Iimbekiselo Zencwadi Yobomi BamaKristu Nomsebenzi Wokushumayela
© 2024 Watch Tower Bible and Tract Society of Pennsylvania
NOVEMBA 4-10
UBUTYEBI OBUPHUMA ELIZWINI LIKATHIXO INDUMISO 105
“Usikhumbula Ngonaphakade Isivumelwano Sakhe”
Sinokulomeleza Njani Ukholo Lwethu Kwihlabathi Elitsha Esilithenjiswe NguYehova?
11 Cinga ngezinye izinto uYehova awazithembisayo, ezazibonakala ngathi azinakwenzeka. Waxelela uAbraham noSara ababebadala ukuba baza kuba nonyana. (Gen. 17:15-17) Waphinda waxelela uAbraham ukuba inzala yakhe yayiza kunikwa ilizwe lakwaKanan. Xa kwaqengqeleka iminyaka amaSirayeli engamakhoboka eYiputa, loo nto yayisenokubonakala ingenakwenzeka, kodwa yenzeka. Kanti emva kweminyaka emininzi, uYehova waxelela uElizabhete owayesele emdala ukuba uza kuba nomntwana. Waxelela noMariya owayengazange walala nandoda ukuba uza kuzala uNyana Wakhe. Kwakuza kutsho kwenzeke into uYehova awayithembisa kudala kwigadi yase-Eden!—Gen. 3:15.
12 Xa sicinga ngezinto uYehova awazithembisayo nendlela awazenza ngayo, sitsho siqonde ukuba unamandla kakhulu. (Funda uYoshuwa 23:14; Isaya 55:10, 11.) Ngoko luyaqina ukholo lwethu kwihlabathi elitsha asithembise lona. Loo nto isenza sikwazi ukunceda nabanye baqonde ukuba ihlabathi elitsha esilithenjisiweyo ayilophupha. UYehova ngokwakhe wathi xa wayethetha ngamazulu amatsha nomhlaba omtsha: “La mazwi athembekile yaye ayinyaniso.”—ISityhi. 21:1, 5.
it-2-E 1201 ¶2
Ilizwi
Yonke indalo equka izinto eziphilayo nezingaphiliyo zilawulwa nguThixo ibe uzisebenzisa ukuphumeza nayiphi na injongo yakhe. (INd 103:20; 148:8) Ilizwi lakhe sinokulithemba kuba nantoni na ayithembisayo uyayenza. (Dut 9:5; INd 105:42-45) Naye njengoko esitsho, ilizwi lakhe “lihlala likho ngonaphakade” ibe alisoze libuyele kuye lingayenzanga into ayithethileyo.—Isa 40:8; 55:10, 11; 1Pe 1:25.
Ubuncwane ObuseBhayibhileni
w86 11/1 19 ¶15
LUTSHA—Iindima Yenu Kwintsapho Eyonwabileyo Nemanyeneyo
15 “Bacinezela inyawo zakhe [uYosefu] ngamakhamandela, wafika umphefumlo wakhe esinyithini; kwada kwalixesha lokufika kwelizwi lakhe, intetho kaYehova yamhlaziya” (INdumiso 105:17-19) Kangangeminyaka eli-13, uYosefu wabandezeleka njengekhoboka nanjengebanjwa de idinga likaYehova laba yinyaniso. Ngala mava wahlaziyeka.Nangona yayingenguye nje owabangela iinkathazo,uYehova wazivumela ngenjongo.Ngaba uYosefu wayeza kulilondoloza ithemba lakhe ‘ngamazwi athethwenguYehova ‘ phezu kwako nje ukuba senkxwalekeni ebuhlungu? Ngaba wayeza kuzikhulisa iimpawu zakhe ezintle, aze avelise umonde ofunekayo, intobeko, ukomelela ngokomoya nozimiselo lokusingatha isabelo esinzima? Kaloku, uYosefu wafana neGolide ehlaziywe emlilweni- enyulu yaye exabiseke ngakumbi kuThixo, owathi kamva wamsebenzisa ngokumangalisayo—Genesis 41:14, 38-41, 46; 42:6, 9.
NOVEMBA 11-17
UBUTYEBI OBUPHUMA ELIZWINI LIKATHIXO INDUMISO 106
“Bamlibala UThixo Umsindisi Wabo”
“Ngubani Na OngakuYehova?”
13 AmaSirayeli oyikiswa lilifu elimnyama, imibane nezinye izinto ezimangalisayo ezivela kuThixo. Acela uMoses ukuba awathethele kuYehova kwiNtaba YeSinayi. (Eks. 20:18-21) UMoses wahlala ixesha elide kuloo ntaba. AmaSirayeli ahlala entlango engenamntu uwakhokelayo. Ayeza kwenza ntoni? Kuyabonakala ukuba ayethembele ngoMoses kakhulu. Ngoko aba nexhala aza athi kuAron: ‘Senzele uthixo oya kuhamba phambi kwethu, kuba lo Moses, le ndoda yasikhuphayo ezweni laseYiputa, ngokuqinisekileyo asazi ukuba kwenzeke ntoni kuye.’—Eks. 32:1, 2.
Ubuncwane ObuseBhayibhileni
Iimbalasane Zenxalenye Yesithathu Neyesine Yencwadi YeeNdumiso
106:36, 37. Ezi ndinyana zifanisa ukunqula izithixo nokubingelela kwiidemon. Oku kuthetha ukuba umntu osebenzisa izithixo usenokuphenjelelwa ziidemon. IBhayibhile iyasibongoza: “Zilindeni kuzo izithixo.” —1 Yohane 5:21.
NOVEMBA 18-24
UBUTYEBI OBUPHUMA ELIZWINI LIKATHIXO INDUMISO 107-108
“Bulelani KuYehova, Kuba Ulungile”
Ibandla Malimdumise UYehova
2 Ibandla asiyondawo nje yokudibana kweqela labahlobo. Asiyombutho yabantu okanye iqela apho kudibana khona abantu abanemvelaphi efanayo okanye abathanda umdlalo ofanayo. Eyona njongo yebandla kukudumisa uYehova uThixo. Oko kwakunjalo kwakudala njengokuba incwadi yeeNdumiso ibonisa. KwiNdumiso 35:18, sifunda oku: “Ndiya kukubonga ebandleni elikhulu; ndiya kukudumisa phakathi kwesizwana esikhulu.” Ngokufanayo, kwiNdumiso 107:31, 32, sikhuthazwa oku: “Abantu mabambulele uYehova ngobubele bakhe bothando nangemisebenzi yakhe emangalisayo koonyana babantu. Mabambonge ebandleni labantu.”
Mbulele UYehova Uze Usikeleleke
4 Ukuba sifuna ukuhlala sinombulelo, simele siyamkele yaye siyixabise into yokuba uYehova usisikelele, size sicingisise ngezinto asenzele zona kuba esithanda. Wathi umdumisi akuyenza loo nto, wamangaliswa yimisebenzi emikhulu kaYehova.—Funda iNdumiso 40:5; 107:43.
Ubuncwane ObuseBhayibhileni
it-2-E 420 ¶4
Mowabhi
Kamva, ngexesha uDavide wayelawula njengokumkani kwabakho imfazwe phakathi kukaSirayeli noMowabhi. AmaMowabhi oyiswa ngokupheleleyo aza anyanzelwa ukuba abhatale umrhumo kuDavide. Kubonakala ukuba ekupheleni kwemfazwe, uninzi lwamadoda angamaMowabhi abulawa. Kubonakala ukuba uDavide wawalalisa phantsi loo madoda waza wawameta ukuze kubonakale lawo ekwakufuneka awabulale nalawo ekwakufuneka awagcine ephila. (2Sa 8:2, 11, 12; 1Kr 18:2, 11) Kusenokwenzeka ukuba kwakuloo mfazwe inye, uBhenaya unyana kaYehoyada “waxabela oonyana ababini baka-Ariyeli wakwaMowabhi.” (2Sa 23:20; 1Kr 11:22) Ukoyisa kukaDavide amaMowabhi kwazalisekisa amazwi esiprofeto sikaBhileham awawathetha kwiminyaka eyi-400 ngaphambili: “Kuza kuphuma inkwenkwezi kwaYakobi, kuvele intonga yobukhosi kwaSirayeli. Yaye nakanjani uza kuliqhekeza ibunzi likaMowabhi namathambo eentloko zoonyana besiphithiphithi.” (Num 24:17) Ekwabhekisela kolu loyiso umdumisi wathetha wathi uthi uThixo ngoMowabhi “sisitya endihlambela kuso.”—INd 60:8; 108:9.
NOVEMBA 25–DISEMBA 1
UBUTYEBI OBUPHUMA ELIZWINI LIKATHIXO INDUMISO 109-112
Xhasa UYesu, Ukumkani!
Iimbalasane Zenxalenye Yesihlanu Yencwadi YeeNdumiso
110:1, 2—Yayisenza ntoni “iNkosi [kaDavide]” uYesu Kristu, ngoxa yayihleli ngakwisandla sokunene sikaThixo? Emva kokuvuka kwakhe, uYesu wenyukela ezulwini waze walinda ngakwisandla sokunene sikaThixo de kwangowe-1914 apho waqalisa khona ukulawula njengoKumkani. Ebudeni belo xesha, uYesu wayelawula abathanjiswa, ebalathisa kumsebenzi wokwenza abafundi kwangaxeshanye ebalungiselela ukuba balawule naye eBukumkanini bakhe.—Mateyu 24:14; 28:18-20; Luka 22:28-30.
Abalwa NoThixo Abayi Kuphumelela!
3 Abantu bakaYehova bebehlaselwa ukususela ebutsheni benkulungwane yama-20. Kumazwe amaninzi, abantu abebeneenjongo ezingendawo baye bazama ukuwuthintela—ewe, ukuwuvala—umsebenzi wokuvakalisa iindaba ezilungileyo zoBukumkani bukaThixo. Bebentyontyelwa luTshaba lwethu oluyintloko, uMtyholi, ‘ohambahamba njengengonyama egqumayo, efuna ubani engamqwengayo.’ (1 Petros 5:8) Ekupheleni ‘kwamaxesha amisiweyo eentlanga’ ngowe-1914, uThixo wamisela uNyana wakhe njengoKumkani omtsha emhlabeni, emnika umyalelo othi: “Hamba usoyisa phakathi kweentshaba zakho.” (Luka 21:24; INdumiso 110:2) Esebenzisa igunya lakhe, uKristu wakhupha uSathana ezulwini waza wamphelelisela kummandla womhlaba. Esazi ukuba ixesha lakhe lifutshane, uMtyholi ukhuphela umsindo wakhe kumaKristu athanjisiweyo nakoogxa bawo. (ISityhilelo 12:9, 17) Uye wayintoni umphumo weentlaselo eziphindaphindiweyo zabo balwa noThixo?
Yenza Inkqubela—Uhambele Phambili
Xa ubongozwa ukuba usebenzise isiphiwo sakho kuthethwa ukuba uthabathe inyathelo kuqala. Ngaba iba nguwe othabatha inyathelo kuqala lokusebenza nabanye kubulungiseleli basentsimini? Ngaba uye ukhangele amathuba okunceda amalungu ebandla lakho asematsha, aselula okanye ampilo inkenenkene? Ngaba uye uzenze ufumanekele ukucoca iHolo yoBukumkani okanye ukuncedisa ngeendlela ezahlukeneyo kwiindibano ezinkulu nezincinane? Ngaba unako ukubhalisa njengovulindlela ongumncedani ngamaxesha athile? Ngaba unokukwazi ukukhonza njengovulindlela othe ngxi okanye ukunceda kwibandla elinentswelo engakumbi? Ukuba ungumzalwana, ngaba uzabalazela ukuhlangabezana neemfaneleko zeZibhalo zezicaka zolungiselelo nabadala? Ukukulungela kwakho ukunceda nokwamkela imbopheleleko kuluphawu lokuhambela phambili.—INdu. 110:3
Ubuncwane ObuseBhayibhileni
it-1-E 524 ¶2
Isivumelwano
Isivumelwano sokuba nguMbingeleli njengoMelkitsedeki. Esi sivumelwano kuthethwa ngaso kwiNdumiso 110:4; ibe umbhali wencwadi yamaHebhere 7:1-3, 15-17 uthi sibhekisela kuKristu esi sivumelwano. Sisivumelwano uYehova awasenza noYesu Kristu. UYesu wayebhekisa kuso xa wayesenza isivumelwano sobukumkani nabalandeli bakhe. (Lu 22:29) UYehova wafunga ukuba unyana wakhe uYesu Kristu osezulwini wayeza kuba ngumbingeleli njengoMelkitsedeki. UMelkitsedeki wayengukumkani nombingeleli kaThixo emhlabeni. UYesu Kristu wayeza kuyenza yomibini le misebenzi abe nguKumkani noMbingeleli Omkhulu ezulwini hayi emhlabeni. Waqalisa ukuyenza le misebenzi emva kokuba enyukele ezulwini. (Heb 6:20; 7:26, 28; 8:1) Esi sivumelwano siyakuhlala sikho ngonaphakade, ibe uYesu Kristu uza kusebenza phantsi kokhokelo lukaYehova njengoKumkani noMbingeleli Omkhulu ngonaphakade.—Heb 7:3.
DISEMBA 2-8
UBUTYEBI OBUPHUMA ELIZWINI LIKATHIXO INDUMISO 113-118
Singambulela Ngantoni UYehova?
Yakheka Ngenxa Yothando
13 Ngokusuka kumazwi kaYesu, kucacile ukuba okokuqala sifanele sithande uYehova. Noko ke, asizalwa sinothando olupheleleyo ngoYehova. Yinto esimele siyihlakulele. Ekuqaleni kwethu ukuva ngaye, satsaleleka kuye ngenxa yoko sakuvayo. Ngokuthe ngcembe, safunda indlela awawulungisa ngayo umhlaba esenzela uluntu. (Genesis 2:5-23) Safunda indlela aye waqhubana ngayo noluntu, akazange asityeshele emva kokuba isono singene kwintsapho engabantu, kodwa wathabatha amanyathelo okusikhulula. (Genesis 3:1-5, 15) Wabaphatha ngobubele abo babethembekile, yaye ekugqibeleni wanikela ngoNyana wakhe okuphela kwamzeleyo ukuze kuxolelwe izono zethu. (Yohane 3:16, 36) Olu lwazi lungakumbi lwalwandisa uxabiso lwethu ngoYehova. (Isaya 25:1) UKumkani uDavide wathi uyamthanda uYehova ngenxa yenyameko Yakhe yothando. (INdumiso 116:1-9) Namhlanje, uYehova uyasinyamekela, uyasikhokela, uyasomeleza yaye uyasikhuthaza. Okukhona sifunda ngaye, kokukhona luya lukhula uthando lwethu.—INdumiso 31:23; Zefaniya 3:17; Roma 8:28
Yamkela Ngombulelo—Uphe Ngokusuka Entliziyweni
Umdumisi wabuza: “Ndiya kumbuyekeza ngantoni na uYehova ngalo lonke uncedo lwakhe kum?” (INdu. 116:12) Luluphi olo ncedo walufumanayo? UYehova wamomeleza ngexesha ‘lokubandezeleka nentlungu.’ Ngaphezu koku uYehova ‘wayewuhlangule umphefumlo wakhe ekufeni.’ Ngoko, wayefuna ‘ukubuyekeza’ uYehova ngandlel’ ithile. Wayeza kwenza ntoni lo mdumisi? Wathi: “Ndiya kuzifezekisa izibhambathiso zam kuYehova.” (INdu. 116:3, 4, 8, 10-14) Wagqiba ekubeni agcine zonke izithembiso awayezenze kuYehova aze aphumeze zonke iimbopheleleko awayemnike zona.
Nawe unokwenza okufanayo. Njani? Ngokuphila ngokuvisisana nemithetho nemigaqo kaThixo ngalo lonke ixesha. Ngenxa yoko qiniseka ukuba ukunqula uYehova kusoloko kuyeyona nto ibalulekileyo ebomini bakho uze uvumele umoya wakhe ukukhokele kuyo yonke into oyenzayo. (INtshu. 12:13; Gal. 5:16-18) Eneneni, akunakuze umbuyekeze uYehova ngazo zonke izinto akwenzele zona. Sekunjalo, ‘iba nemihlali intliziyo’ yakhe xa ekubona uzinikele ngentliziyo epheleleyo enkonzweni yakhe. (IMize. 27:11) Kulilungelo lokwenene ukuvuyisa uYehova ngale ndlela!
Izinto Esinokuzifunda Kwincwadi YeLevitikus
9 Okwesibini: Isizathu sokuba sikhonze uYehova kukuba sifuna ukumbulela Ukuze siyiqonde le nto, makhe sithethe ngenye into ebalulekileyo eyayisenziwa ngamaSirayeli xa enqula uYehova, imibingelelo yobudlelane. KwiLevitikus sifunda ukuba umSirayeli wayesenza umbingelelo wobudlelane xa ‘ebulela’ kuYehova. (Lev. 7:11-13, 16-18) Wayengawenzi kuba enyanzelekile, wayewenza kuba efuna. Ngoko, umntu wayezikhethela ukwenza lo mnikelo kuba ethanda uThixo wakhe, uYehova. Kwakufuneka eso silwanyana anikela ngaso asitye kunye nentsapho yakhe nababingeleli. Kodwa enye inyama kwakufuneka anikele ngayo kuYehova. Yeyiphi loo nyama?
10 Okwesithathu: Simkhonza uYehova ngamandla ethu onke kuba simthanda. Amanqatha yeyona ndawo uYehova wayeyibona ibalulekile kwisilwanyana. Zikhona nezinye iindawo ezazibalulekile kuye, njengezintso. (Funda iLevitikus 3:6, 12, 14-16.) Wayevuya kakhulu uYehova xa umSirayeli enikela kuye amanqatha kunye nezi ndawo zibalulekileyo. UmSirayeli owenze le nto wayebonisa ukuba ufuna ukunikela kuThixo ngeyona nto ibalulekileyo anayo. NoYesu wazinikela ngokupheleleyo kuYehova ngokumkhonza ngamandla akhe onke kuba emthanda. (Yoh. 14:31) Kwakumvuyisa ukwenza ukuthanda kukaThixo ibe wayewuthanda umthetho wakhe. (INdu. 40:8) NoYehova wayevuya nyhani xa ebona uYesu emkhonza ngolu hlobo.
11 Nathi simkhonza uYehova kuba simthanda, njengokuba kwakunjalo kubantu ababesenza imibingelelo yobudlelane. Simkhonza kangangoko sinako ngenxa yokuba simthanda. Inoba uvuya nyhani xa ebona iimiliyoni zabantu zimkhonza kuba zimthanda ibe zithanda nendlela enza ngayo izinto. Sithuthuzeleka kakhulu xa sikhumbula ukuba akaboni nje izinto esizenzayo kodwa ubona nesizathu sokuba sizenze. Ngokomzekelo, ukuba ngoku umdala ibe awusakwazi ukumenzela ezinye izinto ozinqwenelayo, qiniseka ukuba uYehova uyayiqonda loo nto. Mhlawumbi wena uthi akukho nto ingako unokumenzela yona, kodwa yena uyakubona xa usenza loo nto ukwaziyo ukuyenza kuba umthanda. Wamkela loo nto ukwazi ukuyenza ngamandla akho onke.
Ubuncwane ObuseBhayibhileni
Imibuzo Evela Kubafundi
Ephefumlelwe umdumisi wacula wathi: “Kuxabisekile emehlweni kaYehova ukufa kwabanyanisekileyo bakhe.” (INdu. 116:15) Ubomi bomnquli ngamnye kaYehova buxabiseke kakhulu kuye. Noko ke, amazwi akwiNdumiso 116 abhekisela kwinto engaphaya kokufa komntu.
Xa kunikelwa intetho yomngcwabo womKristu, akufanelekanga ukusebenzisa iNdumiso 116:15 kulo mntu uswelekileyo, nangona efe engumkhonzi kaYehova onyanisekileyo. Ngoba? Ngenxa yokuba oko kuthethwa ngumdumisi kunentsingiselo ebanzi. Kuthetha ukuba uThixo akayi kuvumela ukuba lonke iqela labakhonzi bakhe abanyanisekileyo life ngenxa yokuba ulijonga njengelixabisekileyo.—Sicela ufunde iNdumiso 72:14; 116:8.
DISEMBA 9-15
UBUTYEBI OBUPHUMA ELIZWINI LIKATHIXO INDUMISO 119:1-56
“Umfana Angayigcina Njani Icocekile Indlela Yakhe?”
Ngaba Uhlala Ucocekile Kuzo Zonke Iinkalo?
10 KumaEfese 5:5 uPawulos wanikela esi siluleko “Kuba oku nikwazi, ukuba wonke umenzi wombulo, nomntu ongcolileyo, nolibawa, engumkhonzi wezithixo, akanalifa ebukumkanini bukaKristu noThixo”. Kanti nyaka ngamnye kohlwaywa okanye kususwe kubudlelane abangamawaka ngenxa yokuziphatha okubi ngokwesini- ‘besona umzimba.’ (1 Korinte 6:18) Ngokufuthi, iba ngumphumo nje ‘wokungazingcini ngokwelizwi likaThixo (Indumiso119:9) Ngokomzekelo, abazalwana abaninzi bayekelela umxakatho ngokuziphatha ebudeni bamaxesha ekhefu. Bezityeshela iintlanganiso ezingokobuthixo, bakha ubuhlobo nabantu behlabathi abasekhefini. Eqiqa ngelithi aba ‘ngabantu abalunge ngokwenene’, wambi amaKristu aye abathelela kwizenzo ezingaqondakaliyo. Ngokufanayo, amanye aye abe ngumtya nethunga namaqabane awo omsebenzi. Omnye umdala ongumKristu waqhogana nomqeshwa olibhinqa kangokuba wayishiya enyanyeni intsapho yakhe wahlalisana naye! Umphumo waba kukususwa kubudlelane. Hayi indlela ayinyaniso ngayo amazwi aseBhayibhileni athi “Incoko embi yonakalisa izimilo ezilungileyo”! —1 Korinte 15:33.
“Ndiyazithanda Izikhumbuzo Zakho”
UYEHOVA uhlala ebakhumbuza abantu bakhe ukuze abancede bakwazi ukuhlangabezana neengcinezelo zala maxesha anzima. Ezinye zezi zikhumbuzo sizifumana xa sisenza ufundisiso lweBhayibhile lobuqu, ngoxa ezinye sizifumana kwiintlanganiso zamaKristu. Ezinye zizinto esisele sizazi. Kunokwenzeka ukuba yinkcazelo esakha sayifunda ngaphambili. Noko ke, ekubeni sinotyekelo lokulibala, kufuneka sihlale sizikhumbuza ngeenjongo, imithetho nemiyalelo kaYehova. Sifanele sibe noxabiso ngezikhumbuzo zikaThixo. Ziyasihlaziya kuba zisinceda sihlale sicinga ngoko kwasishukumisela ukuba siphile ngokuvisisana nokuthanda kukaThixo. Umdumisi wavuma ingoma wathi kuYehova: “Ndiyazithanda izikhumbuzo zakho.”—INdumiso 119:24.
Susa Amehlo Akho Kwizinto Ezingento Yanto!
2 Noko ke, sisenokujonga nezinto ezinokusifak’ engxakini. Izinto esizijongayo zize zingene ezingqondweni zethu zinokukhulisa iminqweno ethile ezintliziyweni zethu. Ekubeni siphila kwihlabathi elilawulwa nguSathana uMtyholi nelithe phithi kukuziphatha okubi nokwanelisa iminqweno, sisoloko sibona imifanekiso nenkcazelo ekhohlisayo enokusenza siphambuke ngokulula—enoba siyithe krwaqu nje. (1 Yoh. 5:19) Kungenxa yoko le nto umdumisi wabongoza uThixo wathi: “Dlulisa amehlo am angaboni oko kungento yanto; ndigcine ndiphila ngokwendlela yakho.”—INdu. 119:37.
Ubuncwane ObuseBhayibhileni
Kholosa Ngelizwi LikaYehova
2 Eyona nto ibalaseliswayo kwiNdumiso 119 kukuxabiseka kwelizwi okanye isigidimi sikaThixo. Mhlawumbi esenzela ukuba ikhumbuleke lula le ndumiso, umbhali wayo wasebenzisa oonobumba besiHebhere ngokulandelelana kwabo kwiindinyana zayo ezili-176. KwisiHebhere santlandlolo, isiqendu ngasinye kwezingama-22 zale ndumiso sinezivakalisi ezisi-8 eziqala ngonobumba ofanayo. Le ndumiso ithetha ngelizwi, umthetho, izikhumbuzo, iindlela, imiyalelo, imimiselo, nezigwebo zikaThixo. Kweli nqaku nakwelilandelayo, INdumiso 119 iza kuxutyushwa ngokuvisisana nenguqulelo echanileyo yombhalo weBhayibhile wesiHebhere. Ukucamngca ngezinto ezazibandakanya abakhonzi bakaYehova bamandulo nabale mihla kufanele kusenze siyiqonde le ndumiso iphefumlelwe nguThixo kuze kusenze silixabise ngakumbi iLizwi likaThixo elibhaliweyo, iBhayibhile.
DISEMBA 16-22
UBUTYEBI OBUPHUMA ELIZWINI LIKATHIXO INDUMISO 119:57-120
Unokumelana Njani Neenkxwaleko
“Hayi Indlela Endiwuthanda Ngayo Umthetho Wakho!”
2 Ufanele uzibuze, “Umthetho kaThixo wawumthuthuzela njani umdumisi?” Into eyamomelezayo yintembelo awayenayo yokuba uYehova unomdla kuye. Ukwazi indlela oyingenelo ngayo umthetho kwakumvuyisa umdumisi nakuba wayetshutshiswa ngabo babemchasa. Wayeqonda ukuba uYehova ungakwicala lakhe. Ngaphezulu, ukusebenzisa ukhokelo oluvela emthethweni kaThixo kwabangela ukuba umdumisi abe nobulumko kuneentshaba zakhe yaye kwamlondoloza. Ukuthobela lo mthetho kwamenza wanoxolo lwengqondo nesazela esicocekileyo.—INdumiso 119:1, 9, 65, 93, 98, 165.
Ngaba Uzithanda Ngokugqithiseleyo Izikhumbuzo ZikaYehova?
3 Izikhumbuzo zikaThixo zazithandwa ngumdumisi owavuma ingoma esithi: “Ndikhawulezile, andalibazisa ukugcina imiyalelo yakho. Zona kanye iintsontelo zabangendawo zindingqongile. Umthetho wakho andiwulibalanga.” (INdumiso 119:60, 61) Izikhumbuzo zikaYehova ziyasinceda sinyamezele intshutshiso kuba sinentembelo yokuba uBawo wethu wasezulwini unokuziqhawula iintsontelo ezisibopha ngazo iintshaba. Ngexesha elililo uyasikhulula kuloo miqobo ukuze senze umsebenzi wokushumayela ngoBukumkani.—Marko 13:10..
Iimbalasane Zenxalenye Yesihlanu Yencwadi YeeNdumiso
119:71—Ziziphi iingenelo ezinokubangelwa kukuxhwaleka? Iinzima zinokusifundisa ukukholosa ngakumbi ngoYehova, sithandaze ngokunyaniseka kuye, size sikukhuthalele ukufunda iBhayibhile nokusebenzisa oko ikutshoyo. Esinye isizathu kukuba indlela esisabela ngayo ingatyhila iinkalo ezithile zobuntu bethu ezifuna ukulungiswa. Ukubandezeleka akusayi kusenza sibe nenzondo ukuba siyakuvumela kusisulungekise.
“Lilani Kunye Nabantu Abalilayo”
3 Asiyithandabuzi nakancinane into yokuba nguBawo wethu osezulwini onovelwano, uYehova, oyena ukwaziyo ukuthuthuzela. (Funda eyesi-2 kwabaseKorinte 1:3, 4.) UYehova ungoyena simele sifunde kuye ukulila nabalilayo, ibe wathi kubantu bakhe: “Mna—mna ndinguLowo unithuthuzelayo.”—Isa. 51:12; INdu. 119:50, 52, 76.
5 Asimele siyithandabuze into yokuba uYehova uza kusinceda. Masingalibazisi ke ukuthandaza kuye, simchazele yonke intlungu yethu. Ngokwenene kusenza sixole ukwazi ukuba uYehova uyayazi intlungu esikuyo kwaye usithuthuzela kanye ngendlela esiyidingayo! Kodwa ke usithuthuzela njani?
Ubuncwane ObuseBhayibhileni
Iimbalasane Zenxalenye Yesihlanu Yencwadi YeeNdumiso
119:96—Lithetha ntoni ibinzana elithi “isiphelo sako konke ukugqibelela”? Apha umdumisi uthetha ngokugqibelela ngokwembono yomntu. Inokuba wayeqonda ukuba imbono yomntu ngengqibelelo ilinganiselwe. Ngokwahlukileyo koko, umthetho kaThixo awulinganiselwanga. Usebenza kuzo zonke iinkalo zobomi. IBhayibhile yesiXhosa yowe-1996, ithi: “Ndiyaqonda ukuba ayikho into egqibeleleyo” iphinde ithi: “Ke yona imiqathango yakho ayinantanga.”
DISEMBA 23-29
UBUTYEBI OBUPHUMA ELIZWINI LIKATHIXO INDUMISO 119:121-176
Ndingakuphepha Njani Ukubabuhlungu Ngokungeyomfuneko
Isazela Sakho Masiqeqeshwe Yimithetho Nemigaqo KaThixo
5 Ukuze imithetho kaThixo isincede, asimele siphelele ekuyifundeni nje, siyazi. Simele siyithande size siyihlonele. ILizwi LikaThixo lithi: “Thiyani okubi, nithande okulungileyo.” (Amosi 5:15) Kodwa singayenza njani loo nto? Kufuneka sibone izinto ngendlela uYehova azibona ngayo. Masenze umzekelo: Masithi unengxaki yokulala. Ugqirha wakho ukuxelela indlela omawutye ngayo, athi jima, utshintshe nendlela ophila ngayo. Uthi wakuzenza ezi zinto, uncedakale! Mhlawumbi loo nto iya kwenza umthande ngenxa yokuba ekuncedile. Utsho ube nombulelo ngendlela lo gqirha akuncede ngayo.
6 Ngendlela efanayo, uMdali wethu usinike imithetho esikhusela kwisono nemiphumo yaso, butsho ubomi bethu bube bhetele. Siyancedakala xa sithobela imithetho eseBhayibhileni efana nokuba masingaxoki, singacebi okubi, singebi, siziphathe kakuhle, singathandi ukulwa, sohlukane nezinto zeedemon. (Funda iMizekeliso 6:16-19; ISityhi. 21:8) Xa sibona indlela esincedakala ngayo ngokwenza izinto ngendlela afuna ngayo uYehova, sitsho simthande kakhulu, sithande nemithetho yakhe.
Lutsha—Yintoni Eniyisukelayo?
12 Ngaphezu koko, ufanele ufunde ukuyithiya, ukuyicekisa, nokuyenyanya into embi. (INdumiso 97:10) Uyithiya njani into ekuqaleni esenokuba kukuzonwabisa okanye ibe yinto emnandi? Ngokucinga ngemiphumo! “Musani ukulahlekiswa; uThixo yena asingowokuhlekisa. Kuba into athe wahlwayela yona umntu, wovuna kwayona; ngokuba lowo uhlwayelela eyakhe inyama, wovuna ukonakala ngokwasenyameni.” (Galati 6:7, 8) Xa uhendelwa ukuba unikezele kwinkanuko, cinga ngeyona nto ibalulekileyo—indlela oku okunokumenza buhlungu ngayo uYehova uThixo. (Thelekisa INdumiso 78:41.) Kwakhona, cinga ngokumitha okungafunwayo okusenokwenzeka okanye ukufumana isifo, esinjengoGawulayo. Cinga ngokuphazamiseka kweemvakalelo nokuphelelwa kukuzihlonela oya kuba nako. Kusenokubakho nemiphumo ehlala ixesha elide. Elinye ibhinqa elingumKristu liyavuma: “Mna nomyeni wam saba neentlobano zesini nabanye abantu ngaphambi kokuba sidibane. Nangona namhlanje sobabini singamaKristu, indlela esasiziphethe ngayo ngokwesini ngaphambili iyeyona nto ibangela ingxabano nomona emtshatweni wethu.” Enye into efanele ingalityalwa kukuphulukana namalungelo akho obuthixo okanye isibakala sokuba usenokugxothwa kwibandla lamaKristu! (1 Korinte 5:9-13) Ngaba naluphi na ulonwabo lokwexeshana luyifanele imiphumo enjalo ukuba yintlekele?
Ubuncwane ObuseBhayibhileni
Qiniseka Ukuba “ILizwi [LikaThixo] Liyinyaniso”
2 Thina siqinisekile ukuba uYehova esimkhonzayo ‘nguThixo wenyaniso’ futhi usoloko esenza izinto eziza kusinceda. (INdu. 31:5; Isa. 48:17) Siyazi ukuba sinokuzithemba izinto esizifunda eBhayibhileni kuba “lonke ilizwi [LikaThixo] liyinyaniso.” (Funda iNdumiso 119:160.) Sivumelana nento eyathethwa ngomnye umphengululi weBhayibhile esithi: “Kuzo zonke izinto awazithethayo uThixo, akukho nenye engeyonyani okanye engasoze yenzeke. Abantu bakhe banokuzikholelwa izinto azithethayo kuba bayamthemba.”
DISEMBA 30–JANUWARI 5
UBUTYEBI OBUPHUMA ELIZWINI LIKATHIXO INDUMISO 120-126
Batyala Belila Bavuna Bevuya
Basikelelekile Abo Bazukisa UThixo
10 Xa singena kwidyokhwe yokuba ngumfundi, silwa noSathana. KuYakobi 4:7 sifumana esi sithembiso: “Mchaseni uMtyholi, wonibaleka.” Oku akuthethi kuthi ukwenjenjalo kulula. Ukukhonza uThixo kuthetha ukuzibhokoxa. (Luka 13:24) Kodwa iBhayibhile ithembisa isithi kwiNdumiso 126:5: “Abo bahlwayela imbewu ngeenyembezi baya kuvuna ngentswahla yovuyo.” Ewe, asinquli uThixo ongenambulelo. “Ungumvuzi wabo bamfuna ngenyameko,” yaye uyabasikelela abo bamzukisayo.—Hebhere 11:6.
Luza Kuqina Kangakanani Ukholo Lwakho?
17 Ngaba usentlungwini yokuswelekelwa? Qinisa ukholo lwakho kwithemba lovuko ngokufunda ngabantu abavuswayo ekuthethwa ngabo eBhayibhileni. Ngaba ukhathazekile kuba umntu wakowenu ekhutshelwe ngaphandle? Funda izinto eziza kukwenza uqiniseke ukuba uYehova uyamqeqesha kuba efuna ukumnceda. Nokuba injani ingxaki onayo, sebenzela ukuba iqinise ukholo lwakho. Mxelele yonke into esentliziyweni yakho uYehova. Sukuzikhetha kubazalwana noodade, hlala ukunye nabo. (IMize. 18:1) Yenza izinto eziza kukwenza ukwazi ukunyamezela, nokuba uzibona sezisehla iinyembezi xa ucinga izinto ezikwehleleyo. (INdu. 126:5, 6) Ungayeki ukuya kwiintlanganiso, entsimini, nokufunda iBhayibhile. Hlala ucinga ngezinto ezintle aza kukwenzela zona uYehova kwixesha elizayo. Xa ubona indlela akunceda ngayo ngoku, ukholo lwakho luza kuya luqina.
Qhubeka Nomsebenzi Wokuvuna!
13 Alukhuthazo kakhulu kubasebenzi besivuno sikaThixo, ingakumbi abo batshutshiswayo, amazwi afumaneka kwiNdumiso 126:5, 6 athi: “Abo bahlwayela imbewu ngeenyembezi baya kuvuna ngentswahla yovuyo. Nalowo uthi nakanjani na aphume, elila, ethwele ingxowa ezele yimbewu, nakanjani na uya kufika enentswahla yovuyo, ethwele izithungu zakhe.” Amazwi omdumisi athetha ngokuhlwayela nokuvuna abonisa inyameko nentsikelelo kaYehova kwintsalela eyayivela ekuthinjweni kwiBhabhiloni yamandulo. Yayivuya kakhulu emva kokukhululwa kwayo, kodwa kusenokwenzeka ukuba yayilila xa ihlwayela imbewu kumhlaba owawuyinkangala owawungalinywa ebudeni beminyaka engama-70 yokuthinjwa kwayo. Noko ke, abo baqhubeka besenza umsebenzi wokuhlwayela nokwakha banandipha isiqhamo nolwaneliseko ngenxa yomsebenzi wabo.
14 Sinokulila xa sivavanywa okanye xa thina okanye amanye amakholwa ebandezeleka ngenxa yobulungisa. (1 Petros 3:14) Ekuqaleni, sisenokufumana ubunzima kumsebenzi wethu wokuvuna ngenxa yokuba kungabonakali mpumelelo kwimigudu esiyenzayo kubulungiseleli. Kodwa ukuba siyaqhubeka sihlwayela size sinkcenkceshele, uThixo uya kuhlumisa, ngokufuthi uya kwenza ngaphezu kokuba besilindele. (1 Korinte 3:6) Oku kubonakala kakuhle ekusasazweni kweeBhayibhile neempapasho zeZibhalo.
Ubuncwane ObuseBhayibhileni
Amandla Akhuselayo—‘UThixo Uyindawo Yethu Yokusabela’
15 Khawucinge kuqala ngendlela esikhuselwa ngayo ngokwasemzimbeni. Njengabanquli bakaYehova, sinokulindela ukuba uya kukwenza oko kuthi njengeqela. Kungenjalo, besiya kuba zizisulu zikaSathana. Khawucinge nje ngoku: USathana, “umlawuli weli hlabathi,” akananto yimbi ayinqwenela njengokuphelisa unqulo lokwenyaniso. (Yohane 12:31; ISityhilelo 12:17) Abanye babona rhulumente bomeleleyo emhlabeni baye bawuvala umsebenzi wethu wokushumayela baza bazama nokusicim’ igama. Sekunjalo, abantu bakaYehova baye bahlala bomelele yaye baqhubeka beshumayela bengayeki! Kutheni iintlanga ezomeleleyo zingakwazanga nje ukuliphelisa eli qela lincinane nelibonakala lingenamandla lamaKristu? Kungenxa yokuba uYehova uye wasikhusela ngamaphiko akhe omeleleyo!—INdumiso 17:7, 8.