Indlela Yokunandipha Ubomi Bentsapho Obonwabisayo

“UGRACIELA waseArgentina, kuMzantsi Merika, ubhala esithi: “Bendisoloko ndifunda amaphephancwadi IMboniselo noVukani! kangangeminyaka engama-40. Namhlanje, emva kweminyaka emininzi kangako ndingatsho ngokunyaniseka ukuba aye azanelisa iintswelo zam. Aye andinceda ukutyhubela ubuntwana, kwiminyaka yeshumi elivisayo, ekuthandaneni ngaphambi komtshato nasemtshatweni, nasekukhuliseni abantwana bam abathandathu.

“La maphephancwadi ayasinceda nomyeni wam ekukhuliseni abantwana bethu abane abasahlala nathi ekhaya. Ndisebenzisa la maphephancwadi xa ndithetha nabantwana bam kunye nabafundisi-ntsapho babo esikolweni. Ndiye ndafunda uVukani! ngokuthe ngqo xa ndithetha noogqirha ngeengxaki zempilo. Ngokuncedwa lungcelele lwamanqaku athetha ‘ngengxaki yokungakwazi ukufunda’ (Matshi 8, 1997), sakwazi ukuqonda ukuba enye yeentombi zethu inengxaki yokufunda.”

Iimpapasho zeWatch Tower Society zinokunceda iintsapho zimelane neengxaki ezininzi ezijamelene nazo zize zinandiphe ubomi obonwabisayo kunye. Ngokomzekelo, incwadi enamaphepha ali-192 ethi Imfihlelo Yolonwabo Lwentsapho inokunceda abayeni, abafazi, abazali, abantwana, ootatomkhulu noomakhulu—ewe, onke amalungu entsapho. Phakathi kwezahluko zayo ezifundisa ngoku zezi zilandelayo: “Qeqesha Umntwana Wakho Eselusana,” “Nceda Okwishumi Elivisayo Aphumelele,” “Khusela Intsapho Yakho Kwiimpembelelo Ezitshabalalisayo,” nesithi “Unokuzoyisa Iingxaki Ezonakalisa Intsapho.”

Ukuze ufumane umbhalo wayo nceda uzalise eli phetshana, uze usebenzise idilesi eboniswe kulo okanye efanelekileyo kwezidweliswe kwiphepha 5 leli phephancwadi. Uya kufumana amacebiso angqalileyo aya kukunceda ukuba ucombulule iingxaki yaye anokwenza ubomi bentsapho bube lolo yolo uMdali wayefuna ukuba bube lulo.

□ Ndithumeleni incwadi ethi Imfihlelo Yolonwabo Lwentsapho.

□ Ncedani niqhagamshelane nam ngokuphathelele isifundo seBhayibhile sekhaya sesisa.

[Umfanekiso okwiphepha 32]

UGraciela nentsapho yakhe