya nabo baziswa ngama-Asiriya. Ngokuqinisekileyo, abanye bazalelwa kwimitshato apho omnye umzali wayengumSirayeli omnye engumAsiriya. Nasemva kwexesha elithile, eli gama lalisetyenziswa kakhulu xa kuthethwa ngendlela umntu akhonza ngayo kungekhona uhlanga lwakhe okanye iipolitiki. “UmSamariya” wayengumntu owayehlala kwiindawo zaseShekem naseSamariya ibe izinto awayezikholelwa nendlela akhonza ngayo yayahluke mpela kuleyo yamaYuda.—Yoh 4:9.
DISEMBA 19-25
UBUTYEBI OBUPHUMA ELIZWINI LIKATHIXO | 2 KUMKANI 18-19
“Indlela Abachasi Bethu Abazama Ngayo Ukusityhafisa”
Iimbalasane Zencwadi Yesibini YooKumkani
18:19-21, 25—Ngaba uHezekiya wenza ubuhlobo neYiputa? Akunjalo. Izityholo zikaRabheshake zazibubuvuvu, njengokuba kwakunjalo ngezimangalo zakhe zokuba ‘wayegunyaziswe nguYehova.’ UKumkani uHezekiya othembekileyo wakholosa ngoYehova ngokupheleleyo.
“Musa Ukoyika. Mna Ngokwam Ndiza Kukunceda”
URabheshake wasebenzisa amaqhinga ukuze abantu babe namathandabuzo. Wathi: “Asinguye na [uYehova] lowo uHezekiya ashenxise iindawo zakhe eziphakamileyo nezibingelelo zakhe? . . . UYehova uthe kum, ‘Nyuka nxamnye neli lizwe, uze ulonakalise.’” (2 Kum. 18:22, 25) Ngoko uRabheshake wayesithi uYehova akazukubalwela abantu bakhe kuba akakholiswa ngabo. Kodwa kwakungenjalo. UYehova wayekholiswa nguHezekiya nangamaYuda awayebuyele kunqulo lokwenyaniso.— 2 Kum. 18:3-7.
Abalusi Abasixhenxe Neendwalutho Ezisibhozo—Oko Sikufundayo Ngabo
14 Ukumkani waseAsiriya wamisa iintente eLakishe, kumzantsi-ntshona weYerusalem. Ngoxa elapho, wathumela abathunywa abathathu, eyalela eso sixeko ukuba sinikezele. Isithethi sakhe, uRabheshake, wasebenzisa amaqhinga aliqela. Ethetha ngesiHebhere, waxelela abantu ukuba bamngcatshe uHezekiya baze bazithobe kwiAsiriya, ngoxa ebaxokisa esithi uza kubafudusela kwilizwe abaza kuphila tofotofo kulo. (Funda eyesi-2 yooKumkani 18:31, 32.) Emva koko uRabheshake wathi uYehova wayengayi kukwazi ukuwasindisa amaYuda esandleni sama-Asiriya, kanye njengokuba oothixo bezinye iintlanga bengazange bakwazi ukuzisindisa. Ngobulumko, abantu abazange bazikhathaze ngokuphendula obo buvuvu, into edla ngokwenziwa ngabakhonzi bakaYehova namhlanje.—Funda eyesi-2 yooKumkani 18:35, 36.
yb74 177 ¶1
Icandelo 2—IJamani
Iqela lamajoni elalisaziwa njenge-SS lalidla ngokwenza amaqhinga nyhani xa lifuna umntu asayine into ethi akaseloNgqina likaYehova. Kodwa okubangela umdla kukuba xa umntu sele esayinile, wayephathwa kakubi ngaphezu kwakuqala. UKarl Kirscht wayingqina naye le nto kuba wathi: “Kwiinkampu zoxinaniso amaNgqina kaYehova ayezizisulu zala maqhinga ngaphezu komntu wonke. Kwakucingwa ukuba le nto yeyona iza kubanyanzela ukuba basayine. Ngoko nathi njengamajoni kwakuthiwa masiqhubeke sibanyazela ukuba basayine. Abanye bade basayina ekugqibeleni, kodwa naxa sele besayinile kwakufuneka balinde into engaphezu konyaka ngaphambi kokuba bakhululwe. Ngeli xesha basalinde ngalo, amajoni e-SS ayedla ngokuhlekisa ngabo phambi kwabantu kuze kuthwe ngamagwala angakwaziyo ukuyimela into yawo. Ngaphambi kokuba bahambe, babenyanzelwa ukuba bajikeleze phambi kwabazalwana babo abaza kubashiya enkampini.”
Ubuncwane ObuseBhayibhileni
it-1-E 155 ¶4
Izinto Ezifunyenweyo Zakudala
IBhayibhile ithi uKumkani uSenaribhe waseAsiriya wabulawa ngoonyana bakhe ababini uAdrameleki noSharezere, waza omnye unyana wakhe, uEsar-hadon waba ngukumkani endaweni yakhe. (2Ku 19:36, 37) Kodwa elinye icwecwe lelitye lakudala laseBhabhiloni lithi nge20 kwinyanga kaTebhete uSenaribhe wabulawa kabuhlungu ngunyana wakhe omnye. UBerossus owayengumfundisi waseBhabhiloni ngeminyaka yoo-200 B.C. noNabonidus owayengukumkani waseBhabhiloni ngeminyaka yoo-500 B.C. bathetha into efanayo kuba bathi uSenaribhe wabulawa ngunyana wakhe omnye. Kodwa ke kwingceba esandokufunyanwa yePrism kaEsar-hadon, unyana kaSenaribhe uEsar-hadon uthi ngoobhuti bakhe (bobabini) ababulala utata wakhe baza babaleka. KwiUniversal Jewish History yango1948, Vol. I, iphepha 27 uthi uPhilip Biberfeld xa ethetha ngale nto: “Icwecwe lelitye lakudala laseBhabhiloni, uNabonid noBerossus bonke babephazamile, yiBhayibhile yodwa eyayichanile. Enye into esinika ubungqina nangakumbi zizinto ezafunyanwa kumacwecwe kaEsarhadon kuba izinto awazibhalayo ngokubulawa kukatatakhe zichane ngaphezu kwezo ezabhalwa ngabantu baseBhabhiloni bela xesha. Le nto ibaluleke kakhulu xa ujonga izinto ezabhalwa kudala kuba kusenokwenzeka ukuba azihambelani noko kufundiswa yiBhayibhile.”
DISEMBA 26–JANUWARI 1
UBUTYEBI OBUPHUMA ELIZWINI LIKATHIXO | 2 KUMKANI 20-21
“Umthandazo Wabangela Ukuba UYehova Angenelele”
Ukuvuzwa Kokholo Lukakumkani
23 Ngethuba uSenaribhe ehlasela uYuda okokuqala, uHezekiya ugulel’ ukufa. UIsaya umxelela ukuba uza kufa. (Isaya 38:1) Lo kumkani onama-39 eminyaka ubudala udandatheke kakhulu. Akaxhalabelanga impilo yakhe kuphela kodwa kwanekamva labantu. IYerusalem nelakwaYuda zisengozini yokuhlaselwa ngama-Asiriya. Ukuba uHezekiya uyafa, ngubani oza kukhokela emfazweni? Ngelo xesha, uHezekiya ebengenanyana wokungena esihlalweni sokulawula. Ngoko uHezekiya uthandaza ngokunzulu ebongoza uYehova ukuba amenzele inceba.—Isaya 38:2, 3.
Khonza UYehova Ngentliziyo Epheleleyo!
16 Kamva uHezekiya wagulela oogqirha nezicaka. Wamcenga uYehova ukuba akhumbule indlela aye wahamba ngayo phambi kwakhe. (Funda eyesi-2 yooKumkani 20:1-3.) IZibhalo zisibonisa ukuba namhlanje asinakulindela ukuba uYehova enze ummangaliso wokusiphilisa okanye asongezele iminyaka. Nakuba kunjalo, njengoHezekiya nathi sinokuthandaza kuYehova sithi: “Ndahamba ngenyaniso phambi kwakho nangentliziyo epheleleyo.” Ngaba uyayikholelwa into yokuba uYehova unako ibe uyafuna ukukuxhasa emandlalweni wakho wokugula?—INdu. 41:3.
g01 7/22 13 ¶4
Umthandazo Unokundinceda Njani?
Ngamaxesha okubhalwa kweBhayibhile amadoda athile anokholo afumana iimpendulo ezingqalileyo—kwanemimangaliso—njengempendulo kwimithandazo yawo. Ngokomzekelo, xa uKumkani uHezekiya wafumanisa ukuba unesifo esibulalayo, wabongoza uThixo ukuba amsindise. UThixo waphendula ngelithi: “Ndiwuvile umthandazo wakho. Ndizibonile iinyembezi zakho. Yabona ndiyakuphilisa.” (2 Kumkani 20:1-6) Namanye amadoda namabhinqa amoyikayo uThixo akubona ukungenelela kukaThixo.—1 Samuweli 1:1-20; Daniyeli 10: 2-12; IZenzo 4:24-31; 10:1-7.
Ubuncwane ObuseBhayibhileni
it-2-E 240 ¶1
Isixhobo Sokumeta
Isixhobo sokumeta sinokusetyenziswa ukuze isakhiwo sakhiwe kakuhle okanye kujongwe ukuba siza kuhlala ixesha elingakanani. Kuba iYerusalem yayisenza izinto ezimbi uYehova wathi uza kuyolulela ‘intambo yokumeta njengokuba wenzayo kwiSamariya, asebenzise isixhobo sokulinganisa awasisebenzisayo endlini ka-Ahabhi.’ UThixo wameta waze wafumanisa ukuba iSamariya nendlu kaKumkani uAhabhi yayiziphatha kakubi yaze loo nto yabangela ukuba zitshatyalaliswe. UThixo wayeza kwenza into efanayo xa egweba iYerusalem nabalawuli bayo, batsho batshatyalaliswe kuba yayicacile indlela abaziphethe kakubi ngayo. Zonke ezi zinto zenzeka nyhani ngo 607 B.C.E. (2Ku 21:10-13; 10:11) Kwasetyenziswa uIsaya ukuze abalawuli baseYerusalem nabantu ababeqhayisa besenza nezinto ezimbi bazi ngentshabalalo yabo ezayo namazwi kaYehova athi: “Okusesikweni ndiza kukwenza intambo yokumeta nobulungisa isixhobo sokumeta.” Yindlela uThixo afuna siphile ngayo kuphela eyayiza kubonisa ukuba ngoobani kanye kanye ababengabakhonzi bakaYehova nababengengabo. Loo nto yayiza kuphumela ekubeni basindiswe okanye batshatyalaliswe.—Isa 28:14-19.